Aina Levi 7:30 - Amazwi Yakwe Leza 2013

³⁰ Lyene alete umwisikulu na makasa yakwe amawila akocela Yawe. Alete amafuta ya nyama kumwi ni nganga kwene. Lyene inganga iyo aiswelwile pa manso yakwe Yawe wa wila wakuswelula.

Aina Levi 7:30 ပူးပေါင်းရင်းမြစ်များ

Masamu 110:3

Antu yako yalaipelesya, apa wanda uno wemo ulalwisya anisi yako. Ucindami wa wene, waukwasile lilya kwene lino wavilwe ala watuyemviwa nu kuyemviwa. Ali cino fwandi wemo, ukutandikila sile uku unya wako, waya nu wene wa pa mwamba wamuzilo.

Aina Levi 10:14

Lelo wewe pamwi na amu ng'anda yako, mungalya inganga nu mwendo vino vyapeelwa wa mawila kuli Yawe, vyakwe yasimapepo. Mungavilila mu ncende ili yonsi yamuzilo. Amawila yaa, yapeelwa kunuli pamwi na ana yako aonsi na anaci. Ciputulwa cii capeelwa kunuli ukufuma pa mawila autandano yano aina Izlaeli yakapeela.

Aina Levi 10:15

Yalinzile ukuleta umwendo ni nganga pamwi ni viputulwa vya mafuta vya mawila akoca akuswelula pa manso yakwe Yawe wa wila wakuswelula. Cii cili ciputulwa cako na ana yako wakwe vino Yawe wapeezile ilamulo.”

Aina Levi 3:14

Lyene pa wila uwo wene alinzile kupeela kuli Yawe uwila uu wakoca. Alinzile atolepo amafuta andatila vyamunda nanti yano yalematila kunovili.

Aina Levi 3:9

Lyene pa wila wa utandano wene alinzile kupeela uwila wakocela Yawe. Kuli kuti amafuta yakweyo, musinda unone onsi auputwila mwisika pipi nu musana. Nupya atoole amafuta yonsi yano yandatila vyamunda nanti yano yalematila kunovili,

Aina Levi 8:27

Apela ivyakulya vyonsi vii mu makasa yakwe Aaloni na ana yakwe nga nayo yaviswelwile pa manso yakwe Yawe wa wila wakuswelula.

Aina Levi 8:29

Lyene Mose atoola inganga, nga aiswelula pa manso yakwe Yawe wa wila wakuswelula. Iyo kwene cili ciputulwa cakwe Mose, cakwe suuku wa pa lutambi lwa kuteeka yasimapepo pa vilimba. Mose acita vintu vyonsi wakwe vino Yawe wapeezile ilamulo.

Aina Levi 9:20

vii vyonsi iyavika papela ya nganga zya nyama zizyo. Alino Aaloni avyoca pa kavuwa.

Aina Levi 9:21

Lyene aswelula inganga ni myendo ya kwilunji yoili wa wila wakuswelula pa manso yakwe Yawe, wakwe vino Mose wapeezile ilamulo.

Mpendwa 6:20

Alino simapepo aviswelule pa manso yakwe Yawe wa wila wakuswelula. Vyene ivyamuzilo ivyapeelwa kuli simapepo, ukwikapo ni nganga pamwi nu mwendo. Pacisila cakwe vii, umwina Nazili angamwa waini.

Mpendwa 8:11

Lyene Aaloni wenga sile mu kwimilila aina Izlaeli, aliwe ali nu kumpaatwila aina Levi, mu kuswelula ikasa lyakwe. Ale lyene aina Levi yaya na maka akuombela Yawe.

Yoane 10:18

Pasi umwi angankoma suka naleka kuti acite cico. Nene indi ni nsambu yakuleka kuti nkomwe nga nupya ningakatuka nje umumi. Ilamulo lii nafumya kuli Tata.”

2 Kolinto 8:12

Ndi mukulondesya kupeela, Leza alapokelela uwila winu pakulola pali vino mukweti, pano asilolekesya pali vino mutakweti.

Malango 18:3

“Lyonsi lino antu yapeela impolelwa, usi mulandu ingaya a cipambasi nanti imfwele, yasimapepo yalinzile kupelwa icilumbi, ni camvu ca pansi, nga ni cituka.