Amosi 2:11 - Amazwi Yakwe Leza 2013

¹¹ Nupya nene nasolwile yamwi mu ana inu kuti yaye yakasema, nu kusolola yamwi mu alumendo inu kuti yaye Anazili. Uzye asi avivyo, mwe ina Izlaeli? Avino Yawe wavwanga.

Amosi 2:11 ပူးပေါင်းရင်းမြစ်များ

1 Yamwene 17:1

Kasema umwi uwi zina lyakwe Eliya umwina Tisyibe mu mpanga yaku Gileadi, anena Aabu ati, “Nemo nalapa mwi zina lyakwe Yawe, Leza wa umi wa ina Izlaeli, wino nkatumikila, ukuti apa myaka iili nanti itatu kutalatala kuye ulumi nanti imvula suka sile ince mvwange.”

1 Yamwene 18:4

Lino Yezebele wakomanga yakasema yakwe Yawe, Obadiya watozile yakasema yamwi ukulingana nu mwanda onga nga ayafisa mu macele yaili. Wene wafisile yakasema amakumi yasano mwi cele lyonga, nayauze amakumi yasano ayafisa mwi cele lyuze, nga ayapeela ivyakulya na manzi.)

1 Yamwene 19:16

Alino Yeu umwana wakwe Nimisyi, nawe ukamupake amafuta nu kumulasika pa wene waku Izlaeli. Nga Elisya, umwana wakwe Syafati uwaku Abeli Meolaa, ukamupake amafuta kuti akupyane pali ukasema.

1 Yamwene 20:13

Pa nsita kwene ilya kasema umwi aya kuli Aabu umwene waku Izlaeli nga alanda ati, “Yawe wavwanga wati, ‘Uzye walola iciliumba cii, icikulu ca vita? Ilelo kwene namacipela mu makasa yako, nga lyene ulamanya ukuti nene indi Yawe.’ ”

1 Yamwene 20:35

Uwanda umwi Yawe apeela ilamulo ku muntu umwi, wenga uwamuli yakasema, kuti anene umuze ati, “We, si ngume.” Lelo umuze akana.

1 Yamwene 20:41

Lyene zuwazuwa kasema wilya avimbula kasalu ku mutwe na pa manso. Alino Aabu alooka ukuti a kasema.

1 Yamwene 22:8

Aabu aasuka Yeosafati ati, “Akunoli umuntu umwi wino angatuuzizya kuli Yawe, lelo namupata pano wene atatala ansemela cimwi icisuma. Lyonsi kwene akansemela sile amasyamo. Wene a Mikaya umwana umonsi wakwe Imila.” Yeosyafati nawe aasuka ati, “Umwene atalinzile kuvwanga vivyo.”

2 Yamwene 17:13

Yawe watumile inkombe zyakwe uku kuyasoka aina Izlaeli na ina Yuda, pamwi na yakasema ati, “Zenzukini, nu kulondela amasunde yane, aakazanwa mu vipope vino napiile ivikolwe vino na vino namulandile ukupitila muli yakasema yane.”

2 Yamwene 6:1

Iumba lyakwe yakasema yano Elisya watungululanga ilitandika ukuinong'onya liti, “Ing'anda muno tukakonganila yaticepa!

2 Milandu 36:15

Yawe Leza wa vikolwe vyao walanga watwalilila ukuyatumila yakasema, aya nu luse apa antu yakwe alino ayapokolola nga apokolola ni Ng'anda yakwe ikulu.

Yelemiya 11:21

Aonsi amu Anatoti yano yalondanga kukoma ne Yelemiya ala yakunena yati, “Ndi cakuti watwalilila ukusema mwi zina lyakwe Yawe, lyene tumakukoma.”

Yelemiya 2:31

Mwe luko lwipe mwe! Si mwange muvwe izwi lyakwe Yawe. Uzye kwene nemo indi wa matololo kuno muli, nanti indi wa mpanga ifite umwakoopa? Icani fwandi cino we mutundu wane wewe ukalanda ukuti mungaya kuno muitemilwe nu kukana weluluka kunondi?

Yelemiya 2:5

Vii avino Yawe akulanda ati, “Uzye ukuluvyanya cii kuno ivikolwe vinu vyazanyile munondi, apakuti vinsangukile? Vyene vyalondelile ukupepa utuluwi twasilesile, nga aisikulu yasanguka yaya asilesile.

Yelemiya 26:11

Nga alino yasimapepo na yakasema yanena intunguluzi zya antu yati, “Umuntu wii alingine sile ukufwa, pano watasema ilovyo ku musumba ndi vino mwatimuyuvwila ku matwi inu.”

Yelemiya 7:25

Ukutandikila sile pa wanda uno ivikolwe vinu vyafumile umu Eguputo ukufika ni lelo kwene, nemo natwalilile ukumutumila aomvi yane, yakasema.

Nyimbo zya ndosya 4:7

Yacilumendo amu Zioni ayengesanga mpee ukuluta na pali kungwi, ali ayenzulukile imili ukuluta na pa tumawe twamutengo utwakwe kolo, nanti utumawe tukankala twakwe safilo.

Mika 2:6

Antu iyavwanga kunondi yati, “Utasema, Utasema pa vintu vii. Ala swemo tutamazewana awe.

Milimo 4:18

Caleka yayaama nupya yayapeela ilamulo yati, “Mutaezya kuvwanga nanti kusambilizya mwi zina lyakwe Yesu.”

Milimo 5:28

“Twamupile ilamulo nu kukonkomezya kuti kutaya umuntu umwi uwakusambilizya mwi zina lya muntu wii,” lelo “Lolini cino mwati mwacita! Mwati musalanganya usambilizyo winu mu Yelusalemu monsi, nga mukasi kuti sweswe tuye nu mulandu wa kukoma muntu kwene wii?”

Milimo 7:51

Sitivini atwalilila kuyanena ati, “Mwe antu akoma myenzo mwe! Mutamanya Leza! Mwe yankoma matwi mwe. Mukoline ni vikolwe vinu kwene: namwe kwene mukukanya u Mupasi Wamuzilo lyonsi!

Malango 18:18

Ndayatumila kasema akoline nawe ukufuma mu antu yao kololo. Ndamunena ivya kuvwanga, nga nawe alayanena vintu vyonsi vino ndamupeela ilamulo kuti alande.

1 Samueli 19:20

Saulo nawe pali pakutuma antu yamwi akuyalema Davidi. Lino sile yafika yalola nakuno iumba lyakwe yakasema yakusema, ale Samueli aimi papa akuyatungulula, Mupasi wakwe Leza wikila pa antu yakwe Saulo nga nayo kwene iyasema.

1 Samueli 3:20

Ukutandikila sile ku mpanga iya ina Dani ukufika nu ku Belisyeba, aina Izlaeli yonsi yamanya ukuti umucumi Samueli a kasema wakwe Yawe.