Aina Levi 4:7 - Amazwi Yakwe Leza 2013

⁷ Pacisila cakwe vii simapepo apake uwazi umwi pa mpembe zya kavuwa ka mwi Taalu lya Ukongano akakocelapo ubani wa cinunkilo cisuma pa manso yakwe Yawe. Uwazi uze uwasyala wakwe cipambasi wiyo awitile mwisika ya kavuwa ka kupelelapo uwila wakoca kano kali pa mulyango wi Taalu lya Ukongano.

Aina Levi 4:7 ပူးပေါင်းရင်းမြစ်များ

Masamu 118:27

Yawe ali Leza, aliwe watulanga ni vyakucita. Lemini imisambo ya miti umu minwe, tutandike ukumuzengela, twapita ale tukuzinguluka kavuwa kakocelapo impolelwa.

Kufuma 29:12

Utoole uwazi umwi wa ng'ombe iyo upake nu munwe wako pa mpembe zya kavuwa. Lyene uwazi wasyala witile pisika lya kavuwa.

Aina Levi 1:5

Alino umuntu wiyo afyule cipambasi pa manso yakwe Yawe. Lyene yasimapepo ana yakwe Aaloni aonsi yatole uwazi wa ng'ombe iyo yaukanyizye ukuzingulusya kavuwa kano kali ulunga nu mulyango wi Taalu lya Ukongano.

Aina Levi 16:18

Lyene alinzile kufumila kunzi nu kuya ku kavuwa kano kali pa manso yakwe Yawe, alino acite ulutambi lwa kukaswefya. Atole uwazi wakwe cipambasi nu wazi wa mbuzi, alino apake pa mpembe zya kavuwa akazingulusye.

Aina Levi 4:18

Pacisila cakwe vii, apake uwazi umwi pa mpembe zya kavuwa kano kali mwi Taalu lya Ukongano pa manso yakwe Yawe. Uwazi uze wasyala awitile mwisika ya kavuwa ka kupelelapo uwila wakoca, kano kali pa mulyango wi Taalu lya Ukongano.

Aina Levi 4:25

Pacisila cakwe vii, simapepo atimpike umunwe wakwe umu wazi umwi uwa wila wa kwelela amaifyo. Lyene apake uwazi pa mpembe zya kavuwa ka kupelelapo uwila wakoca. Uwazi uwo uno wasyala awitile mwisika ya kavuwa kako kwene.

Aina Levi 4:30

Pacisila cakwe vii, simapepo atimpike umunwe wakwe mu wazi umwi uwa wila wakwelela amaifyo. Lyene apake uwazi pa mpembe zya kavuwa ka kupelelapo uwila wakoca. Uwazi uwo uno wasyala awitile mwisika ya kavuwa kako kwene.

Aina Levi 4:34

Pacisila cakwe vii, simapepo atimpike umunwe wakwe mu wazi umwi uwa wila wa kwelela amaifyo. Lyene apake pa mpembe zya kavuwa ka kupelelapo uwila wakoca. Uwazi wasyala aitile mwisika ya kavuwa kako kwene.

Aina Levi 5:9

Lyene atoole uwazi umwi uwa cunyi cico ca wila wa kwelela amaifyo nga asanse mumbali zyonsi zya kavuwa. Lelo uwazi uze wasyala awitile pansi mwisika ya kavuwa kako. Ukwene uli wila wa kwelela amaifyo.

Aina Levi 6:30

Lelo ndi yaleta uwazi uwa wila uwo uwa kwelela amaifyo mwi Taalu lya Ukongano nu kuuomvya mu lutambi lwa kufuta amaifyo, inyama iyo italinzile ukuliwa. Ilinzile ukoca yonsi pyu.

Aina Levi 8:15

Lyene Mose akoma cipambasi, atoola uwazi umwi nu munwe wakwe, alino apaka pa mpembe zya kavuwa, kukazingulusya, nga akaswefya. Nupya aitila uwazi uze mwisika ya kavuwa, alino akapaatula. Mu nzila ii akacitila ulutambi lwa kufuta amaifyo.

Aina Levi 9:9

Ana yakwe yatoola uwazi yamupeela. Lyene Aaloni atimpika munwe wakwe mu wazi uwo, alino apaka pa mpembe zya kavuwa. Uwazi uze wasyala aitila mwisika ya kavuwa kako kwene.

Efeso 2:13

Lelo muli Klistu, mwe muno mpiti mwali kutali na Leza, wazi wa mpolelwa yakwe Klistu wamupalamika pipi.

Ayebulai 9:15

Pamulandu kwene uu, Klistu ali muntu wakukundanya antu na Leza mu upangano upya pakuti yao yano Leza waama yangapokelela upolelelo wape uno Leza walavile. Cii cingacitwa pamulandu wakuti Klistu wafwile, ni mfwa yakwe ikakulula antu ku maifyo yano yacisile lino upangano wankolelo waombanga.

Ayebulai 9:21

Mu musango uli onga Mose asansa wazi pi Taalu lya Upangano nga na pa vintu vyonsi vino vyaomviwanga mu upefi.

Umbwilo 6:9

Lyene Mwana wa mfwele alematula cimanyililo calenga visano. Alino pisika lya kavuwa ndola mipasi yakwe yao akomilwe pamulandu wakuti yene yakosozile mazwi yakwe Leza na pamulandu wa umboni uno yapile. Yene yapunda ni zwi likulu yati,