Aina Levi 27:34 - Amazwi Yakwe Leza 2013

³⁴ Yaa, ali malamulo yano Yawe wapeezile Mose pa Mwamba wa Sinai kuti anene aina Izlaeli.

Aina Levi 27:34 ပူးပေါင်းရင်းမြစ်များ

Aina Levi 26:46

Yaa yonsi, ali malamulo yano Yawe wisile pakasi kakwe na ina Izlaeli pa Mwamba wa Sinai kupitila muli Mose.

Aina Levi 7:38

Malamulo kwene yaa, ali yano Yawe wapeezile kuli Mose pa Mwamba wa Sinai, pa wanda uno wapeezile ilamulo ku ina Izlaeli kuti yalete impolelwa zyao kuli Yawe mu Lwanga lwa Sinai.

Mpendwa 1:1

Pa wanda wakutandika uwa mwezi wakwe ciili, mu mwaka wakwe ciili pacisila lino aina Izlaeli yafumile mu Eguputo, Yawe wavwanzile kuli Mose mu Lwanga lwa Sinai ala ali mwi Taalu lya Ukongano, ati,

Mpendwa 28:6

Ukwene uli wila wakoca pee, uno inkolelo wapezilwe pa Mwamba wa Sinai uwa mununko usuma ukazanzya Yawe. Ukwene uli wila wakocela Yawe.

Mpendwa 3:1

Yaa ali amu mupanda wakwe Aaloni na Mose ali kweneko pa nsita ino Yawe wavwanzile na Mose pa Mwamba wa Sinai.

Mpendwa 36:13

Fwandi yao ali masunde na malamulo yano Yawe wapeezile aina Izlaeli ukupitila mu mazwi yakwe Mose ku manyika aku Moabu, pipi nu Luzi lwa Yodani, ulunga na Yeliko.

Yoane 1:17

Pano Leza wapile Masunde ku antu kupitila muli Mose, lelo Yesu Klistu watuletela uwila, cikuku nga ni cumi.

Malango 1:3

Pa wanda wakutandika uwa mwezi uwalenga ikumi na onga mu mwaka uwalenga amakumi yani pacisila lino yatiyafuma mu Eguputo, Mose anena aina Izlaeli ivintu vyonsi vino Yawe wamupeezile ilamulo kuti ayanene.

Malango 29:1

Yakwene ali mazwi ya upangano uno Yawe wapeezile ilamulo kuli Mose kuti yapangane na ina Izlaeli mu mpanga ya Moabu. Amazwi yaa fwandi yali akulanda pa mazwi ya upangano uno Yawe kwene wapangine nayo ku Mwamba wa Holebu.

Malango 4:45

Yakwene ali malamulo, ni vyeo nga na masunde yano Mose wapeezile aina Izlaeli lino yafumile mu mpanga ya Eguputo,

Malango 4:5

“Anene namusambilizya amasunde yonsi, wakwe vino Yawe Leza wane wanenyile ukucita. Muce mwayayela mu mpanga ino mwasya musawange apakuipoka nu kwikala mwenemo.