Aina Levi 5:15 - Amazwi Yakwe Leza 2013

¹⁵ Muntu umwi ndi watala mulandu mu kuntamanya, pa kuposiwa ukulipa ivyamuzilo kuli Yawe, wene alinzile ukuleta impolelwa kuli Yawe, suuku nanti sawe uwaula ulema, iye uwila wa cizumila mulandu. Umutengo wakweyo ulinzile kupimwa kulingana ni cipimo ca ku Ng'anda ikulu yakwe Leza. Ukwene uli wila wa cizumila mulandu.

Aina Levi 5:15 ပူးပေါင်းရင်းမြစ်များ

2 Yamwene 12:16

Ulupiya ulwapelwanga uku kulipa ku milandu nanti uku kuzifya vino vyativivulungana, lwene yatalutwalanga ku Ng'anda ikulu yakwe Yawe. Lelo lwayanga sile kuli yasimapepo.

Ezila 10:19

Yayo yene yazenzwike nu kuta aci yao, yatuula na suuku wa, mpolelwa yakwelela amaifyo yao.

Kufuma 30:13

Ali wensi wino ali mu mpendwa yakupenda kuko apeele kulingana nu mutengo uno ukulondwa. Kuli kuti impiya zya masyekele zinyome kulingana na magalamu mutanda, kulondela cipimilo caku ng'anda yakwe Leza (syekele wenga alingine na magela amakumi yaili). Impiya kwene zii izyakupeela uwila kuli Yawe.

Ezekelo 40:39

Mu muputule wa mpongolo uwa kwingililapo pali amatebulo yaili ku na ku, apakufyulilapo impolelwa zyakoca, impolelwa zyakulipila pa maifyo nga ni mpolelwa zyakufuta pa viponge vya yantu.

Aina Levi 1:10

Muntu ndi cakuti akupeela uwila wakoca uwa mfwele nanti imbuzi, uwila uwo ulinzile ukuya a suuku nanti sawe uwaula ulema.

Aina Levi 1:3

“‘Muntu ndi cakuti akupeela uwila wakoca, apeele cipambasi wa ng'ombe uwaula ulema. Apeelele pa mulyango wi Taalu lya Ukongano pakuti Yawe apokelele uwila uwo.

Aina Levi 14:12

Lyene simapepo alinzile kutoola suuku wenga pamwi ni ciputulwa conga pa viputulwa vitatu vyakwe lita wa mafuta ya miolivi, nga avipele wa wila wa cizumila mulandu. Alinzile kuviswelula pa manso yakwe Yawe wa wila wakuswelula.

Aina Levi 27:3

Pa muntu umonsi ukufuma pa wa myaka amakumi yaili kufika pa wa myaka amakumi mutanda yakuvyalwa, alinzile ukulipa yasiluva amakumi yasano ukulingana ni cipimo ca ku Ng'anda ikulu yakwe Leza.

Aina Levi 4:2

“Nena aina Izlaeli ukuti pali vyonsi vino Yawe walesya, umuntu ali wensi ndi wifya kwaula kumanya, wacita icintu cimwi icaindwa, alinzile ukucita vii:

Aina Levi 5:14

Yawe apeela Mose malamulo yaa, ati,

Aina Levi 5:16

Muntu wiyo alinzile ukulipa kuti aswilizye pa vintu vivi vino waposiwe ukulipa. Lyene aungilizyepo icintu conga pali cila visano. Alino avitwale kuli simapepo, nga simapepo wiyo acite ulutambi lwa kufuta amaifyo ya antu, lyene umuntu wiyo alelelwa.

Aina Levi 5:18

Wene alinzile ukuleta kuli simapepo, suuku nanti sawe uwaula ulema, nga wewe kwene ulinzile kwika umutengo wakwe kulingana nu mutengo uwa uwila wa cizumila mulandu. Simapepo wiyo alinzile ukucita ulutambi lwa kufuta amaifyo api ifyo lino umuntu wiyo wacita, lyene umuntu wiyo alelelwa.

Aina Levi 6:6

Alino alete uwila wa cizumila mulandu kuli simapepo, uye uwila kuli Yawe. Wene ulinzile uye suuku uwaula ulema, nga wewe kwene ulinzile kwika umutengo wakwe kulingana nu mutengo wa wila wa cizumila mulandu.

Aina Levi 7:1

Yaa, ali malamulo ya wila wa cizumila mulandu, nupya yene amuzilo cuze.

Aina Levi 7:6

Monsi wensi uwamu ng'anda yakwe simapepo angalyako. Aliile uwila uwo pa Ncende Yamuzilo. Uwo kwene uli wila wamuzilo cuze.

Mpendwa 15:24

Ndu kuluvyanya kwacisilwe pamulandu wa kuntamanya kwi umba, ale lyene yalinzile ukupeela kacipambasi kuti kaye uwila wakoca, uwa mununko usuma ukazanzya Yawe. Yaupeele pamwi nu wila wa cakulya uno walandwa pamwi nu wila wakwe waini. Kulunda pali vii, yalinzile ukupeela sawe ukuya uwila wa kwelela amaifyo.

Mpendwa 5:5

Yawe apeela amazwi yaa autunguluzi kuli Mose,

Mpendwa 5:8

Lelo ndi cakuti wino yafyenzile wafwile alino pasi nu muntu wakwe uwakuti yapeele, lyene ale ivyakulipa vilinzile vilipwe kuli Yawe. Nu wakulya ivintu vivyo ale a simapepo. Na vivyo ale ivyakulunda pali suuku wino simapepo akuomvya pakucita ulutambi lwa kufuta amaifyo.

Malango 12:26

Lelo mulinzile kutoola amawila inu apaatulwa pamwi na mawila yauze yano mwalaya ukupeela kuli Yawe, nga muye ku ncende ino Yawe alasolola.

1 Samueli 6:3

Nayo iyaasuka iyati, “Ndi cakuti mwaswilizya Mbokosi ya Upangano yakwe Leza wa ina Izlaeli, ale lyene mutaiswilizya sile minwe. Lelo apakuiswilizya mulinzile mwika penepo nu wila wa cizumila mulandu uwa kulipa kuli Leza wa ina Izlaeli. Lyene ali lino mulapoziwa nu kumanya icalenga kuti Yawe atata ukumuvunuka.”