Aina Levi 4:15 - Amazwi Yakwe Leza 2013

¹⁵ Lyene intunguluzi zi uvi ziike amakasa yakwezyo pa mutwe wakwe kacipambasi kako, pa manso yakwe Yawe. Alino akafyule pa manso yakwe Yawe.

Aina Levi 4:15 ပူးပေါင်းရင်းမြစ်များ

2 Milandu 29:23

Imbuzi zyakupeela uwila wakwelela kwa maifyo yazileta ku mwene nu ku antu akongine, nga yazikila amakasa.

Kufuma 24:1

Pacisila lino Yawe wamala ukupeela amasunde ku ina Izlaeli anena Mose ati, “Iza, kwela mwamba kunondi, wize na Aloni, Nadabu Abiu nga na aikolo ya ntunguluzi zya ina Izlaeli amakumi cinimbali. Lino mucili katalamukila, mufukame pansi mumpepe.

Kufuma 24:9

Lyene Mose, Aloni, Nadabu, Abiu, nga na aikolo ya ina Izlaeli amakumi cinimbali yakwela mwamba,

Aina Levi 1:3

“‘Muntu ndi cakuti akupeela uwila wakoca, apeele cipambasi wa ng'ombe uwaula ulema. Apeelele pa mulyango wi Taalu lya Ukongano pakuti Yawe apokelele uwila uwo.

Aina Levi 1:4

Lyene aike ikasa lyakwe pa mutwe uwa wila uwo wakoca, alino Yawe alapokelela uwila uwo pakufuta amaifyo yakwe.

Aina Levi 16:21

Alinzile kwika makasa yakwe yoili pa mutwe wa mbuzi iyo, alino ailongwele uyi wakwe na maifyo yakwe, na ucisanguka wa ina Izlaeli pa mutwe wa mbuzi. Pa kucita vii ale watwika vyonsi pa mutwe wa mbuzi. Lyene umuntu umwi wino watasontwa alinzile kuzingila imbuzi iyo mu lwanga.

Aina Levi 4:16

Simapepo Mukulu wino wapakwa na mafuta atoole uwazi wakwe kacipambasi kako nu kumutwala kwi Taalu lya Ukongano.

Aina Levi 4:4

Simapepo atwale kacipambasi kako pa mulyango wi Taalu lya Ukongano pa manso yakwe Yawe. Lyene aike ikasa lyakwe pa mutwe wakwe kacipambasi kako. Alino akafyulile pa manso yakwe Yawe.

Aina Levi 8:14

Lyene Mose aleta cipambasi uwa wila wa kwelela amaifyo. Alino Aaloni na ana yakwe yika makasa yao pa mutwe wakwe cipambasi wiyo.

Aina Levi 8:18

Lyene Mose aleta suuku wa wila wakoca. Alino Aaloni na ana yakwe yika makasa yao pa mutwe wakwe suuku wiyo.

Aina Levi 8:22

Lyene Mose aleta suuku wakwe ciili uwa kucita ulutambi lwa kupaka yasimapepo amafuta nu kuyapaatula. Alino Aaloni na ana yakwe yika makasa yao pa mutwe wakwe suuku.

Mpendwa 11:16

Yawe anena Mose ati, “Konganika aikolo amakumi cinimbali ya ina Izlaeli, yao yano wamanya ukuti intunguluzi zicindame nupya inkombe pa antu yao. Uyalete ukwi Taalu lya Ukongano alino yimilile pamwi nawe.

Mpendwa 11:25

Alino Yawe nawe aika umwi kumbi nu kulanda nawe. Ali pakutoola ku mupasi uwali pali Mose, nu kuwika pa ikolo yayo amakumi cinimbali. Lyene lino mupasi wikala panoyali, iyasema. Lelo yatatwalilile pa nsita ntali.

Mpendwa 8:10

Nga waleta aina Levi pa manso yakwe Yawe, alino lyene aina Izlaeli yaiikepo makasa pa mitwe yao.

Mpendwa 8:12

Pacisila cakwe vivyo aina Levi kwene yike amakasa yao pali yacipambasi. Alino nawe utoole cipambasi wenga nu kumufyula, umuswelwile pa manso yakwe Yawe wa wila wakuswelula maifyo yao, nga umuze nawe wa wila wakoca, kuti acitile aina Levi ulutambi lwa kufuta amaifyo.”