Aina Levi 3:3 - Amazwi Yakwe Leza 2013

³ Lyene pa wila uwo wa utandano, umuntu wiyo atolepo amafuta yonsi yano yandatila vyamunda nanti yano yalematila kunovili nga apeele uwila wakocela Yawe.

Aina Levi 3:3 ပူးပေါင်းရင်းမြစ်များ

Masamu 119:70

Antu amusango uo yasitezya, lelo nemo nkazangila mu masunde yako.

Kufuma 29:13

Pacisila cakwe vii, utoole amafuta yonsi andatila vyamunda, ni ciputulwa cisuma cuze ca kwitima kumwi ni imfyo alino uvyocele pa kavuwa.

Kufuma 29:22

“Utole amafuta yakwe suuku, musinda unone, amafuta andatila vyamumala, ciputulwa cisuma ca kwitima, imfyo zyoili na mafuta yakwezyo alino nu mwendo wa kwi lunji, pamulandu wakuti suuku wii impolelwa ya pakutulwa.

Mapinda 23:26

Mwanane, ala sumba amano kuli vino nkukunena, uwalola vino nkaikala mu umi wane.

Ezaya 6:10

Alino nupya anena ati, “Taa, leka antu yayo yaye muli sisi, yapulamike amakutwi, uyavimbe na pa manso, apakuti yatalola nu kuvwa yatuvwa, nupya yatailuka ni vintu. Pano limwi yangazenzuka nu kupola yapole.”

Ezekelo 36:26

Ndamupeela amano yapya akumfukilila. Ndamutonsya apakuti umukate ukutalama.

Ezekelo 44:15

Lelo yasimapepo mu ina Levi, ana yakwe Zadoki, yano yaombanga umulimo wane mu Ng'anda yane ikulu, lino aina Izlaeli yamfutatile nu kuntaluka ukutali, ali yano yali nu kumpalamila pa kuntumikila. Yamaimililanga pa cinso cane nu kuntuula amafuta nu wazi.

Aina Levi 1:12

“‘Pacisila cakwe vii ndi waiputola mu vimpilinsya, nga yasimapepo yike vimpilinsya vya nyama iyo, umutwe pamwi na mafuta kwene, pa moto wankwi uno uli pa kavuwa.

Aina Levi 1:8

Lilyo kwene yasimapepo ana yakwe Aaloni aonsi yike vimpilinsya vya nyama iyo, umutwe pamwi na mafuta kwene, pa moto wankwi uno uli pa kavuwa.’”

Aina Levi 16:25

Pa kavuwa alinzile ukoca amafuta ya nyama ya wila wa kwelela amaifyo.

Aina Levi 3:16

Alino simapepo aoce vyonsi vivyo pa kavuwa, kuti viye uwila wa usu wakoca pa moto, uwa mununko usuma ukazanzya Yawe. Mafuta yonsi akwe Yawe.

Aina Levi 3:2

Muntu aikepo ikasa lyakwe pa mutwe wa ng'ombe iyo, alino aifyulile pa mulyango wi Taalu lya Ukongano. Lilyo kwene yasimapepo ana yakwe Aaloni aonsi yatole uwazi yaukanyizye ukuzingulusya kavuwa.

Aina Levi 3:4

Apeele ni imfyo zyoili pamwi na mafuta kwene kumwi ni ciputulwa cisuma ci tima, cino alinzile kufumizya kumwi ni imfyo.

Aina Levi 4:10

ndi vino yakafumya kuli masaye uwa kupeela uwila wa utandano. Lyene simapepo wiyo aocele vyonsi vivyo pa kavuwa ka kupelelapo uwila wakoca.

Aina Levi 7:30

Lyene alete umwisikulu na makasa yakwe amawila akocela Yawe. Alete amafuta ya nyama kumwi ni nganga kwene. Lyene inganga iyo aiswelwile pa manso yakwe Yawe wa wila wakuswelula.

Aina Levi 7:5

Simapepo aoce vyonsi vivyo pa kavuwa wa mawila akocela Yawe. Ukwene uli wila wa cizumila mulandu.

Aina Levi 9:10

Lyene amafuta, imfyo ni ciputulwa cisuma ca kwitima, vya wila wa kwelela amaifyo, avyocela pa kavuwa, wakwe vino Yawe wapeezile ilamulo kuli Mose.

Mateo 13:16

“Lelo mwemo muli nu longo! Pano manso inu yakalola na matwi inu yakauvwa.

Mateo 15:8

‘Antu yaa yakancindika sile mu mazwi yao. Lelo melenganyo yao yali kutali kufuma kunondi.

Loma 5:5

Nu upaalilo uu usyatulenga insonyi pano Leza wapongolwela kutemwa kwakwe mu myenzo itu muli Mupasi Wamuzilo, ali wila witu kufuma kuli Leza.

Loma 6:6

Twamanya vino untu witu wa mpiti watanyilwe pamwi na Klistu pa lupanda, kuti myenzo ya ukakasi ifumiwepo, nu kuti maifyo yatatuteeka uzya.

Malango 30:6

Nga alino Yawe Leza winu alapeela kunomuli nu ku amu mupanda winu imyenzo iyacuvwilo, pakuti mwamutemwa ni myenzo inu yonsi nu umi winu onsi. Lyene mulikalilila mu mpanga iya manda pe.

1 Samueli 2:15

Nupya lino amafuta yatacili yociwe, umuomvi wakwe simapepo alinzile ukwiza nu kunena umuntu wino akupeela impolelwa ati, “Mpeko inyama iyakuti simapepo aoce, pano asikwiza azumile inyama yeleke ukufuma kunuli, suka sile ino icili iisi.”