Aina Levi 3:1 - Amazwi Yakwe Leza 2013

¹ “‘Muntu ndi akupeela uwila wa utandano kuli Yawe, uwila uwo ndi acipambasi wa ng'ombe nanti indama, ulinzile ukuya uwaula ulema.

Aina Levi 3:1 ပူးပေါင်းရင်းမြစ်များ

1 Milandu 21:26

Davidi akuulila Yawe kavuwa kuku kwene nga aocelapo amawila yakoca na autandano. Apepa kuli Yawe, nga Yawe nawe amwaasuka apakutuma umoto ukufuma mwiyulu, nga uponela pa kavuwa ka mawila yakoca.

Kufuma 20:24

Nemo mwankuulila kavuwa kivu apano mwampeelela amawila inu akoca na autandano, imfwele ni mbuzi nga ni ng'ombe zinu. Pa ncende yonsi ino namunena kuti mwampepelapo, apano Nene namaizanga ku kumupolelela.

Kufuma 24:5

Lyene atuma aina Izlaeli alumendo, iyaya yapeela amawila akocela Yawe. Iyafyula tucipambasi nu kupeela uwila wa utandano kuli Yawe.

Kufuma 29:28

Pali vino aina Izlaeli yakapeela, vikwene vii viye vyakwe Aaloni nga na ana yakwe Aaloni aonsi amanda pe. Yasimapepo aliyo yapokelele vyonsi vii, ukufuma pa mawila autandano ya ina Izlaeli, pakuti ali mawila ya ina Izlaeli kuli Yawe.

Mapinda 7:14

“Nemo ilelo nalindi wakutuula uwila wautandano, nafikilizya ilelo ulayo wane.

Ezekelo 43:27

Amanda yayo cinimbali ndi yasila, alino yasimapepo yali nu kutandika ukocelapo impolelwa zinu zyakoca apa kavuwa, nga ni mpolelwa zinu zyakulemana pamwi. Alino lyene nani ndamuzengela. Ivyalanda ne Yawe Simwandalali.”

Ezekelo 45:15

Pa mfwele zinu imyanda iili muli nu kutuulapo yonga. Muli nu kutuula uwila wa vyakulya, nu wa nyama zyakoca zya musuma, nu wila wa nyama izya mawila autandano pamwi, ali pakuti mwaelelwa uluse pa maifyo inu. Ivyalanda Yawe Simwandalali.

Aina Levi 1:10

Muntu ndi cakuti akupeela uwila wakoca uwa mfwele nanti imbuzi, uwila uwo ulinzile ukuya a suuku nanti sawe uwaula ulema.

Aina Levi 1:3

“‘Muntu ndi cakuti akupeela uwila wakoca, apeele cipambasi wa ng'ombe uwaula ulema. Apeelele pa mulyango wi Taalu lya Ukongano pakuti Yawe apokelele uwila uwo.

Aina Levi 17:5

Cii, cikusenula ukuti aina Izlaeli yakaaleta kuli Yawe inyama zya mpolelwa zino pali ndakai yakufyulila pa lwalala. Yalinzile kuzileta kuli simapepo, kuli kuti kuli Yawe, pa mulyango wi Taalu lya Ukongano kuti ziye amawila autandano.

Aina Levi 3:6

“‘Muntu ndi akupeela uwila wa utandano kuli Yawe, ndi uwila uu a suuku nanti imfwele yakaci, yene ilinzile ukuya iyaula ulema.

Aina Levi 9:18

Alino afyula masaye na suuku kuti apeelele antu amawila autandano. Pacisila cakwe vii, ana yakwe Aaloni yatoola uwazi yamupeela, alino aitila uwazi uwo kuzinguluka kavuwa.

Aina Levi 9:4

Nupya mutole masaye na suuku kuti viye uwila wa utandano, wakuti mupeele pa manso yakwe Yawe pamwi nu wila wa cakulya, utikinkanye na mafuta. Pamulandu wakuti ilelo Yawe amaloleka kunomuli.’ ”

Amosi 5:22

Nanti angala mwandetela amawila inu akoca na mawila ya mbezu, nemo ntalapokelela. Nanti angala mwandetela amawila inu autandano asuma cuze, nemo ntalayazumila awe.

Malaki 1:14

Citipu ciye pa muntu umusomvi wino akapeela inyama yaciwelewele wa mpolelwa kunondi, mu cifulo ca nyama isuma ino walaya ukupeela kunondi! Pasi pano nene Mwene mukulu, nga antu amu nko zyonsi yakangoopa.”

Malaki 1:8

Yawe Wamaka yonsi wavwanga wati, ‘Lino mukaleta inyama impafu nu kuzipela wa mpolelwa, uzye mukacita icisuma? Lino mukaleta inyama zilemale ni zilwale imuzipela impolelwa, uzye mukacita icisuma? Mwezye ukupeela inyama zizyo ku mulasi! Uzye mungamuzanzya pa kucita cico? Uzye wene angamucitila cimwi icisuma?’ ”

Mpendwa 15:8

Nga wapeela kuli Yawe kacipambasi ka wila wakoca nanti uwa kufikilizya ulayo, nanti sile uwila wa utandano,

Mpendwa 6:14

Kuko akuno atwale amawila yakwe kuli Yawe ali wa mfwele, suuku wa mwaka onga uwaula ulema, aye uwila wakoca, nga ni mfwele yakaci iyaula ulema, iye uwila wa utandano. Alino apeele na suuku uwaula ulema, aye uwila wa kwelela amaifyo,

Mpendwa 7:17

Alino na yamasaye yaili, na yasuuku yasano, na yasawe yasano nga na ana ya mfwele yasano, tusuuku twa mwaka onga, vii vyonsi vyakoca wa wila wa utandano. Fwandi uu wali uwila wakwe Nasyoni umwana wakwe Aminadabu.

Mpendwa 7:59

Alino na yamasaye yaili, na yasuuku yasano, tusuuku twa mwaka onga, vii vyonsi vyakoca uwila wa utandano. Fwandi uu wali uwila wakwe Gamalieli umwana wakwe Pedazuli.

Malango 12:27

Ali kuno muce mwatuula amawila inu akoca pa kavuwa kakwe Yawe Leza winu, inyama nu wazi kwene. Alino muce mupongolwele uwazi wa mawila inu apambali ya kavuwa, lelo inyama yene mungalya.

Kolose 1:20

Kupitila mu Mwana, Leza welenginye kuleta mutende ku viumbwa vyonsi. Wene wacisile mutende kupitila mu mpolelwa ya mfwa ya Mwana wakwe pa lupanda, nu kuleta viumbwa vyonsi kunoli, ivya mwiyulu ni vyamu nsi.

Ayebulai 10:22

Caleka lekini tupalamile kuli Leza nu mwenzo uwa cumi nu utailo uwa mpomvu. Lekini tusunge myenzo itu iye iswepe, ni myelenganyizizye itu nayo iye ya untungwa kufuma ku viipe, ni mili itu ifulwe na manzi aswepe.

1 Yoane 1:3

Cino twalola nu kuvwa cili cino tukumunena, kuti namwe kwene muilundanye pamwi naswe ku utandano uno twakwata na Tata pamwi na Yesu Klistu mwana wakwe.

Yakapingula 20:26

Lyene aina Izlaeli, antu yonsi kwene, iyaswilila ku Betele, nga kuku pasi pakulosya pa manso yakwe Yawe. Uwanda ulya yatalile nanti kamwi ukufika nalino ilanzi lyawa nga yapeela Yawe amawila yakoca nga na mawila ya utandano.

Yakapingula 21:4

Katondotondo uwanda uwalondelilepo antu yalya iyakuula kavuwa kuku nga iyapeelelapo amawila yakoca na mawila autandano.