Aina Levi 7:2 - Amazwi Yakwe Leza 2013

² Pa cifulo cino yakafyulilapo inyama ya wila wakoca, ali pano yafyulila ni nyama ya wila wa cuzumila mulandu, alino yasansa uwazi wakweyo kuzingulusya kavuwa.

Aina Levi 7:2 ပူးပေါင်းရင်းမြစ်များ

Ezaya 52:15

Ali vino alalenga ukuti imitundu iingi izunguke, na yamwene kwene yatalalanda apakulola icata cakwe, apakulola cino citatazile cilandwapo, nanti ukulola cino citatazile cuvwike.”

Ezekelo 36:25

Na pakumusangulula ku tuluwi tonsi utwa mukowizye, nu kumakombezya yauze yonsi, nemo ndamukanyila amanzi asanguluke.

Ezekelo 40:39

Mu muputule wa mpongolo uwa kwingililapo pali amatebulo yaili ku na ku, apakufyulilapo impolelwa zyakoca, impolelwa zyakulipila pa maifyo nga ni mpolelwa zyakufuta pa viponge vya yantu.

Aina Levi 1:11

Alinzile kuifyulila ku katutu ka kavuwa pa manso yakwe Yawe. Lyene yasimapepo ana yakwe Aaloni aonsi yatole uwazi wakweyo yaukanyizye ukuzingulusya kavuwa.

Aina Levi 1:3

“‘Muntu ndi cakuti akupeela uwila wakoca, apeele cipambasi wa ng'ombe uwaula ulema. Apeelele pa mulyango wi Taalu lya Ukongano pakuti Yawe apokelele uwila uwo.

Aina Levi 1:5

Alino umuntu wiyo afyule cipambasi pa manso yakwe Yawe. Lyene yasimapepo ana yakwe Aaloni aonsi yatole uwazi wa ng'ombe iyo yaukanyizye ukuzingulusya kavuwa kano kali ulunga nu mulyango wi Taalu lya Ukongano.

Aina Levi 14:13

Simapepo alinzile kufyulila suuku mu Ncende Yamuzilo muno yakafyulila inyama zya mawila akwelela amaifyo na mawila yakoca. Uwila wa kwelela amaifyo uwakwe simapepo ndi vino nu wila wa cizumila mulandu uwakwakwe. Uwila wa cizumila mulandu uwamuzilo cuze.

Aina Levi 3:2

Muntu aikepo ikasa lyakwe pa mutwe wa ng'ombe iyo, alino aifyulile pa mulyango wi Taalu lya Ukongano. Lilyo kwene yasimapepo ana yakwe Aaloni aonsi yatole uwazi yaukanyizye ukuzingulusya kavuwa.

Aina Levi 3:8

Alino aike ikasa lyakwe pa mutwe wa mfwele iyo. Lyene aifyulile pa mulyango wi Taalu lya Ukongano. Pacisila cakwe vii, ana yakwe Aaloni yatole uwazi yakanyile kavuwa kukazingulusya.

Aina Levi 4:24

Lyene yene ilinzile ukwika makasa pa mutwe wakwe sawe, imufyulile pa cifulo cino yakafyulilapo uwila wakoca pa manso yakwe Yawe. Uwo kwene uli wila wa kwelela amaifyo.

Aina Levi 4:29

Lyene aike ikasa lyakwe pa mutwe wa mbuzi ya wila wa kwelela amaifyo. Alino aifyulile pa cifulo cino yakapelelapo uwila wakoca.

Aina Levi 4:33

Lyene aike ikasa lyakwe pa mutwe wa mfwele iyo ya wila wa kwelela amaifyo. Alino aifyulile pa cifulo cino yakafyulilapo uwila wakoca.

Aina Levi 5:16

Muntu wiyo alinzile ukulipa kuti aswilizye pa vintu vivi vino waposiwe ukulipa. Lyene aungilizyepo icintu conga pali cila visano. Alino avitwale kuli simapepo, nga simapepo wiyo acite ulutambi lwa kufuta amaifyo ya antu, lyene umuntu wiyo alelelwa.

Aina Levi 5:7

Lelo ndi cakuti umuntu atakweti umwana wa mfwele nanti wa mbuzi, lyene atoole ivipeele viili nanti utwana twa nkunda twili kuti viye ivyakupeela kuli Yawe, alipile pa maifyo yakwe. Conga ciye uwila wa kwelela amaifyo ni cuze ciye uwila wakoca.

Aina Levi 5:9

Lyene atoole uwazi umwi uwa cunyi cico ca wila wa kwelela amaifyo nga asanse mumbali zyonsi zya kavuwa. Lelo uwazi uze wasyala awitile pansi mwisika ya kavuwa kako. Ukwene uli wila wa kwelela amaifyo.

Aina Levi 6:25

“Nena Aaloni na ana yakwe uti, ‘Malamulo ya wila wa kwelela amaifyo aeya. Pa cifulo cino yakafyulila uwila wakoca, apano yafyulila pa manso yakwe Yawe uwila wa kwelela amaifyo. Uwo kwene uli wila wamuzilo cuze.’ ”

Aina Levi 6:7

Lyene simapepo acite ulutambi lwa kufuta iifyo lino umuntu wiyo wacita.”

Mpendwa 6:12

Alinzile kuipeela wensi pyu mu umi wakwe kuli Yawe wa mwina Nazili. Ali cino fwandi ali nu kuleta imfwele, suuku wa mwaka onga, wino alaya uwila wa cizumila mulandu. Amanda akucisila yasikupendelwako ukuti wali mupaatulwe, pano wene wakowizye inyele zyakwe.

Ayebulai 11:28

Utailo uwalenzile kuti Mose acite Ucilo nu kupeela ilamulo ku antu lyakukanya uwazi pa mema kuti mungeli wino wali nu kukoma mayeli atakoma mayeli ya ina Izlaeli.

Ayebulai 12:24

Mwati mwiza kuli Yesu wakukundanya antu na Leza mu upangano upya nga nu ku wazi wakwe wapongolwilwe nu kukanyiwa muno mwaya vintu visuma cuze vyalavilwe kuluta, ivyamu wazi wakwe Abeli.

1 Petulo 1:2

Mwemo Leza Tata wamusolwile kuti muye antu yakwe, nga nu Mupasi wakwe wamucita kuya amuzilo kuti mwayela Yesu Klistu na kuti mwaswefiwa nu wazi wakwe. Leza aye ni cikuku kunomuli, nupya amupeele mutende uvule cuze.