Aina Levi 9:3 - Amazwi Yakwe Leza 2013

³ Lyene unene aina Izlaeli uti, ‘Tolini sawe kuti mupeele uwila wa kwelela amaifyo. Nupya mutole umwana wa ng'ombe nu mwana wa mfwele, yoili yao yaye a mwaka onga nupya aula ulema, kuti yaye amawila yakoca.

Aina Levi 9:3 ပူးပေါင်းရင်းမြစ်များ

Utandiko 37:31

Lyene yakoma imbuzi, yatumpika mwingila wakwe Yosefu mu wazi wa mbuzi.

Ezila 10:19

Yayo yene yazenzwike nu kuta aci yao, yatuula na suuku wa, mpolelwa yakwelela amaifyo yao.

Ezila 6:17

Apa kupaatwila ng'anda ii yakwe Leza, yafyuzile nu kupeela yacipambasi 100, ni mfwele 200, nu twana twa mfwele 400 utwakoca wa mpolelwa. Nga alino ukwika penepo na yasawe 12 akutuula wa mpolelwa yakupapatila ukwelela kwa maifyo kwa ina Izlaeli yonsi. Cila sawe ukwimilila cila mutundu apa mitundu ikumi na iili iya ina Izlaeli.

Kufuma 12:5

Mulinzile kulonda kana ka mfwele nanti kana ka mbuzi ka mwaka onga akaula ulema.

Ezaya 53:10

Leza nawe ali pakuvwanga ati, Icacumi anene kwene nalonzile ukuti muomvi wane acule, apakuti ku mfwa yakwe akuno kuye impolelwa yakulipila pa ui, pano lyene angakwata impyanyi, angalengela na panonsi, na vino nemo nateinye angaleka ukuti vyacitika ningo.

Aina Levi 10:16

Mose alondelezya imbuzi ya wila wa kwelela amaifyo. Lyene auvwa ukuti yatiyayoca mpiti. Mose akalipila Eleaza na Itamali, ayuzya ati,

Aina Levi 12:6

Lino insita yakuswefiwa kwa mpapo yakwe yasila, pa mpapo ya mwana umonsi nanti pa mpapo ya mwana umwanaci, nyina mututu alinzile ukuleta kuli simapepo, pa mulyango wi Taalu lya Ukongano umwana wa mfwele wa mwaka onga, kuti aye uwila wakoca. Nupya alinzile ukuleta icipeele conga nanti inkunda yonga ya wila wa kwelela amaifyo.

Aina Levi 14:10

Pa wanda uwalenga cinani alinzile ukuleta yasuuku yaili ni mfwele yakaci yonga, yamwaka onga, vyonsi vii vyaula ulema. Nupya alinzile ukuleta makilogalamu yatatu a usu utikinkanye na mafuta ya miolivi kuti uye uwila wa cakulya, nga ni ciputulwa conga pa viputulwa vitatu vyakwe lita wa mafuta ya miolivi.

Aina Levi 16:15

Pacisila cakwe cico, alinzile kufyula imbuzi ya wila wa kwelela amaifyo ya antu. Alete uwazi wa mbuzi iyo mu Ncende Yamuzilo kuluta. Alino atoole uwazi uwo asanse pa ntupiko ya Mbokosi ya Upangano nga nu ku nkolelo ya Mbokosi ya Upangano, wakwe vino waliwacita nu wazi wakwe cipambasi.

Aina Levi 16:5

Aina Izlaeli yonsi yalinzile ukupeela Aaloni yasawe yaili akupeela uwila wa kwelela amaifyo na suuku wenga uwa kupeela uwila wakoca.

Aina Levi 23:12

Pa wanda uno mwapeela impolelwa iyo ya mbezu zya mwata wa ngano, nupya mulinzile ukupeela uwila wakoca, suuku wa mwaka onga.

Aina Levi 4:23

Lyene antu yauze ndi yainena pamulandu wi ifyo lyaiko lilyo, yene ilinzile ukupeela uwila uu, sawe uwaula ulema.

Aina Levi 4:3

Muntu wino waifya ndi a Simapepo Mukulu wino wapakwa na mafuta, wene ala waletelela iuvi lyonsi. Lyene alinzile ukupeela kuli Yawe kacipambasi kaula ulema, pamulandu wi ifyo lyakwe. Kako kwene uli wila wa kwelela amaifyo api ifyo lino wacita.

Aina Levi 9:2

Alino anena Aaloni ati, “Tola kacipambasi ka wila wako uwa kwelela amaifyo nga na suuku uwa wila wako wakoca, vyonsi viye vyaula ulema. Upeele uwila kuli Yawe. Kacipambasi kaye uwila wa kwelela amaifyo, alino suuku aye uwila wakoca.

Aina Levi 9:4

Nupya mutole masaye na suuku kuti viye uwila wa utandano, wakuti mupeele pa manso yakwe Yawe pamwi nu wila wa cakulya, utikinkanye na mafuta. Pamulandu wakuti ilelo Yawe amaloleka kunomuli.’ ”

Loma 8:3

Leza wene watacita vino Masunde yakwe Mose yaposiwe kucita pamulandu wakuti miyele ya untunze yaya itonte. Wene wavunwike iifyo mu untu apa kutuma Mwana wakwe, uwizile mu musango wa untu wakwe sweswe swe yakaifya, pakuti aiize aipeele kuya impolelwa ya kukulula antu ku maifyo yao.

2 Kolinto 5:21

Klistu atatazile aifye! Lelo Leza wamucisile wakwe kaifya pamulandu witu, kuti muli Klistu tukume ku wololole wakwe Leza.

Tito 2:14

Wene waipile umwisikulu pamulandu witu, kuti atukulule kufuma ku nkota zyonsi nu kutucita asanguluke nupya akwakwe wenga sile, nga nu kuleka kuti tuye nu muzonda wakucita visuma.

1 Petulo 2:24

Klistu umwisikulu wasenzile cisendo ca maifyo itu mu mwili wakwe. Wene watanyilwe pa lupanda pakuti swemo tute ukwifya tutandike kucita vyawololoke. Vitotwa ni vyumo vyakwe ivikatupozya.

1 Petulo 3:18

Pano Klistu umwisikulu wafwile lyonga sile pamulandu wa maifyo itu. Wene wali uwakaele pa kufwila yakaifya, pakuti amutungulule kuli Leza. Wene wakomilwe, lelo aya nu umi ku mupasi.

Umbwilo 5:9

Yene imvile lwimbo lupya yati, “Wemo wazipilwa kutoola lupapulo nu kulematula vimanyililo vyakwelo. Pano wemo wakomilwe, nupya mu mfwa yako amuno wakalile Leza antu kufuma mu mitundu, ni ndimi, ni nko, nga ni misango ya antu yonsi.