Aina Levi 7:16 - Amazwi Yakwe Leza 2013

¹⁶ Lelo ndu muntu waleta uwila pa kufikilizya umulapo, nanti uwila wakuitemelwa, lyene yatangalya inyama iyo yonsi pa wanda uno yapeelwa. Lelo yangalya iyasyala pa wanda uno walondelela.

Aina Levi 7:16 ပူးပေါင်းရင်းမြစ်များ

Masamu 116:14

Umwi uvi lya antu yakwe, muno yatiyakongona, ali muno namafikilizya ulayo kuli Yawe uno namulavile.

Masamu 116:18

Namafikilizya ulayo uno nalavile we Yawe, apa manso yi uvi lyako ilyati likolongana,

Masamu 66:13

Nkukuletela uku ng'anda ukwako impolelwa zyakoca, nkukutuula vino nakulavile.

Kufuma 35:29

Caleka aina Izlaeli yonsi aonsi na anaci kwene yano yalondanga kupeela vintu vyao nu mwenzo wao onsi ku milimo ino Yawe wapeezile ilamulo kupitila muli Mose, yaleta amawila yao akuitemelwa kuli Yawe.

Mapinda 7:14

“Nemo ilelo nalindi wakutuula uwila wautandano, nafikilizya ilelo ulayo wane.

Ezekelo 46:12

“Intunguluzi ino ili pakuteeka, lino ilaitemelwa iine yonga ukuntuula ne Yawe, uwila wakoca, nanti sile uwila wa utandano, yace yaiyulila impongolo yaku ufumondaka apa kwingila umu musolo wa mwilinga lya mukasi. Nayo alino ilatuula impolelwa yakweyo iyakooca nanti iya kuminkana ndi vino ikacita pee apa wanda wi Sabata. Alino lyene ilafumila apanzi, nga na pacisila impongolo ikayalikwe.”

Aina Levi 22:23

Ku mpolelwa yakuitemelwa mungapeela masaye nanti imfwele ino ili nu ulema nanti ituze. Lelo ku mpolelwa ya kufikilizya mulapo itangapokelelwa.

Aina Levi 22:29

Lino mukupeela impolelwa yakutaizya kuli Yawe, mwalondela malamulo pakuti impolelwa zinu zingapokelelwa.

Aina Levi 23:38

Vimulo vii, ivyakulunda pa Masabata ya Mwene yano mukakwata lililili, nga na mawila kwene yaa, nayo kwene akulunda pa mawila yano mukapeela lililili, na pa mawila inu akufikilizya milapo, alino na pa mawila inu akuitemelwa yano mukapeela kuli Yawe.

Naumi 1:15

Lolini, uku mwamba kuku, kukwiza umuntu umwi wino asenzile ilandwe lisuma, ilya mutende pa kucimviwa kwa ina Asilya! Mwe antu amu Yuda, si mule muzevye ivimulo vinu, nu kufikilizya imilapo inu kuli Yawe. Antu ya ukakasi yatalatala yazanze impanga inu nupya. Yene yatiyononwa pyu.

Mpendwa 15:3

na lino yakupeela kuli Yawe amawila yakoca pa moto ukufuma mu ufyo wa mfwele nanti uwa mbuzi, cingaya amawila yakoca nanti impolelwa yakufikilizya ulayo, nanti tuti amawila yano aisikulu yaitemilwe ukupeela, nanti amawila yakucindika kuzevya kwa manda yao akulu aupefi, nanti uwila wa mununko usuma ukazanzya Yawe.

Malango 12:11

Yawe umwisikulu aliwe alasolola incende pakuti mwamupepela. Papo kwene ali pano mulatwala vyonsi vino ne Mose namukonkomezya. Ni vintu vivyo vili wa mawila inu akoca nga ni mpolelwa zinu zyuze. Alino ni vikumi na mawila inu, nga na mawila yauze aiyele yano mwalaya ukupeela kuli Yawe.

Malango 12:17

Monsi muno mulaikala mutaca mwatola nu kulya icikumi ca pa mbezu zinu, nanti waini, nanti amafuta ya miolivi, nanti iyeli lya ng'ombe nanti imfwele zinu, nanti uwila uli onsi uno mwalaya ukupeela kuli Yawe, nanti uwakuitemelwa kwene.

Malango 12:26

Lelo mulinzile kutoola amawila inu apaatulwa pamwi na mawila yauze yano mwalaya ukupeela kuli Yawe, nga muye ku ncende ino Yawe alasolola.

Malango 12:6

Ali pano mulamupeelela amawila inu akoca ni mpolelwa zyuze, ivikumi na mawila, amawila yano mwalaya ukupeela kuli Yawe, alino na mawila akuitemelwa mweisikulu, kumwi na mayeli ya ng'ombe ni mfwele zinu.