Amosi 2:15 - Amazwi Yakwe Leza 2013

¹⁵ Umuntu wa malapwa ni nceto atalazyansya. Ivita vyao ivikasimula pa musili navyo kwene vitaluutuka, nga ni vya pa mfwalasi vitalaituula.

Amosi 2:15 ပူးပေါင်းရင်းမြစ်များ

Kasambilizya 9:11

Naweni icintu nacuze. Icintu cico icakuti antu yano yakwatisya ulwilo yasicimvya mu kucimvyanya, na antu aposye yasicimvya mu nkondo. Antu yamano asi lyonsi lino yakwata ivyakulya. Antu acenjele asi lyonsi lino yakaya akama. Antu asambilile asi lyonsi lino yakasyukila incito ya papela, pano isyamo likaponela umuntu ali wensi.

Ezaya 31:3

Aina Eguputo yasi yaleza foo, lelo antu sile. Imfwalasi zyao isi mipasi foo, lelo inyama sile. Lino Yawe alacitapo cimwi, ale umutundu wa antu yamaka wapelelwa. Na antu ya mitundu yonsi yoili ale yalowa.

Yelemiya 51:56

Yiza ku konona Babiloni. Ivita vyakwe vyalemwa na malapwa yao yakontolwa. Nene indi Leza akakalipila uyi, nupya ndacitila Babiloni ndi muno akalondela, ukulingana ni sunde.

Ezekelo 39:3

Nga alino lyene ndakontola ulapwa uno ulemile ukwikasa limani nu kuleka ukuti inceto zipone pansi zino ufumbite ukwikasa lyakwe ndilo.

Amosi 9:1

Naweni Yawe ala aimi apipi na kavuwa. Wene wavwanzile ati, “Kunulini incesi zya Ng'anda ikulu yakwe Yawe, kuti umufula wakweyo utente. Muziongolwele pa mitwe ya antu. Yayo asyala ndayakoma umu nkondo. Kusi umwi wino alaleuka. Kusi umwi wino aluutuka.

Hagai 2:22

Indi nu kuwisya yamwene yonsi amitundu ya inamasi yonsi nga nu kulovya maka yao. Indi nu kuzangawalika amaceleta na akakwelapo yonsi. Indi nu kulovya imfwalasi zizi na akakwelapo yonsi yali nu kukomana.

Zakaliya 10:5

Ayuda yalacimvya wa vita ivikulyatola pa anisi yaviko mu matipa yamu miseo. Ayuda yalalwa inkondo pano ne Yawe naya nayo, yene yalacimvya na anisi kwene akapitila pa mfwalasi.