Aina Levi 4:31 - Amazwi Yakwe Leza 2013

³¹ Alino afumye amafuta yonsi ya mbuzi ndi vino yakafumya amafuta ya wila wa utandano. Lyene simapepo ayocele pa kavuwa kako, kuti viye uwila uwa mununko usuma ukazanzya Yawe. Mu musango kwene uu amuno Simapepo ali nu kupeelelamo uwila wa kufuta amaifyo ya muntu uwasilesile, nga insita kwene iyo umuntu alelelwa.

Aina Levi 4:31 ပူးပေါင်းရင်းမြစ်များ

Utandiko 8:21

Lyene lino Yawe wanunsya umununko, nga umwisikulu avwanga ati, “Ntalatala ntipe insi nupya, pamulandu wa vicitwa vya muntu. Amelenganyo ya antu yaya ankota ukufuma ku civyalilwa. Ntalonona insi ni vyaumi vyonsi nupya, wakwe vino natincita.”

Ezila 6:10

Cico cilinzile ukucitika apamulandu wakupeela kuli Yawe impolelwa ino ingapokelelwa na aliwe, nu kuti yapapatile mwene na ana yakwe aonsi upolelelo usuma uwa umi.

Yobo 42:8

Ali cino mwemo, yangini mukatole yacipambasi ya ng'ombe cinimbali, na yasuuku nayo kwene cinimbali. Muye nayo uku muonvi wane Yobo. Muye mukayocele apa kuyapela wa mpolelwa iyakuipapatila kweneko mwe eneco. Alino apa nsita kwene iyo, umuomvi wane Yobo amaya akamupapatile, pano wene ali wino ninguvwa ipepo lyakwe. Ndi caya vivyo, ale lyene ningasuula ukukuponga kwinu kuno mwaifizye, icakukana vwanga ivyampomvu kuli nene wakwe vino Yobo avwanzile.”

Kufuma 29:18

Lyene woce suuku wiyo wensi pa kavuwa. Wene uwila wakocela Yawe, nupya u mununko usuma wakuzanzya ne Yawe. Ukwene uli wila wakocela Yawe.

Ezaya 42:21

Apamulandu wa wololoke wakwe, Yawe akalondesya ukuti amasunde yakwe yakuziwe nu kucindamikwa.

Ezaya 53:10

Leza nawe ali pakuvwanga ati, Icacumi anene kwene nalonzile ukuti muomvi wane acule, apakuti ku mfwa yakwe akuno kuye impolelwa yakulipila pa ui, pano lyene angakwata impyanyi, angalengela na panonsi, na vino nemo nateinye angaleka ukuti vyacitika ningo.

Aina Levi 1:13

Lelo wene alinzile ukufula ivyamunda pamwi ni myendo kwene mu manzi. Alino simapepo atwale vyonsi vii pa kavuwa nu kuvyoca. Wene uli wila wakoca. Uwila uu uwa mununko usuma ukazanzya Yawe.

Aina Levi 1:17

Pacisila cakwe vii, alepule uwila uwo pakasi, lyapa limwi ku, ni lyuze ku. Lelo kusi kufumya maapa. Lyene aoce pa moto wa nkwi pa kavuwa. Cene uli wila wakoca. Uwila uu uwa mununko usuma ukazanzya Yawe.

Aina Levi 1:9

“‘Lelo wene alinzile ukufula ivyamunda pamwi ni myendo kwene mu manzi. Alino simapepo aocele inyama yonsi pa kavuwa. Yene uli wila wakoca. Uwila uu uwa mununko usuma ukazanzya Yawe.

Aina Levi 14:18

Mafuta yano yasyala pi kufi simapepo alinzile kupaka ku mutwe wa muntu wino akuswefiwa. Vii, avili vino simapepo alinzile ukucitila umuntu ulutambi lwa kufuta amaifyo pa manso yakwe Yawe.

Aina Levi 15:15

Simapepo alinzile ukupeela icunyi conga ukuya uwila wa kwelela amaifyo. Lyene icunyi cuze ciye uwila wakoca. Vii, avili vino simapepo alinzile ukucita pa lutambi lwa kufuta amaifyo ya muntu wiyo pamulandu wakuti akufumya ufila ku wonsi wakwe.

Aina Levi 19:22

Alino simapepo atoole suuku wiyo uwa wila wa cizumila mulandu nga acite ulutambi lwa kufuta amaifyo ya muntu wino watalongozya. Lyene Leza ali nu kumwelela.

Aina Levi 2:2

Alino autwale kuli yasimapepo ana yakwe Aaloni aonsi. Atapule usu uwo utonyoleke ikufi lyonga, utikinkanye na mafuta nu ubani onsi. Lyene simapepo aoce vyonsi vivyo pa kavuwa, pakulanga ukuti iciputulwa icapeelwa kuli Yawe. Mununko usuma uwa wila uu ukazanzya Yawe.

Aina Levi 2:9

Simapepo wiyo atoole ciputulwa cimwi ca mukate pakulanga ukuti cene iciputulwa icapeelwa kuli Yawe. Lyene aoce umukate uwo pa kavuwa. Uwila uu uwa mununko usuma ukazanzya Yawe.

Aina Levi 4:19

Lyene simapepo afumye amafuta yonsi nu kuyocela pa kavuwa.

Aina Levi 4:26

Lyene amafuta yonsi ayocele pa kavuwa, wakwe vino yakacita na mafuta ya wila wa utandano. Mu musango kwene uu amuno Simapepo ali nu kupeelelamo uwila wa kufuta amaifyo ya muntu wiyo, insita kwene iyo umuntu wiyo alelelwa.”

Aina Levi 4:35

Lyene afumye amafuta ya mfwele yonsi, ndi vino yakafumya amafuta ya wila wa utandano. Lyene simapepo ayocele pa kavuwa pamwi na mawila yauze akocela Yawe. Mu musango kwene uu, ndi simapepo wamala ukucita ulutambi lwa kufuta amaifyo ya muntu uwasilesile, umuntu wiyo alelelwa.

Aina Levi 5:10

Lyene apeele icunyi cuze cakwe ciili kuti ciye uwila wakoca kulingana nu lutambi lwa kufuta amaifyo ya antu, nga lyene umuntu wiyo alelelwa.

Aina Levi 5:6

Na pa uvunuko wi ifyo lyakwe, wene alinzile ukuleta kuli Yawe uwila wa kwelela amaifyo, imfwele nanti imbuzi yakaci. Alino simapepo acite ulutambi lwa kufuta amaifyo ya muntu wiyo wataifya.

Aina Levi 8:21

nga atoola amanzi afula vyamunda ni myendo yonsi ya mfwele nga aoca vyonsi pa kavuwa wa wila wakoca, uwa mununko usuma ukazanzya Yawe. Ukwene uli wila wakocela Yawe, wakwe vino Yawe wapeezile ilamulo kuli Mose.

Mpendwa 15:25

Alino simapepo ali nu kucitila iuvi lyonsi lya ina Izlaeli ulutambi lwa kufuta amaifyo, nga nayo yalelelwa, pamulandu wakuti kuluvyanya kuko kwacisilwe ukusi ku mufulo nga nu kuti yene yalesile uwila uwo kuli Yawe, uwa kwelela amaifyo.

Mateo 3:17

Ni zwi lyuvwika kufuma mwiyulu liti, “Wii Umwanane mukundwe, munoli nkuzanga cuze.”

Efeso 5:2

Lekini umi winu watungululwa nu kutemwa, wakwe vino Klistu watutemilwe nu kupeela umi wakwe pamulandu witu, kuti uye mununko usuma uwa mpolelwa ino ikazanzya Leza.

Ayebulai 1:3

Kuyengesa kwa lulumbi lwakwe Leza kukaloleka muli aliwe, nupya wene atapusana na aliwe mu mwata wakwe. Wene walemelela vintu vyonsi kwi zwi lyakwe lya maka. Pacisila cakuswefya antu kufuma ku maifyo, wene waile aikala kwiyulu kwikasa lilunji lyakwe Leza wa maka yonsi.

Ayebulai 10:12

Lelo Klistu wapile impolelwa yonga yakufumya maifyo, ni mpolelwa ii ikaomba manda pe. Lyene waile aikala kwi kasa lilunji lyakwe Leza.

Ayebulai 10:14

Mu mpolelwa yonga kwene amuno wene walenga ukuti antu yano aswefiwa kufuma ku maifyo yaye afumaluke manda pe.

Ayebulai 9:12

Lino Klistu wingile lyonga mwitaalu, nu kwingilila limwi mu Ncende Yamuzilo Kuluta wene atasenzile wazi wa mbuzi na yacipambasi ya ng'ombe kuti apeele impolelwa. Lelo wene wasenzile wazi wakwe umwisikulu nu kutulonkela ukuluzi.

1 Yoane 1:7

Lelo ndi tukwikala mu luswepo ndi vino wene ali mu luswepo, ale lyene tuli mu utandano pakasi kitu. Nu wazi wakwe Klistu mwana wakwe ulatuswefya kufuma ku maifyo onsi.

Umbwilo 5:9

Yene imvile lwimbo lupya yati, “Wemo wazipilwa kutoola lupapulo nu kulematula vimanyililo vyakwelo. Pano wemo wakomilwe, nupya mu mfwa yako amuno wakalile Leza antu kufuma mu mitundu, ni ndimi, ni nko, nga ni misango ya antu yonsi.