Amosi 2:13 - Amazwi Yakwe Leza 2013

¹³ “Uvwini, nemo ndamusyunola apa musili nupya mulalila wa maceleta yano yati yanyomelwa ni visendo vya ngano.

Amosi 2:13 ပူးပေါင်းရင်းမြစ်များ

Utandiko 37:7

Twali tuli ku vyalo swensi tukunyepa myanzi ya ngano, lyene umwanzi wane iwimilila, wololoka ni myanzi inu nayo iimilila izingulwike umwanzi wane nu kuufukamila.”

Yobo 39:12

Uzye ungatala uwailolela kuti ikolonganike ingano, nga ikuletele apa lwano lwako?

Masamu 78:40

Pasi pa maila nu wingi lino yasangukilanga Leza umu lwanga nupya pasi pa maila nu wingi, lino yamusakamikanga!

Ezaya 1:14

Natimpata uwanda ukulu uwandoleko ya mwezi kumwi na manda yakulu yauze yano mukampepelapo. Vivyo lyene vili wa cisendo kunondi, nkuposiwa ukusenda.

Ezaya 43:24

Mwemo musisumba ulupiya lwinu apakunkalila ubani, nupya musifika penepo apakunsansamusya na mafuta ya nyama zinu. Mwemo mwakomela sile ukuncuzya pamulandu nu uyi winu, nu kumfisya uku mwenzo uku uyi winu uno mukacita.

Ezaya 7:13

Lyene Ezaya avwanga ati, “Uvwa kuno, we mwizikulu wakwe Davidi! Wemo wamanya mpiti ukuti ukucuzya antu icintu cimwi iciipe sana. Ale lyene icani fwandi cino wemo ukulonda ukucuzya nu Mwene Leza wane kwene?

Ezekelo 16:43

Wemo wakana ukwiusya amanda ya ukazyana wako, ukansonsomba na muli vii vyonsi. Nani kwene fwandi ndakuwezezya imicitile yako pa mutwe wako. Ivyalanda ne Yawe Simwandalali. Uzye kwene ukunena ndi vino utacisile iviipe umu mipitile yako iyamuselu?

Ezekelo 6:9

Mumo ali muno yalaikala uzya nu kunjiusya ali kuno yalanjiusizya nu kumanya ukuti anene nayafulwile nu kuyalenga insonyi. Pasi pano yamfumizyeko amano, yali nu lwiswa lwa tuluwi, nemo yansuuzile. Ukuya kwene yalaisuula aeneco pamulandu wa viipe ni vyawinyi vino yacitanga.

Malaki 2:17

Mukwanola Yawe mu mazwi inu. Lelo namwe mukuuzya muti, “Uzye fwandi tukumwanola umu nzila ci?” Mukacita vivyo apakulanda imuti, “Yawe Wamaka yonsi akaelenganya ukuti antu akacita inkota yene asuma, nupya wayatemwa.” Nanti imuti, “Uzye Leza wino atakwata akasoozi ali kwi?”

Mpendwa 7:3

Na mawila yano yapezile kuli Yawe aeya: amaceleta mutanda afupilizye na yamasaye ikumi na yaili, cila ntunguluzi yapezile masaye wenga, ni ntunguluzi ziili ziili zyapezile maceleta yaili afupilizye. Pacisila cakupeela vintu vii,