Aina Levi 3:11 - Amazwi Yakwe Leza 2013

¹¹ Lyene simapepo aoce vyonsi vivyo pa kavuwa viye uwila wa cakulya cakocela Yawe.

Aina Levi 3:11 ပူးပေါင်းရင်းမြစ်များ

Masamu 22:14

Nemo natintemboka, lyene nkwituluka sile wa manzi. Na mafupa yane nayo yatiyafyontoka. Umwenzo wane ukoline ipula, ilyatilisunguluka.

Ezekelo 44:7

Pasi pano lyene mwati muleka aenyi yano yatasilamulwa imipasi ni mili kumwi, yingile umu Ncende yamuzilo, nu kukowezya Ng'anda ikulu yakwe Leza, apa nsita ino mukutuula uwila wa vilyo na mafuta nu wazi, nu konona upangano wane uku micitile yinu iipisye yonsi.

Aina Levi 21:17

kuti anene Aaloni ati, “Kusi nanti wenga uwamu mupanda wako wino wakwata ulema uli onsi angapeela impolelwa ya mbezu zya mwata wa ngano kunondi. Cii, cili nu kuya ku nkulo zyonsi zyaku nkolelo.

Aina Levi 21:6

Simapepo alinzile ukuya wamuzilo nupya atalinzile kuzewanya izina lyane. Pamulandu wakuti simapepo akapeela amawila akocela Yawe, alinzile ukuya wamuzilo.

Aina Levi 21:8

Simapepo alinzile kuloleka uwamuzilo ku manso ya antu, pamulandu wakuti ali wino akapeela impolelwa ya mbezu zya mwata wa ngano kunondi. Nene indi Yawe, nene wamuzilo, nupya nene nkalenga antu yane ukuya amuzilo.

Aina Levi 22:25

“‘Mutapeela wa cakulya inyama ili yonsi yamusango uwo, ino mwafumya mu makasa ya mwinamasi. Inyama yamusango uwo iyononeke nupya ilemale.’”

Aina Levi 3:16

Alino simapepo aoce vyonsi vivyo pa kavuwa, kuti viye uwila wa usu wakoca pa moto, uwa mununko usuma ukazanzya Yawe. Mafuta yonsi akwe Yawe.

Aina Levi 3:5

Lyene ana yakwe Aaloni yoce vyonsi vivyo pa kavuwa pamwi nu wila wakoca uno uli pa moto pa kavuwa. Uwila uu uwa mununko usuma ukazanzya Yawe.

Malaki 1:12

“Lelo mwemo mutancindika apakulanda ukuti kavuwa kane akasauke na pakupeela penepo impolelwa zino mwasuula.

Malaki 1:7

Mukansuula pakupeela impolelwa zikowele pa kavuwa kane. Lelo mukauzya muti, ‘Uzye twaposiwa uli uku kucindika?’ Mukansuula apa kwelenganya ukuti kavuwa kakwe Yawe akasaluke.

Mpendwa 28:2

“Peela ilamulo lii ku ina Izlaeli uyanene uti, ‘Mulinzile ukusakamala ukutwalila Yawe amawila yakwe pa nsita ilinzile, uwila wa vyakulya uwakoca, uwa mununko usuma ukazanzya Yawe.’

Mpendwa 28:24

Mu musango kwene uu ali vino muli nu kupeela uwila wa usu uwakocela Yawe cila wanda pa manda cinimbali, uwa mununko usuma ukazanzya Yawe. Mwapeela vivyo mu kulunda penepo pa wila wakoca wakwe cila wanda pamwi nu wila wakwe waini.

Loma 8:32

Cumi Leza atakanyizye kufima Mwana wakwe, lelo wamupile pamulandu witu swensi! Vino wene watupile Mwana wakwe, uzye lyene atalatupela vintu vyonsi uwila?

1 Kolinto 10:21

Mutangamwa mu lwako lwa Mwene nga nu mulwako lwa mipasi yankota. Mutangalya pa cipango ca Mwene nga na pa cipango ca mipasi yankota.

Umbwilo 3:20

Uvwa! Njimi pa mulyango nkukonkonsya. Muntu umwi ndi uvwa izwi lyane nu kunjulila, nemo namaingila mu ng'anda yakwe nu kulya pamwi nawe, nawe amalya pamwi nani.