Aina Levi 6:2 - Amazwi Yakwe Leza 2013

² “Mpolelwa ili nu kupelwa ndi cakuti umuntu wifya kuli Yawe, pakukana wezezya umwina Izlaeli muze icintu cino wamusilile kuti aasunga, nanti pa kumwiila cimwi, nanti pa kumusomba,

Aina Levi 6:2 ပူးပေါင်းရင်းမြစ်များ

Utandiko 26:7

Lino aonsi aku Gelali yamuzya pa muci wakwe, avwanga ati, “Akaci wane. Wene atazumile ukuti Labeka u muci wakwe, pamulandu wa koopa ukuti aonsi akuku yangamukoma kuti yatwale Labeka, pano wali umuyembe cuze.

Masamu 51:4

Nemo naifya kunuli awewe sile wenga, awewe naifya, nu kucita ivintu iviipe kuli wewe. Icacumi walungika wakwe cimwi apakunkalipila, walungika apa kumpingula nu kumpela umulandu. Usifyenga umuntu mu upinguzi wako.

Mapinda 24:28

Utaya nu umboni wakusinila umuzo ndi cakuti utasininkizye umulandu, nupya utezya wavwanga ivintu ivya kumufyengelekezya umulandu.

Mapinda 26:19

waya wakwe cipena akuzukuza visonsololwa vya moto nanti ukwanga ni canzo.”

Ezaya 21:2

Ne Ezaya natindola icilolwa conga apa vintu ivikalale: wiyo akukoopa, akukoopa, wiyo akonona, akonona. Mwe vita vyaku Elamu, katusyini inkondo! Mwe vita vyaku Medya, mulizizye imisumba iyo. Nene ne Yawe ndamala ucuzi onsi uno waletwa na ina Babiloni.

Ezaya 24:16

Tulauvwa inyimbo ukufuma umu nsi yonsi muno yapelela, nazyo zizyo zilaya izyakulumbanya Umulungami. Lelo kwene nemo ne Ezaya, insyakutaila akantu akali konsi! Ala nemo lwati lunsilila! Yacisanguka yacili yakuomba umulimo wao na maunsenunsenu yawo yakulu kukulilako sile.

Ezaya 33:1

Kalanda kunuli we mononyi wemuno utatala wononwa, kasampa wa vyuma wemuno utatala usampwe. Lino ulamala ukonona, yalakonona. Na lino ulamala ukusampa ivyuma, nawe yalakusampa.

Yelemiya 9:5

Yonsi yakatumpwilana sile na auze. Kutaya nanti wenga akalanda vyampomvu, lelo yaelezya sile kulanda vyantumpu. Yene yaipisya cakuti cayaposya nu kuzenzuka.

Ezekelo 40:46

Umuputule uno ulozizye amanso ku katutu nao uwakwe yasimapepo akatumikila pa kavuwa ka mpolelwa. Yonsi aina Levi, nupya ana yakwe Zadoki aonsi yonga sile ali yano yali nu kupalamila Yawe apa kumutumikila.

Aina Levi 1:3

“‘Muntu ndi cakuti akupeela uwila wakoca, apeele cipambasi wa ng'ombe uwaula ulema. Apeelele pa mulyango wi Taalu lya Ukongano pakuti Yawe apokelele uwila uwo.

Aina Levi 19:11

“Mutaiya nanti kusomba nanti kutumpoka.

Aina Levi 5:15

Muntu umwi ndi watala mulandu mu kuntamanya, pa kuposiwa ukulipa ivyamuzilo kuli Yawe, wene alinzile ukuleta impolelwa kuli Yawe, suuku nanti sawe uwaula ulema, iye uwila wa cizumila mulandu. Umutengo wakweyo ulinzile kupimwa kulingana ni cipimo ca ku Ng'anda ikulu yakwe Leza. Ukwene uli wila wa cizumila mulandu.

Aina Levi 5:19

Yene, iili wila wa cizumila mulandu pi ifyo lino wacita pa manso yakwe Yawe.

Aina Levi 6:1

Yawe apeela Mose malamulo yaa, ati,

Amosi 8:5

Mwemo mukaivwanzya muti, “Uzye umuloleko wa Mwezi Upya ulasila lilaci pakuti tukakazye imbezu? Uzye wanda wi Sabata ulasila lilaci pakuti tukakazye ingano, nu kuti tuomvye ivipimilo vya ucenjezi, nu kukomya umutengo nu kuomvya inteko zya ucenjezi,

Habakuku 1:13

Amanso yako aziliziwe cakuti yasilonda ukulola iviipe. Utangazumilizya antu aipe yatwalilile ukuyembula insi. Umulandu cii cino ungazumilizya vyamusango uu ku antu aipe? Uzye apacani cino utangatola ulutampulo lwakulesya aipe ukulovya asuma nanti akaele?

Yoane 8:44

Mwemo mwemwe ana ya Musomvi, wii ali so, nupya mwatemwa kulondela kucita kulonda kwakwe. Kufuma nu ku utandiko kwene wali inkomi. Atatala aya mwa cumi pano wene cumi citaya munoli. Lino akuvwanga ntumpu, ala wene kunoli uli mwata, pano uwa ntumpu nupya aliwe uwazitandike.

Milimo 5:4

Lino utali ukazye calo, uzye citali icakwako? Na lino wakazizye calo, uzye impiya zitali zyakwako? Uzye pacani wasolola kucita cintu camusango uu? Utatumposile antu, lelo watutumpoka kuli Leza.”

Efeso 4:25

Caleka mutatwalilila kutumpoka nupya! Cila muntu alinzile alanda cumi ku muze wino uwataila, pano swensi sweswe vilundwa vya mwili wakwe Klistu.

Kolose 3:9

Mutatumpokana pano mwemo mwafumako ku umi wa mpiti ni micitile yakweo yonsi,

Umbwilo 22:15

Lelo yao akacita vya winyi na alozi, yacizelele ni nkomi, yakapepa ya tuluwi nga na yao akatumpoka mu mazwi nu mu vicitwa kwene, yaa yonsi yalasyala kunzi ya musumba ukulu.