Amosi 1:1 - Amazwi Yakwe Leza 2013

¹ Yaa, amazwi yakwe Amosi, wenga uwamuli yakacema aku Tekoa. Leza wamupile icilolwa ca vintu ivyacitikile aina Izlaeli umu manda yakwe Uziya, umwene waku Yuda, nga nu mu manda yakwe Yeleboamu, umwana wakwe Yeoasyi, umwene waku Izlaeli, lino kwasile imyaka iili kuti icilundumusi ciyeko.

Amosi 1:1 ပူးပေါင်းရင်းမြစ်များ

2 Samueli 14:2

Acino Yoabu atuma umuntu umwi ku Tekoa uwakuya senda umwanaci umwi uwamano. Lino umwanaci wilya wafika Yoabu amunena ati, “Nkulonda kuti uicite wa muntu ali ni ndosya. Uzwale nu mupango ku mutwe, utasakula ni nyele. Uloleke kwati aumwi uwapokelile mpiti indosya.

1 Yamwene 19:19

Eliya ali pakufuma penepo nu kuya zana Elisya, umwana umonsi wakwe Syafati, ala akulima na pulao. Apa nkolelo yakwe Elisya pali penepo yamasaye anyefilwe mu makoli ikumi na yaili, yayo alimanga na pulao. Wene ale akulima sile ni koli lyakwe yamasaye ilyalenga ikumi na yaili, ilyasyalikile. Eliya ali pakuzula icikuwalo cakwe azwika Elisya.

2 Yamwene 14:21

Lyene aikazi amu Yuda yonsi ali pakwikala pansi nu kusonta Azaliya ukuya umwene mu cifulo cakwe isi Amaziya. Pa nsita ilya Azaliya wali ni myaka ikumi na mutanda yakuvyalwa.

2 Yamwene 14:23

Mu mwaka walenga ikumi na isano uwa kuteeka kwakwe Amaziya umwana wakwe Yoasyi umwene wa mpanga yakwe Yuda, Yeloboamu umwana umonsi wakwe Yeoasyi umwene waku Izlaeli watandike ukuteeka mu Samaliya. Wene wateesile mu Samaliya imyaka amakumi yani na onga.

2 Milandu 11:6

Betelemu, Etamu, Tekoa,

2 Milandu 20:20

Lyene antu kwene yayo iyazyuka katondotondo nu kulungama ku mutengo wakwe Tekoa. Lino yakufuma, Yeosafati aimilila pa mulyango ati, “Tuini tuvwe swe antu aku Yuda na swensi swe ikazi amu Yelusalemu. Tailini Yawe Leza winu, nupya musipe. Tailini yakasema yakwe alino muli nu kucimvya.”

Kufuma 3:1

Uwanda umwi lino Mose wacemanga imfwele ni mbuzi zyakwe Yetulo, sivyala wino wali a simapepo waku Midyani, azitungulula nu kusalala mu lwanga mpaka afika ku mwamba wakwe Leza, uwa Holebu.

Ezaya 1:1

Mu lupapulo luu mwaya ivintu vino Ezaya umwana wakwe Amozi waweni mu cilolwa, ivyapa antu amu Yuda na amu Yelusalemu umu manda ya kuteeka kwakwe Uziya, na kwakwe Yotamu, na kwakwe Aazi nga na kwakwe Hezekiya, yamwene aku Yuda.

Yelemiya 1:1

Yaa ali mazwi yakwe Yelemiya, umwana umonsi wakwe Hilikiya, wenga wamuli yasimapepo aku Anatoti, mu mpanga yakwe Benjamini.

Yelemiya 28:8

Yakasema yonsi yano yatukolelile, wewe nani, yasowile ukufuma ku mpiti inkondo, inzala ni mpungo, ivyakwizila impanga izingi na yamwene akalamba.

Yelemiya 6:1

Mwe antu yakwe Benjamini, utukini! Mupuuke mu Yelusalemu! Lizini intandala mu Tekoa. Imikini imendela yakusonta ku Beti Hakelemu. Uzanzo nu uononesi vyasya vize ukufuma ku katutu.

Yelemiya 7:27

Acino wemo nanti umayanena amazwi yaa yonsi, yatalakuuvwa awe. Ulayaama, lelo yatalazumila awe.

Oseya 1:1

Mu manda ya kuteeka kwakwe Uziya, na kwakwe Yotamu, na kwakwe Aazi nga na kwakwe Hezekiya, yamwene aku Yuda, nga nu mu manda ya kuteekwa kwakwe Yeloboamu umwana umonsi wakwe Yeoasyi umwene waku Izlaeli, Yawe wapile ilandwe kuli Oseya umwana umonsi wakwe Beeli.

Amosi 7:14

Amosi aasuka Amaziya ati, “Nemo insi kasema nanti panono, nanti umwi uwa mwi umba lyakwe yakasema. Lelo nemo nene kacema wa mfwele nupya nene mulimi wa matingi.”

Mika 1:1

Mu manda ya kuteeka kwa mwene Yotamu, na kwakwe Aazi nga na kwakwe Hezekiya, ali yamwene aku Yuda, Yawe anena Mika waku Molesyeti amazwi. Nga ivintu vii vili vino wene waweni mu cilolwa ivikumile Samaliya na Yelusalemu.

Zakaliya 14:5

Pakuutuka mwemo mulafyonsya mu ciposi kwene cico ukufika ku lusansa longa mpaka ukulambila ku lusansa luze lwa mwamba ulya. Mulutuka ndi vino ivikolwe vinu vyutwike lino pizile cilundumusi, pa nsita ino umwene Uziya wateekanga mpanga yaku Yuda. Yawe witu aliza aloleke pamwi na angeli yakwe yonsi.

Mateo 4:18

Lino Yesu wapitanga mu nkumba yakwe yemba wa Galile, alola aina yaili, Simoni wino yatangi Petulo, na Andeleya mwina wakwe ala yali ni sumbo yakuvuwa muli yemba, pano yali alondo.

1 Kolinto 1:27

Leza, mwi pange lyakwe, wasolwile cico cino antu amu nsi yakaelenganya kuya utumpe, pakuti wene angazewanya antu yamano, nupya wene wasolwile cico cino antu amu nsi yakaelenganya kuya utonte pakuti azewanye antu yamaka.