Aina Levi 7:18 - Amazwi Yakwe Leza 2013

¹⁸ Muntu ndi walya inyama ya mpolelwa yacuvwano pa wanda uwalenga yatatu, impolelwa iyo itangapokelelwa kuli Leza. Lelo impolelwa iyo ili nu kuya iyasilesile, iyaula muzano. Ili nu kuya impolelwa ikowele. Lyene umuntu wino walya impolelwa pa wanda uwalenga yatatu wene ali nu mulandu nupya alavunukwa.

Aina Levi 7:18 ပူးပေါင်းရင်းမြစ်များ

Mapinda 15:8

Yawe wapata uwila wa muntu mwipe, lelo ipepo lya antu asuma likamuzanzya.

Ezaya 65:4

Apa nsita ya usiku yene yakaya uku macele nu mu malindi. Ali muno yaya yapandwa amano ku mipasi ya afwe. Lyene alino yalya kapoli nu kumwelapo umusunyi wa nyama zikowele, zino yakatuula impolelwa.

Ezaya 66:3

Yamwi yakatuula cipambasi wa mpolelwa, yamwi yakakoma nu muntu yatuula wa mpolelwa, yatuula umwana wa mfwele wa kunyonga simbwa insingo, pakumukoma pakoca impolelwa, yamwi nayo yakatuula usu nanti uwazi wakwe kapoli, yamwi yakaocela ubani wa ciusizyo nanti ukupolelela utuluwi. Ala antu yaa pasi pakutemwa imipepele yao iipisye.

Yelemiya 14:10

Yawe nawe aasuka ati, “Antu yane yatemwisya ku lulumba, yene yasikaanya yakampingu yao. Ali cino ne Yawe nakana ukuyazengela. Nkaiusya ivinzulunzulu vyao, nga ndayavunuka apa kwifya kwao.”

Yelemiya 14:12

Pasi pano nanti yangata ukulya, nemo ntange nuvwe inkuuta zyao. Nupya nanti yangandetela amawila yakoca na mawila ya mbezu, nemo ntalazangila munoyali awe. Lelo ndayakomola ku lupanga, ku cipowe nu ku ndwala.”

Ezekelo 18:20

Uwaifizye aliwe alafwa, isi nawe atalapeelwa umulandu pa maifyo ya mwana. Umusuma alalambulwa pa usuma wakwe, umwipe nawe alapeelwa umulandu pa uyi wakwe.

Oseya 8:13

Yene yakapela impolelwa zya nyama kunondi nga yazilya, lelo ne Yawe nsizangila muno zili. Ndayaswilizya umu uzya ku Eguputo.

Aina Levi 10:17

“Uzye pacani cino mutalilile uwila wa kwelela amaifyo mu Ncende Yamuzilo? Uzye mutamanya ukuti uwila uu uwamuzilo cuze? Nupya mumanyile ukuti Yawe watapeela kunomuli kuti mucite ulutambi lwa kufuta amaifyo pakuti afumye maifyo yi uvi.

Aina Levi 10:19

Aaloni aasuka ati, “Ilelo ndi ndya uwila wa kwelela amaifyo uzye ngani cali cazanzya Yawe? Ilelo antu yaliyapeela pa manso yakwe Yawe amawila yao akwelela amaifyo nga na mawila yao akoca, lelo na ndakai kwene vintu vii viipisye vyativincitikila.”

Aina Levi 11:41

“Utakezye ukulya kanyama kanono kali konsi akakasela pansi,

Aina Levi 17:16

Lelo ndi cakuti atafuzile insalu zyakwe nu kufulala umwili onsi, ale mulandu wakwe.”

Aina Levi 19:5

“Lino mukupeela uwila wa utandano kuli Yawe Leza winu, mwasunga malamulo yano napeela kunomuli. Lyene alino nkaapokelela uwila uwo.

Aina Levi 20:17

“Monsi ndi watola kaci wakwe, umwana umwanaci wakwe isi nanti umwana umwanaci wakwe nyina, wamucita ukuya umuci wakwe, nupya yamanyana nu kumanyana, icintu cino antu oili yao yacita camuzewanya. Antu yaa oili yalinzile kusukulwa mu antu yao. Monsi wiyo wazewanya kaci wakwe, nupya alinzile ukulipa.

Aina Levi 20:19

“Monsi ndi walongozya na nyinasenge, oili yalinzile ukulipa pamulandu wi siku.

Aina Levi 22:16

pakuzumilizya umuntu wensi wino atazumiliziwa kulya impolelwa zizyo. Pano camusango uwo cingaletelela umuntu wino walya mulandu nga nu uvunuko. Nene indi Yawe, nupya nene nkalenga kuti impolelwa ziye zyamuzilo.’”

Aina Levi 22:23

Ku mpolelwa yakuitemelwa mungapeela masaye nanti imfwele ino ili nu ulema nanti ituze. Lelo ku mpolelwa ya kufikilizya mulapo itangapokelelwa.

Aina Levi 22:25

“‘Mutapeela wa cakulya inyama ili yonsi yamusango uwo, ino mwafumya mu makasa ya mwinamasi. Inyama yamusango uwo iyononeke nupya ilemale.’”

Aina Levi 5:17

Muntu umwi ndi wifya ukwaula kumanya, pakuntayela consi camu malamulo yakwe Yawe, wene ali nu mulandu nupya alinzile ukulipa.

Aina Levi 7:19

Pa nyama zya mpolelwa zizyo ndi imwi yakumya ku cintu cikowele, inyama iyo italinzile kuliwa, lelo ilinzile ukocewa. Muntu wensi musanguluke angalya inyama ya mpolelwa.

Amosi 5:22

Nanti angala mwandetela amawila inu akoca na mawila ya mbezu, nemo ntalapokelela. Nanti angala mwandetela amawila inu autandano asuma cuze, nemo ntalayazumila awe.

Malaki 1:10

“Si cangecizipe wenga uwamuno muli ayale ivisasa vya mu Ng'anda ikulu yakwe Leza, kuti muposiwe ukupemba umoto wasilesile apa kavuwa kane! Nemo ntakuzangila muno muli, nupya ntalapokelela uwila uli onsi ukufuma kuno muli.

Malaki 1:13

Yawe Wamaka yonsi wavwanga wati, Mwemo mukati, ‘Mwe, ala icintu cii icifuule!’ Nga imwaifyola. “Mwemo mukaleta amawila ya nyama zino mwiya nanti izilemale nanti zilwale. Uzye mukwelenganya ukuti ndazumila amawila yayo ukufuma kuno muli?

Mpendwa 18:27

Uwila uu, ucindamisye ulinzile wapendelwa wa cipande icikoline nu wila uno mulimi akapeela uwa mbezu pa kupuula nanti wakwe waini mupya.

Luka 16:15

Yesu ayanena ati, “Mwemo mukaizifilizya pa manso ya antu lelo Leza wamanya vyaya mu myenzo inu, pano vintu vino antu yakaelenganya ukuti vyacindamisya kunoyali ala ivya winyi pa manso yakwe Leza.

Loma 4:11

Wene wasilamwilwe pacisila. Ukusilamulwa kwakwe cali cili cilangililo cakuti cisininkiziwe vino Abulaamu wataile Leza lino atali kuti asilamulwe. Na Leza pali pa kumuzumila vino wene mololoke lino atali kuti asilamulwe. Acino Abulaamu ali cikolwe ca antu yonsi ataila Leza, yao yano Leza wazumila vino aololoke, nanti angala yatasilamulwa.

Ayebulai 9:28

Mu musango uli onga Klistu wapilwe kuya impolelwa yakufumya maifyo ya antu aingi. Wene alaloleka iila lyakwe ciili, asi ku kufumya maifyo, lelo ukwiza tuula yao akumulolela.

1 Petulo 2:24

Klistu umwisikulu wasenzile cisendo ca maifyo itu mu mwili wakwe. Wene watanyilwe pa lupanda pakuti swemo tute ukwifya tutandike kucita vyawololoke. Vitotwa ni vyumo vyakwe ivikatupozya.