Aina Levi 27:30 - Amazwi Yakwe Leza 2013

³⁰ Conga pa vintu ikumi muli vyonsi vino impanga ikamezya, usi mulandu cingaya imbezu nanti viseekwa, cene icakwe Yawe.

Aina Levi 27:30 ပူးပေါင်းရင်းမြစ်များ

Utandiko 14:20

Leza wapapelapela uwakupezile ukucimvya pa anisi yako alumbanyiwe.” Lyene Abulamu apeela Mekisedeki icikumi ca muli vyonsi vino wapokolwile.

Utandiko 28:22

Iwe lii lya ciusizyo lino nimika paa, lilaya cifulo ca kukupepela penepo, nga ndakupeela icikumi muli vyonsi vino ulampa.”

Utandiko 47:24

Insita yakuzombola mulinzile kutulika mitumba isano. Mutumba onga uwakwe Falao, lelo mitumba ini ino yasyala mulinzile kusunga mupaatulemo imbezu ni vyakulya vinu pamwi na amu ng'anda zinu.”

Utandiko 47:26

Caleka Yosefu apanga isunde lya mpanga mu Eguputo lyakuti pa nsita yakuzombola antu yalinzile yapeela mutumba onga kuli Falao pa mitumba isano. Kufika na pa wanda wilelo, isunde lii licili likaomba mu mpanga ya Eguputo. Impanga zino yasimapepo yalimangamo zyene kateeka atalemileko.

2 Milandu 31:12

Lyene yaleta vyonsi ivya musangulo vino antu yasangula. Alino iyika umwina Levi, uwi zina lyakwe Konaniya kuti awino aye kangalila uwakulolekesya pa vintu vivyo. Alino nu wakumwazwilizya a Syimei umwinakwe.

Neemiya 12:44

Pa wanda kwene ulya antu yasonsilwe kuti yawaka amang'anda ya kusungilamo cuma muno yasungilangamo musangulo wa Ng'anda ikulu yakwe Leza, ukwikapo ni cikumi ni mbezu nga ni viseekwa vyankolelo ivyacanga cila mwaka. Antu yaa yapilwe umulimo wakukolonganika vyamusangulo ukufuma mu vyalo vyali mu pipi ni misumba ipusanepusane, vino yasangwilanga yasimapepo na ina Levi ndi vino calondekwa ukucita kulingana na Masunde yakwe Mose. Ayuda yonsi cayazanzizye apakulola uomvi wakwe yasimapepo na ina Levi kwene,

Neemiya 13:12

Lino nacita vii, Ayuda yatandika ukwiza na mawila ya cikumi ca ngano, waini, na mafuta, kuti yapeela ku miputule yakusungilamo cuma.

Neemiya 13:5

nupya wazumilizye Tobiya kuti angaomvya umuputule ukalamba uno mpiti yasungilanga mwenemo ubani, uwila wa usu, icikumi ca ngano, waini na mafuta. Kuli kuti vyamusangulo vino yapaatwilanga aina Levi, yakiimba ya nyimbo, yakalinda ya mpongolo, na yasimapepo.

Aina Levi 27:29

Kusi umuntu nanti wenga uwapeelwa ku kononwa kwaula vimwi vikulondekwa ukucita, wino angakululwa. Wene alinzile akomwe.

Aina Levi 27:31

Ndi umuntu akasi kukulula icili consi pali vivyo kuti cimuwelele, lyene alinzile ukulipa mutengo uno wazumiliziwa, aungilizyepo na conga pa vintu visano pa mutengo wakweco.

Mateo 23:23

“Kalanda kunomuli mwe yakasambilizya ya Masunde na Afaliseo! Mwe yasomvi mwe! Mukapela kuli Leza cikumi ca pa vilimwa vyonsi ivikanunkizya vyakulya vili wakwe kanyenze ni vinzali. Lelo mwatazyela vintu vikulu kuluta, vyamu Masunde wakwe vii. Upinguzi wa mulinganya, mizu nu ufuma cumi. Mulinzile mwacita vii vyonsi kwaula kutazyela vimwi.

Luka 11:42

“Kalanda kunomuli mwe Afaliseo! Mukapela kuli Leza cikumi ca pa vilimwa vyonsi ivikanunkizya vyakulya. Vili wakwe kanyenze ni vinzali nga navyuze vilimwa vyamu miyanda. Lelo mwatazyela cumi nu kutemwa kwakwe Leza. Mulinzile mwacita vii vyonsi, kwaula kutazyela vimwi.

Luka 18:12

Nkaizilizya ukulya maila yaili mu mulungu, nupya nkapela ni cikumi ca muli vyonsi vino nkazana.’

Malango 18:8

Wene alinzile kupelwa cipimo icili cimwi ca vyakulya ndi cico cikapelwa kuli yasimapepo yauze, nupya wene angasunga icili consi cino ang'anda yakwe yamutumila.

Malango 26:12

“Ndi papita imyaka itatu lyonsi uce uwapeela icikumi pa vilimwa vyako ku ina Levi, nu ku inamasi, nu ku ana asyale, nga na kuli yamukamfwilwa, pakuti konsi kuno yalaikala yataca yulilwe cimwi icakulya. Lino wamala ukucita cico,