Amosi 2:1 - Amazwi Yakwe Leza 2013

¹ Yawe wavwanga wati, “Aikazi aku Moabu yacili yakutwalilila ukwifya. Acino nemo ntalata ukuyavunuka. Yene yasowike amafupa ya mwene waku Edomu pa kuyoca mpaka yaya itwi.

Amosi 2:1 ပူးပေါင်းရင်းမြစ်များ

2 Yamwene 3:9

Awe mukwai umwene Yolamu nu mwene waku Yuda pamwi nu mwene waku Edomu ali vino yakatwike. Lino yapita amanda cinimbali, amanzi iyasila ukwaula ukusyala nanti tunono utwakumwa antu ni mfwalasi.

Mapinda 15:3

Amanso yakwe Yawe yaya mpanga yonsi, yakalola aipe nga na asuma kwene.

Ezaya 11:14

Yoili kwene yalazanza aina Filisti lwaku uwondaka nu kupokolola ivyuma ku antu akaikala uku ufumondaka. Yalacimvya aina Edomu na ina Moabu. Na ina Amoni yalauvwila kunoyali.

Ezaya 16:6

Antu aku Yuda ali pakuvwanga yati, “Tuuvwa mpiti ivilumba vya ina Moabu. Twamanya nu kuti antu yamwi akaitutumula, yene amitumfyo nupya ukuyuvwa kwao ukwa silesile.”

Ezaya 25:10

Yawe alacingilila umwamba uu ni kasa lyakwe, nga lelo aina Moabu alayalyatola ndi vino insawa zikalyatolwa muli citindi umu ciwina.

Yelemiya 25:21

Nupya aina Edomu, Moabu nga na ana yakwe Amoni.

Amosi 1:11

Yawe wavwanga wati, “Pamulandu wakuti aikazi aku Edomu yacili yakutwalilila ukwifya, nemo ntalata ukuyavunuka. Yene yazinginye akazi kao ala yalemile amalupanga, ukwaula kuyakwatila uluse, pasi pano yali nu ukali ni cipyu ivitangazusiwa.

Amosi 1:13

Yawe wavwanga wati, “Pamulandu wakuti aikazi aku Amoni yacili yakutwalilila ukwifya, nemo ntalata ukuyavunuka. Yene apakulondesya ukulundulula yanande yao, yatumbulanga anaci aku Gileadi yano yanyomelile.

Amosi 1:3

Yawe wavwanga wati, “Antu aku Damasiko yacili yakutwalilila ukwifya, acino nani ntalata ukuyavunuka. Yene yakazunya antu aku Gileadi ukaka ukaka.

Amosi 1:6

Yawe wavwanga wati, “Pamulandu wakuti aikazi aku Gaza yacili yakutwalilila ukwifya, nemo ntalata ukuyavunuka. Yene yatozile uluko lonsi pyu lwa antu, nu kulusenda yalutwala umu uzya ku mpanga ya Edomu.

Amosi 1:9

Yawe wavwanga wati, “Pamulandu wakuti aikazi aku Tuli yacili yakutwalilila ukwifya, nemo ntalata ukuyavunuka. Yene yatozile uluko lonsi pyu lwa antu asyalapo, nu kulusenda yalutwala umu uzya ku Edomu, ukwaula kusunga icipangano ca wina cici.

Amosi 2:4

Yawe wavwanga wati, “Pamulandu wakuti antu aku Yuda yakutwalilila ukwifya, nemo ntalaposiwa ukuyavunuka. Yene yakapepusya amasunde yane ne Yawe, acino yasinguvwila muli vyonsi vino nkayasunda, nga na Tuleza twaufi utwa vikolwe vyao twayaponzya.

Amosi 2:6

Yawe wavwanga wati, “Pamulandu wakuti antu aku Izlaeli yakutwalilila ukwifya, nemo ntalaposiwa ukuyavunuka. Yene yakakauzya antu aololoke nu lupiya lwakwe siluva, iyakazya na antu apina uku kukauzya ni ndyatu.

Mika 6:5

Mwe antu yane, iusyini vino Balaki umwene waku Moabu, walondanga kucita kuno muli, nga na vino Balamu umwana umonsi wakwe Beoli wamwaswike. Iusyini ivintu ivyamucitikile, apa lwendo lwinu lwakufuma ku Syitimu nu kuya ku Giligali. Iusyini ivintu vii vyonsi kuti mumanye vino ne Yawe namucitile apa kumutuula.”