Aina Levi 8:23 - Amazwi Yakwe Leza 2013

²³ Mose afyula suuku, nga atoola uwazi apaka pa nsongo yi kutwi lyakwe Aloni, lya kwikasa lilunji. Nupya apaka na pa cala ca kwikasa lilunji, nga na pa cikando cikulu ca kwikasa lilunji.

Aina Levi 8:23 ပူးပေါင်းရင်းမြစ်များ

Kufuma 29:20

Mumufyule, alino mutole uwazi umwi wakwe suuku wiyo nu kupaka pa nsongo yi kutwi lyakwe Aaloni ilya kwi kasa lyakwe lilunji nga na pa cikando ca kwi kasa lyakwe lilunji ucite icili conga ku ana yakwe Aloni. Uwazi uze ukanyile kavuwa kukazingulusya.

Kufuma 29:21

Utoole uwazi umwi pa kavuwa alino na mafuta yamwi akusolwela nga usanse pali Aaloni na pa vyakuzwala vyakwe, na pa ana yakwe Aaloni nga na pa vyakuzwala vyao. Lyene Aaloni na ana yakwe yamapaatwilwa kunondi pamwi ni vyakuzwala vyao.

Aina Levi 14:14

Simapepo alinzile kutoola uwazi umwi wa wila wa cizumila mulandu nga apake pa nsongo yi kutwi lya kwilunji, pa cala ca kwilunji na pa cikando ca kwi kulu lya kwilunji lya muntu wino akuswefiwa.

Aina Levi 14:17

Simapepo alinzile kutoola amafuta yamwi yano yasile pi kufi lyakwe, nu wazi umwi wa wila wa cizumila mulandu. Alino apake pa nsongo yi kutwi lya kwilunji, pa cala ca kwi kasa lilunji na pa cikando ca kwi kulu lilunji lya muntu wino akuswefiwa.

Aina Levi 14:25

Simapepo alinzile kufyula umwana wa mfwele uwa wila wa cizumila mulandu. Alino atoole uwazi wa mfwele apake pa nsongo yi kutwi lya kwilunji na pa cala ca kwi kasa lilunji, alino na pa cikando ca kwi kulu lilunji lya muntu wino akuswefiwa.

Aina Levi 14:28

Nupya atoole amafuta yamwi yano yali mwi kufi lyakwe nga apake pa nsongo yi kutwi lya kwi kasa lilunji lya muntu kwene wiyo akuswefiwa. Nupya apake ni cala ca kwi kasa lilunji, pamwi na pa cikando ca kwi kulu lilunji, papa kwene pano wali wapaka uwazi wa wila wa cizumila mulandu.

Aina Levi 7:37

Yakwene yaa, ali malamulo ya wila wakoca, uwila wa cakulya, uwila wa kwelela amaifyo, uwila wa cizumila mulandu, uwila wa kuteeka yasimapepo pa vilimba, alino nu wila wa utandano.

Loma 12:1

Caleka inane, pamulandu uno Leza watuyela mizu cuze, nkumupapata kuti mupele mili inu kunoli wa mpolelwa zya umi, nu kuipelesya mu kumuombela nu kumuzanzya. Kuu, kuli kupepa kwa cumi kuno mulinzile mwacita.

Loma 6:13

Mutapela vilundwa vya mili inu ku maka yi ifyo, kuti viye viombelo vya kucitilako ukakasi. Lelo muipele kuli Leza, wa antu yano azyukulwa kufuma ku afwe nu kuya nu umi. Mupele vilundwa vyonsi vya mili inu kuli Leza, kuti viye viombelo vya kucita vyawololoke.

Loma 6:19

Nkuomvya cilangililo ca uzya lino nkulanda kunomuli kuti muvwikisye vintu vii. Apa nsita imwi mwaipelisye ku kuya azya amicitile ikowele nga nu ukakasi pamulandu wa melenganyo inu aukakasi. Vivyo kwene, ndakai muipelesye ku kuya azya akacita vyawololoke pakuti mwatumikila Leza mu vyamuzilo.

1 Kolinto 1:2

Kwi uvi lyakwe Leza ilili mu Kolinto, na kuli yonsi yano aamwa kuti yaye antu yakwe Leza amuzilo, ali akwakwe mu kutaila kwao muli Klistu Yesu, pali pamwi na antu yonsi konsikonsi yano akapepa Mwene witu Yesu Klistu, Mwene witu nupya wakwao.

1 Kolinto 1:30

Lelo Leza wamuleta muli Klistu Yesu, nupya Leza wasenula Klistu kuya amano itu. Kupitila munoli Leza akatucita aololoke pa manso yakwe. Muli Yesu tukaya antu amuzilo yakwe Leza, nga nu kutuulwa.

1 Kolinto 6:20

Leza wamukazile pa mutengo ukulu cuze. Caleka omvini mili inu mu kupeela lulumbi kuli Leza.

Filipi 1:20

Cintu cino nkalonda nu kupaalila icakuti ntacitisya Klistu insonyi, nkupaalila kuya muposye ndakai ndi vino naya lyonsi kuti Klistu acindikilwe munondi lino indi nu umi nanti mufwe.

Filipi 2:17

Utailo winu mu Mwene nga nu kuomba kwinu vikoline wa mpolelwa iyapeelwa kunoli. Nu wazi wane ungapongolwelwa pa kupeela impolelwa. Cii ndi cacitika, ndazanga nu kusansamuka pamwi namwe.

1 Tesalonika 5:22

leukini viipe vya misango yonsi.

Ayebulai 2:10

Cali icisuma ukuti Leza, wino uwaumba vintu vyonsi nu kuvisunga ningo, acite Yesu aye umufumaluke mu kupita mu macuzi kuti atungulule ana yakwe aingi kukumako ku lulumbi lwakwe. Pano Yesu ali ntunguluzi ya kuyatungulula ku ufyusi.

Ayebulai 5:8

Lelo nanti angala wali u Mwana wakwe Leza, wene wasambilile kuyela kupitila mu macuzi yakwe.