Aina Levi 3:9 - Amazwi Yakwe Leza 2013

⁹ Lyene pa wila wa utandano wene alinzile kupeela uwila wakocela Yawe. Kuli kuti amafuta yakweyo, musinda unone onsi auputwila mwisika pipi nu musana. Nupya atoole amafuta yonsi yano yandatila vyamunda nanti yano yalematila kunovili,

Aina Levi 3:9 ပူးပေါင်းရင်းမြစ်များ

2 Samueli 6:17

Alino iyasuka yingizya Mbokosi ya Upangano yakwe Yawe, nga iyayika umu ncende yakweyo umukasi ki taalu lino Davidi wimike. Alino Davidi apeela impolelwa zya mawila yakoca ni zyautandano pa manso yakwe Yawe.

1 Yamwene 3:15

Alino Solomoni aiza azyuka amanya ukuti Leza wali wavwanga kunoli mu ciloto. Awe mukwai aswilila ku Yelusalemu nu kuya imilila apa nkolelo ya Mbokosi ya Upangano yakwe Yawe. Alino apeela impolelwa zyakoca na mawila yacuvwano. Alino nupya aimula yacilolo yakwe yonsi.

1 Yamwene 8:63

Solomoni wapeezile impolelwa ya mawila ya utandano kuli Yawe, apa kufyula ing'ombe 22,000 nga ni mfwele ni mbuzi 120,000. Ali vino fwandi antu pamwi nu mwene yapeela impolelwa nu kupaatwila Yawe Ng'anda yakwe ikulu.

1 Yamwene 8:64

Uwanda kwene uo, ali uno Solomoni apaatwila kuli Yawe incende iyali apa musolo pakasi, kuti iye iya kupeelelapo amawila yakoca, amawila ya mbezu nga na mafuta ya mawila ya utandano. Wene wacisile vivyo pamulandu wakuti kavuwa ka mukuwa kali akanono kano yatange yapeelelepo kuli Yawe amawila Yaa yonsi.

1 Milandu 16:1

Antu yaya yawezya Mbokosi ya Upangano yakwe Leza nga yayingizya mwi taalu lino Davidi waiteyanyizizye, nga yayika pa ncende yakweyo. Alino yapeela amawila yakoca pamwi na utandano kuli Leza.

Kufuma 29:22

“Utole amafuta yakwe suuku, musinda unone, amafuta andatila vyamumala, ciputulwa cisuma ca kwitima, imfyo zyoili na mafuta yakwezyo alino nu mwendo wa kwi lunji, pamulandu wakuti suuku wii impolelwa ya pakutulwa.

Mapinda 23:26

Mwanane, ala sumba amano kuli vino nkukunena, uwalola vino nkaikala mu umi wane.

Ezaya 53:10

Leza nawe ali pakuvwanga ati, Icacumi anene kwene nalonzile ukuti muomvi wane acule, apakuti ku mfwa yakwe akuno kuye impolelwa yakulipila pa ui, pano lyene angakwata impyanyi, angalengela na panonsi, na vino nemo nateinye angaleka ukuti vyacitika ningo.

Aina Levi 17:5

Cii, cikusenula ukuti aina Izlaeli yakaaleta kuli Yawe inyama zya mpolelwa zino pali ndakai yakufyulila pa lwalala. Yalinzile kuzileta kuli simapepo, kuli kuti kuli Yawe, pa mulyango wi Taalu lya Ukongano kuti ziye amawila autandano.

Aina Levi 7:3

Lyene simapepo alinzile apeele amafuta yonsi yakweyo, musinda unone na mafuta andatila vyamunda.

Aina Levi 8:25

Atoola amafuta, musinda unone, amafuta andatila vyamunda, ciputulwa cisuma ca kwitima kumwi na mafuta kwene, imfyo zyoili kumwi na mafuta, nga nu mwendo wa kwilunji.

Aina Levi 9:19

Lelo viputulwa vya mafuta vyakwe masaye, musinda unone wakwe suuku, amafuta andatila vyamunda, ni mfyo zyoili kumwi na mafuta, nga ni ciputulwa cisuma ca kwitima kumwi na mafuta,

Mpendwa 7:88

Inyama zya kupeela uwila wa utandano zyonsi pamwi zyali ndi vii: yamasaye amakumi yaili na yani, yasuuku amakumi mutanda, yasawe amakumi mutanda nga na ana ya mfwele amakumi mutanda, a mwaka onga. Yaa, ali mawila yano yapile pa wanda wa kupaatula kavuwa nu kukapaka amafuta.

1 Samueli 10:8

“Alino ukatentemukile nu kukolela ku Giligali. Akuli kuno ndiza nkuzane nu kupeela amawila yakoca na autandano. Lelo uce ulolele kuku amanda cinimbali pakuti nkize nkakulange ivyakucita.”