Aina Levi 6:11 - Amazwi Yakwe Leza 2013

¹¹ Lyene azule vyakuzwala vyakwe vivi, azwale vyuze, alino azyole itwi nga alisende kunzi ya nsakwe, pa cifulo cino citakoweziwa.

Aina Levi 6:11 ပူးပေါင်းရင်းမြစ်များ

Kufuma 29:37

Pa manda cinimbali uwapeelela kavuwa impolelwa. Lyene kavuwa kalaya kamuzilo ukuluta, nga na consi cino cilakumya kavuwa kako naco cilononwa nu muzilo wakako.

Ezekelo 44:19

Pakufumila pa antu yano yali mu musolo wa mwi linga lyakunzi, yali nu kutala yazula ivyakuzwala vino yali yakuombelamo umulimo mu Ng'anda yane ikulu nu kuvisya mu mupute wamuzilo. Yali nu kuzwala insalu zyuze, ali pakukana letelela antu angakumya ku nsalu zizyo zyamuzilo.

Aina Levi 16:27

Ing'ombe ni mbuzi ya wila wa kwelela amaifyo, zino yatozile uwazi waziko yaomvye pa lutambi lwa kuswefya Ncende Yamuzilo kuluta, yalinzile kuzifumya kunzi ya nsakwe. Alino yoce imikwela, ni minyefu nga ni vyamunda vyakwezyo.

Aina Levi 24:9

Mukate uu, uwakwe Aaloni na amu mupanda wakwe, nga yalinzile kuulila mu Ncende Yamuzilo pamulandu wakuti umukate uu, cili ciputulwa camuzilo cuze ca mawila akocela Yawe.”

Aina Levi 4:12

avifumizye kunzi ya nsakwe ku citumba kuno yakasumba itwi nga akuno yavyocele pa moto wa nkwi.”

Aina Levi 4:21

Lyene cipambasi wiyo amufumizye kunzi ya nsakwe nu kumoca wakwe vino yacisile cipambasi wakutandika. Wiyo kwene ali wila wa kwelela amaifyo yi uvi.”

Aina Levi 6:10

Lyene simapepo azwale mwingila wakwe bafuta, alino na kaputula wakwe bafuta. Alino atoole itwi lya nyama ya wila wakoca, aitile mu mbali ya kavuwa kako kwene.

Aina Levi 6:12

Umoto pa kavuwa ulinzile kutwalilila ukwaka, kwaula kuzimiwa. Simapepo alinzile kusonsela nu kwikapo inkwi cila katondo, ateyanye nu wila wakoca penepo, nu koca amafuta ya wila wa utandano.

Aina Levi 6:20

“Uu uli wila uno Aaloni na ana yakwe yalinzile ukupeela kuli Yawe pa wanda uno akupaatulwa. Yalinzile ukupeela usu utonyoleke, wakulingana kilogalamu wenga, ciye ngati uwila wa usu uwa nsita zyonsi. Apeele citika wenga katondo, lyene citika muze apeele manguzi.

Aina Levi 6:22

Ku nsita yonsi yaku nkolelo uwila uu ulinzile kupelwa na wensi uwamu mupanda wakwe Aloni, wino akutumikila nga Simapepo Mukulu. Alinzile aoce onsi pyu.

Aina Levi 7:6

Monsi wensi uwamu ng'anda yakwe simapepo angalyako. Aliile uwila uwo pa Ncende Yamuzilo. Uwo kwene uli wila wamuzilo cuze.