Aina Levi 8:22 - Amazwi Yakwe Leza 2013

²² Lyene Mose aleta suuku wakwe ciili uwa kucita ulutambi lwa kupaka yasimapepo amafuta nu kuyapaatula. Alino Aaloni na ana yakwe yika makasa yao pa mutwe wakwe suuku.

Aina Levi 8:22 ပူးပေါင်းရင်းမြစ်များ

Aina Levi 7:37

Yakwene yaa, ali malamulo ya wila wakoca, uwila wa cakulya, uwila wa kwelela amaifyo, uwila wa cizumila mulandu, uwila wa kuteeka yasimapepo pa vilimba, alino nu wila wa utandano.

Aina Levi 8:2

“Toola Aaloni na ana yakwe. Utoole ni vyakuzwala vyausimapepo, amafuta akusolwela, na cipambasi uwa wila wa kwelela amaifyo, na yasuuku yaili, ni cimponda ca mukate usi na citutumusi.

Aina Levi 8:29

Lyene Mose atoola inganga, nga aiswelula pa manso yakwe Yawe wa wila wakuswelula. Iyo kwene cili ciputulwa cakwe Mose, cakwe suuku wa pa lutambi lwa kuteeka yasimapepo pa vilimba. Mose acita vintu vyonsi wakwe vino Yawe wapeezile ilamulo.

Yoane 17:19

Pamulandu wao nemo naitula kunuli kuya uwakwako, kuti nao kwene yaitule kunuli yaye akwako mu cumi.

1 Kolinto 1:30

Lelo Leza wamuleta muli Klistu Yesu, nupya Leza wasenula Klistu kuya amano itu. Kupitila munoli Leza akatucita aololoke pa manso yakwe. Muli Yesu tukaya antu amuzilo yakwe Leza, nga nu kutuulwa.

2 Kolinto 5:21

Klistu atatazile aifye! Lelo Leza wamucisile wakwe kaifya pamulandu witu, kuti muli Klistu tukume ku wololole wakwe Leza.

Efeso 5:25

Namwe mwe onsi mutemwe aci inu wakwe vino Klistu watemilwe iuvi nga nu kupeela umi wakwe pamulandu wakwelyo.

Efeso 5:27

Wacisile cii kuti aleke iuvi liloleke ilyalulumbi nupya ilyamuzilo, ilyaula mulandu nanti iyala nanti mikwinya nanti ndema zyuze.