Aina Levi 5:17 - Amazwi Yakwe Leza 2013

¹⁷ Muntu umwi ndi wifya ukwaula kumanya, pakuntayela consi camu malamulo yakwe Yawe, wene ali nu mulandu nupya alinzile ukulipa.

Aina Levi 5:17 ပူးပေါင်းရင်းမြစ်များ

Masamu 19:12

Kusi umwi angailolela ukuluvyanya kwakwe. Fwandi ungala umfule uyi wane uno wafisama!

Aina Levi 4:13

“Ndi iuvi lyonsi lya ina Izlaeli liifya, nupya yamanya ukuti yatiyavuna isunde limwi mu masunde yakwe Yawe kusi kumufulo,

Aina Levi 4:22

“Intunguluzi ndi yiifya kwaula kumanya ale yiifya kuli Yawe Leza wakweyo, na pa kucita icintu cino waindwa ala lyaya iifyo.

Aina Levi 4:27

Muntu uwasilesile ndi wifya kwaula kumanya, wacita icintu cimwi icili consi cino Yawe wainda, ala lyaya iifyo.

Aina Levi 5:15

Muntu umwi ndi watala mulandu mu kuntamanya, pa kuposiwa ukulipa ivyamuzilo kuli Yawe, wene alinzile ukuleta impolelwa kuli Yawe, suuku nanti sawe uwaula ulema, iye uwila wa cizumila mulandu. Umutengo wakweyo ulinzile kupimwa kulingana ni cipimo ca ku Ng'anda ikulu yakwe Leza. Ukwene uli wila wa cizumila mulandu.

Aina Levi 5:18

Wene alinzile ukuleta kuli simapepo, suuku nanti sawe uwaula ulema, nga wewe kwene ulinzile kwika umutengo wakwe kulingana nu mutengo uwa uwila wa cizumila mulandu. Simapepo wiyo alinzile ukucita ulutambi lwa kufuta amaifyo api ifyo lino umuntu wiyo wacita, lyene umuntu wiyo alelelwa.

Aina Levi 5:19

Yene, iili wila wa cizumila mulandu pi ifyo lino wacita pa manso yakwe Yawe.

Luka 12:48

Lelo wino atamanyile vino mwene wakwe akasi, ndi waomba milimo ingamulenga kuvunukwa, wene alumwa vikoti vinono. Pano kuli wino wapelwa vingi, ni vingi vilalondwa kufuma kunoli. Na kuli wino yaseekela vingi, ni vingi kuluta vilalondwa kufuma kunoli.

Loma 14:23

Lelo ndi akutwisika pali vino akalya, ale ali nu mulandu pano micitile yakwe isi pa utailo. Na consi cisi pa utailo ala iifyo.