Aina Levi 4:3 - Amazwi Yakwe Leza 2013

³ Muntu wino waifya ndi a Simapepo Mukulu wino wapakwa na mafuta, wene ala waletelela iuvi lyonsi. Lyene alinzile ukupeela kuli Yawe kacipambasi kaula ulema, pamulandu wi ifyo lyakwe. Kako kwene uli wila wa kwelela amaifyo api ifyo lino wacita.

Aina Levi 4:3 ပူးပေါင်းရင်းမြစ်များ

2 Milandu 29:21

Yasenda na yacipambasi cinimbali, na tusuuku cinimbali na yasawe cinimbali kuti yapeele uwila wakwelela amaifyo, uwa akazi ka mwene, nu wa Ng'anda ikulu yakwe Yawe nu wa antu amu Yuda. Umwene apeela ilamulo kuli yasimapepo, amu mupanda wakwe Aloni, kuti yapeele vii vyonsi apa kavuwa kakwe Yawe.

Ezila 8:35

Pa nsita kwene iyo antu awelulwike ukufuma mu uzya yapeela impolelwa zya mawila yakoca kuli Leza wa ina Izlaeli. Yatuulila aina Izlaeli yonsi yacipambasi 12, na yasuuku 96, na ana ya mfwele 77, alino na yasawe ikumi na yaili, wa wila wakwelela amaifyo. Vyonsi vii vyali amawila yakocela Yawe.

Kufuma 29:14

Lelo inyama yakwe cipambasi, mukwela nga ni vyamunda ukavyocele kunzi ya nsakwe. Ukwene uli wila wa kwelela amaifyo yakwe yasimapepo.

Kufuma 29:21

Utoole uwazi umwi pa kavuwa alino na mafuta yamwi akusolwela nga usanse pali Aaloni na pa vyakuzwala vyakwe, na pa ana yakwe Aaloni nga na pa vyakuzwala vyao. Lyene Aaloni na ana yakwe yamapaatwilwa kunondi pamwi ni vyakuzwala vyao.

Kufuma 29:7

Lyene utoole amafuta akusolwela nga umupongolwele pa mutwe wakwe kuti umulasike.

Kufuma 30:10

Cila mwaka Aaloni akaacita lutambi lwa kufuta amaifyo pa mpembe zya kavuwa kako iila lyonga. Akaaswefya kavuwa iila lyonga pa mwaka nu wazi wa nyama zya mawila ya kufuta amaifyo. Vintu vii vikacitwa mu nkulo zikwiza zyonsi. Kavuwa kwene kaa kalaya kamuzilo cuze, nupya kene kapaatulwa kuli Yawe.”

Ezekelo 40:39

Mu muputule wa mpongolo uwa kwingililapo pali amatebulo yaili ku na ku, apakufyulilapo impolelwa zyakoca, impolelwa zyakulipila pa maifyo nga ni mpolelwa zyakufuta pa viponge vya yantu.

Ezekelo 43:19

Yasimapepo aina Levi, ana yakwe Zadoki, yali nu kwiza kunondi ku kumbombela. Ivyalanda ne Yawe Simwandalali. Wemo ukaayapela kapambasi konga akakupeela impolelwa pa kwifya kwao.

Ezekelo 44:27

Alino lyene yaye mu musolo wa mwi linga lya mukasi umwaya Ng'anda yane ikulu, yatuule ni mpolelwa imwi yonga pamulandu wakufuta pa maifyo yao, awe lyene yangatwalilila kuomba imilimo nupya mu Ng'anda yane ikulu. Ivyalanda ne Yawe Simwandalali.

Aina Levi 1:10

Muntu ndi cakuti akupeela uwila wakoca uwa mfwele nanti imbuzi, uwila uwo ulinzile ukuya a suuku nanti sawe uwaula ulema.

Aina Levi 1:3

“‘Muntu ndi cakuti akupeela uwila wakoca, apeele cipambasi wa ng'ombe uwaula ulema. Apeelele pa mulyango wi Taalu lya Ukongano pakuti Yawe apokelele uwila uwo.

Aina Levi 16:11

Aaloni alinzile ukupeela cipambasi kuti aye uwila wa kwelela amaifyo yakwe, alino acite ulutambi lwa kufuta amaifyo yakwe nga na maifyo ya amu ng'anda yakwe, nga alinzile kufyula cipambasi uwa wila wa kwelela amaifyo yakwe.

Aina Levi 16:3

Aaloni aingila mu Ncende Yamuzilo kuluta pacisila cakuleta kacipambasi ka wila wa kwelela amaifyo, na suuku wenga uwa wila wakoca.”

Aina Levi 16:5

Aina Izlaeli yonsi yalinzile ukupeela Aaloni yasawe yaili akupeela uwila wa kwelela amaifyo na suuku wenga uwa kupeela uwila wakoca.

Aina Levi 16:6

Aaloni alinzile ukupeela cipambasi uwa wila wa kwelela amaifyo yakwe kuti acite ulutambi lwa kufuta amaifyo yakwe nga na maifyo ya amu ng'anda yakwe.

Aina Levi 4:14

lyene zuwazuwa lino yamanya cino yatiyifya, iuvi lyonsi lilinzile ukuleta kacipambasi kuli Yawe kuti kaye uwila wa kwelela amaifyo. Yalinzile yakatwale pa mulyango wi Taalu lya Ukongano.

Aina Levi 4:23

Lyene antu yauze ndi yainena pamulandu wi ifyo lyaiko lilyo, yene ilinzile ukupeela uwila uu, sawe uwaula ulema.

Aina Levi 4:28

Muntu wiyo ndi yamumanyisya iifyo lyakwe lilyo, alinzile ukupeela uwila wakwe uwa mbuzi yakaci, iyaula ulema, pamulandu wi ifyo lyakwe lilyo.

Aina Levi 4:5

Lyene Simapepo Mukulu wino wapakwa na mafuta atoole uwazi umwi wakwe kacipambasi kako nu kuya nao kwi Taalu lya Ukongano.

Aina Levi 5:6

Na pa uvunuko wi ifyo lyakwe, wene alinzile ukuleta kuli Yawe uwila wa kwelela amaifyo, imfwele nanti imbuzi yakaci. Alino simapepo acite ulutambi lwa kufuta amaifyo ya muntu wiyo wataifya.

Aina Levi 6:18

Amu mupanda wakwe Aaloni aonsi yangalya ivya mawila akocela Yawe, wakwe vino calembwa ukuti cili nu kuya vivyo kwene amanda pe mu nkulo zinu zyonsi. Lelo wino wensi asi simapepo aalakumya kavuwa kako alailetela isyamo pamulandu wa maka yakako amuzilo.

Aina Levi 8:12

Mafuta yamwi akusolwela aitila pa mutwe wakwe Aloni, amupaka nu kumulenga kuti aye mupaatulwe.

Aina Levi 9:2

Alino anena Aaloni ati, “Tola kacipambasi ka wila wako uwa kwelela amaifyo nga na suuku uwa wila wako wakoca, vyonsi viye vyaula ulema. Upeele uwila kuli Yawe. Kacipambasi kaye uwila wa kwelela amaifyo, alino suuku aye uwila wakoca.

Aina Levi 9:3

Lyene unene aina Izlaeli uti, ‘Tolini sawe kuti mupeele uwila wa kwelela amaifyo. Nupya mutole umwana wa ng'ombe nu mwana wa mfwele, yoili yao yaye a mwaka onga nupya aula ulema, kuti yaye amawila yakoca.

Mpendwa 16:22

Lelo Mose na Aaloni yafukama pansi yafupime nga yapunda yati, “Iye we Leza, wewe uli ntendekelo ya umi. Uzye ungasokela iuvi lyonsi lino umuntu wenga umwi uvi wifya?”

Mpendwa 8:8

Nupya muleke yatole kacipambasi pamwi nu wila wa cakulya, alino nu usu utonyoleke utikinkanye na mafuta. Alino lyene utoole kacipambasi kakwe ciili aka kupeela uwila wa kwelela amaifyo.

Loma 8:3

Leza wene watacita vino Masunde yakwe Mose yaposiwe kucita pamulandu wakuti miyele ya untunze yaya itonte. Wene wavunwike iifyo mu untu apa kutuma Mwana wakwe, uwizile mu musango wa untu wakwe sweswe swe yakaifya, pakuti aiize aipeele kuya impolelwa ya kukulula antu ku maifyo yao.

2 Kolinto 5:21

Klistu atatazile aifye! Lelo Leza wamucisile wakwe kaifya pamulandu witu, kuti muli Klistu tukume ku wololole wakwe Leza.

Ayebulai 5:3

Wene alinzile kupeela impolelwa pa maifyo ya antu na pa maifyo yakwe kwene.

Ayebulai 9:12

Lino Klistu wingile lyonga mwitaalu, nu kwingilila limwi mu Ncende Yamuzilo Kuluta wene atasenzile wazi wa mbuzi na yacipambasi ya ng'ombe kuti apeele impolelwa. Lelo wene wasenzile wazi wakwe umwisikulu nu kutulonkela ukuluzi.