Aina Levi 27:28 - Amazwi Yakwe Leza 2013

²⁸ Kusi umwi angakazya nanti kukulula icintu cino atapeela kuli Yawe kwaula vimwi vikulondekwa ukucita, ciye umuntu, inyama nanti impanga. Cintu cico icakwe Yawe amanda pe.

Aina Levi 27:28 ပူးပေါင်းရင်းမြစ်များ

2 Milandu 31:14

Kole, umwana umonsi wakwe Imuna umwina Levi wino wali a kalinda mukalamba wapa mpongolo yaku ufumondaka wa Ng'anda ikulu yakwe Leza, uwapilwe umulimo wakupokelela amawila yano yapeelwa mukuitemelwa kuli Yawe, nga nakuti aliwe aankanya ningo amawila kwene yayo.

Kufuma 22:20

“Muntu wensi uwapeela impolelwa kuli tuleza alinzile akomwe. Lelo ukwakupeela impolelwa akuli nene, ne Yawe.

Ezekelo 44:29

Amawila ya vyakulya, na mawila yakufuta amaifyo, na mawila akulipila pa milandu. Ivimayanga vyakulya vyakwe yasimapepo, nupya ali nu kutoola ivintu vyonsi vino antu yamampaatwilanga mu mpanga ya Izlaeli.

Ezekelo 48:14

Yalesiwa kukazya nanti kukauzyamo icipande nanti conga. Cisi cakwezya ukusumba impanga iya, pasi pano catuulwa kuli Yawe.

Aina Levi 21:22

Wene angalya icakulya camuzilo cuze cakwe Leza wakwe. Angalya ni cakulya kwene camuzilo.

Aina Levi 27:21

Pa mwaka uze ukwiza uwa ukuluzi impanga iyo ilaya iyakwe Yawe, pe. Ilaya iyakwe simapepo.

Aina Levi 27:27

Lelo iyeli lya nyama yamifitalila lilinzile kukululwa pa mutengo wakweyo uno wikwa, nu kulundapo conga ca muli visano pa mutengo uwo.

Aina Levi 27:29

Kusi umuntu nanti wenga uwapeelwa ku kononwa kwaula vimwi vikulondekwa ukucita, wino angakululwa. Wene alinzile akomwe.

Mpendwa 18:14

“Ivintu vyonsi ivyaya mu mpanga ya ina Izlaeli, vino yala yampeelelela, vilaya ivyakwako.

Mateo 25:41

“Lyene alanena yao ali kwi mani lyakwe ati, ‘Fumini pano, ntamumanyile mwe muno mwatipwizilwe. Yangini ku moto usyazima uno Leza wateyanyizizya Ciwa na angeli yakwe.

Loma 9:3

Pano ningatemwa kuti intipwilwe pamulandu wao, mpaatulwe na kuli Klistu.

1 Kolinto 16:22

Muntu umwi ndi asyatemwa Mwene, Atipwe! Malanata! Mwene witu, iza!

Galatiya 3:10

Muntu akaikalilila mukuyela Masunde ala wene ali mu citipu. Pano calembwa mu malembelo cati, “Wino wensi asyayela pe vyonsi ivyalembwa mu lupapulo lwa Masunde ala wene umutipwe!”

Galatiya 3:13

Lelo Klistu watukulula ku citipu ca Masunde, lino umwisikulu waipile kuya citipu mu cifulo citu. Pano calembwa mu malembelo cati, “Wiyo wensi uwatanwa pa cimuti ala citipu cakwe Leza cili panoli.”

Malango 25:19

Acino lino Yawe Leza winu alamupeela impanga iye iyakwinu nu kumucingilila ku anisi inu yano yamuzinguluka, muce musininkizye ukuti mwakomola aina Amaleke yonsi pyu, pakuti kutakaye nanti umwi uwakwiusya antu yayo nupya. Mutakezye ukwilila cii!

Malango 7:26

Mutaca mwezye ukuleta akaluwi nanti konga mu mang'anda inu, pano limwi intipu izili pano yali zingaya panomuli. Mulinzile kupata nu kusausya utuluwi tuu, pamulandu wakuti Yawe watutipwila.

Yoswa 6:26

Pa nsita ilya Yoswa avwanga amazwi yaa amisindicila akuti, “Si citipu cakwe Yawe cikaye pa muntu wino aliza ku kukuululula umusumba uu, wa Yeliko: pakusokola umufula wauko, cazipa akafwilwe umwana wakwe umonsi wiyeli, na pakusimpa impongolo zyakweo, cazipa akafwilwe umwana wakwe umonsi kasuli.”

Yoswa 7:1

Lelo aina Izlaeli yamwi yatali acumi ku ciindo cino icakumile ivintu vino vyapeelwa ku kononwa. Akani umwana wakwe Kalimi, umwana wakwe Zimuli, umwana wakwe Zela, uwa mutundu wakwe Yuda, atoola ivintu vimwi vino yainzile. Caleka ukali wakwe Yawe ufulumila aina Izlaeli.

Yoswa 7:25

Yoswa auzya ati, “Uzye pacani cino watuletela intazi ii? Ilelo Yawe amakuletela intazi.” Alino aina Izlaeli yonsi iyamutama na mawe mpaka afwa, iyatama na amu ng'anda yakwe kwene nga iyayoca kumwi na vyonsi vino yali navyo.

Yakapingula 21:11

Iyalundapo nu kuti, “Muye mukakome umonsi wensi nu mwanaci wensi wino wamanya umonsi.”

Yakapingula 21:18

Lelo kwene swemo tutange tuyapeele ana itu anaci kuti yaye aci yao, pamulandu wakuti swe ina Izlaeli twatitulapa nu mulapo ukuti umuntu ali wensi aalapeela umwina Benjamini umwanaci kuti aye umuci, wene akawe nalyo.”

Yakapingula 21:5

Alino aina Izlaeli iyuzya yati, “Uzye mu mitundu yonsi ya ina Izlaeli aweni atizile mu kukongana pa manso yakwe Yawe?” Pano yalavile nu mulapo ukalamba ukuti wensi atalazanwa ku ukongano kuli Yawe ku Mizipa alinzile ku komwa.

1 Samueli 15:18

Aliwe kwene uwakutumile nu kukukonkomezya ati, ‘Pitanga ukonone antu yalya aipe, aina Amaleke. Ukayalwisye nu kuyakoma yonsi pyu uyalovye.’

1 Samueli 15:3

Acili cino fwandi wemo pita sile ukalwisye aina Amaleke nu kulovya ivintu vyao vyonsi. Cisi cakwezya kuti usyepo nanti umwi. Ukome aonsi na anaci kwene, nga na ana kumwi nu tunya kwene tuno yakulela, ni ng'ombe nga ni mfwele, ingamila na yapunda.’”