Aina Levi 26:6 - Amazwi Yakwe Leza 2013

⁶ “Nkalenga kuti mu mpanga inu muye mutende, nupya mukaalala utulo kwaula koopa nanti umwi. Indi nu kuzinga ivilyanyi vyamu mpanga inu. Nupya mu mpanga inu musiiya inkondo.

Aina Levi 26:6 ပူးပေါင်းရင်းမြစ်များ

2 Yamwene 2:24

Alino Elisya asenuka, alola alumendo yayo, nga ayatipwila mwi zina lyakwe Yawe. Lyene ivilyanyi viili ivyakaci, vya mwata wakwe cuuli vifuma mu mutengo, nga viza vikoma alumendo yaya amakumi yani na yaili.

1 Milandu 22:9

Lelo ulakwata umwana umonsi wino alateeka mu mutende, pamulandu wakuti nemo ndamupeela umutende pakasi ka anisi yakwe yonsi ali umu mbali zyonsi. Izina lyakwe lilaamwa ukuti Solomoni, pamulandu wakuti mu manda ya utesi wakwe ndapeela aina Izlaeli umutende nu ucingililo.

2 Milandu 20:30

Pamulandu uu, kwali umutende utantalile uwaku matwi cele umu uteko onsi wakwe Yeosafati nu ku inipamba

Yobo 11:19

Lino ulapuza kutalaya nanti umwi uwa kukupuzola, na antu aingi yalalenga uwazwilizyo kunuli.

Yobo 5:23

Amawe ni visiki vitalaya umu vyalo vino ulalima. Inyama zya mpanga nazyo zitalakuzanza.

Masamu 144:14

Iviteekwa vitu kaviine nu kusandana ukwaula uku pulumula nanti ukuponga. Mutezya muvwike impoma nanti imwi umu miseo itu.

Masamu 147:14

Waleta umutende mu mipaka yako, nu kukwikusya uku ngano izisuma.

Masamu 29:11

Yawe aliwe akapeela antu yakwe amaka, nupya akapolelela antu yakwe upolelelo wa longo.

Masamu 3:5

Lyene nalambalala nu kukasula utulo. Nazyuka nupya akatondo, pano Yawe ali kasunga wane.

Masamu 4:8

Lino nkalambalala, nkakasula utulo mu mutende, pano awewe sile, we Yawe, wemuno ukansunga ningo.

Masamu 85:8

Nemo nkukutika kuno Yawe akuvwanga, apamulandu wakutuletela ulongo swe antu yakwe, lelo cikulu sile tutaciwelela ku vya uwelewele.

Kufuma 23:29

Ntalalenga kuti yafume mu mwaka onga kwene pano mu mpanga mungasyala sile mwaula antu, ni nyama zya mpanga zingaya izitupu.

Mapinda 3:24

Utalaoopa cimwi nga waya uku kulala, nupya ulailalila sile usiku onsi.

Mapinda 6:22

Ali vino vimakutungululanga umwakupita, vimakuwakanga lino walala, vimalandanga nawe lino wakatuka.

Ezaya 35:8

Kulaya umuseo ukalamba uno ulaamwa ukuti “Umuseo wakutungulula kuli umuzilo.” Umuntu umukowele atalapita mwenemo ni viwelewele vya antu vitange vipumbule yayo akupita mwenemo umu nzila iyo.

Ezaya 35:9

Mutalaya yacisama nanti ivilyanyi umu nzila iyo. Yayo yano Yawe wakulula ali yano yalapitamo.

Ezaya 45:7

“Anene napanga uluswepo ni mfinzi, nkaleta ulongo nga nu uzanzo. Ne Yawe nkacita vii vyonsi.

Ezaya 9:7

Uwene wakwe ulandalila konsi konsi. Ulasyukila ulongo ulutalasila. Wene alikala apa cifulo ca wene wakwe Davidi nga nu kuteeka uwene wakwe. Wene alausimpa nu kuukomya umu ulungami nu mu ololoke. Ukutandikila sile pali ndakai ukufika na pano insi ilasilila. Ee, cumicumi, avino Yawe Wamaka yonsi alafikilizya cico.

Yelemiya 30:10

“Utaaopa fwandi we muomvi wane Yakobo. Utazakaza we Izlaeli. Ivyalanda ne Yawe. Pano nemo ndakukulula mu mpanga ntali na ana yako mu mpanga ya uzya wao. Yakobo alasyukila nupya ulongo nu mutende, kutalaya nu wakumucuzya.

Yelemiya 31:26

Ali cino ninkatuka, nimbwezya amaka, nindala usaka.

Ezekelo 14:15

Nanti ndi natumile ivilyanyi kuti vipitane mu mpanga ilya nu konona antu aikalamo, mpaka impanga iyo izulemo uzanzo cakuti kusi nanti wenga angapita kusalala mwenemo pamulandu wa vilyanyi vivyo,

Ezekelo 14:17

“Nanti uzye ndi naponya inkondo umu mpanga kwene iyo nu kupeela ilamulo lyakuti inkondo isansantike mu mpanga kwene iyo nu konona antu kumwi ni nyama,

Ezekelo 14:21

“Pano vii ivyalanda Yawe Simwandalali. Cilipisya wakwe cimwi lilyo lino ndapezya Yelusalemu ku vyaupinguzi vyane vii vini vyakoofya: inkondo, icipowe, ivilyanyi nga ni ndwala, kuti vyonone antu kumwi ni nyama.

Ezekelo 34:25

Ndapangana nazyo upangano cakuti zikasininkizyeko ukuti zilaikala umu longo. Ndafumyamo ivilyanyi mu mpanga yao, yalikala umutende mu lwanga nu kulala yalalala umu mitengo kwene, ni ntazi kutalaya.

Ezekelo 34:27

Imiti yamu mpanga ilaseeka iviseekwa vyakweo, nu musili ulamezya ivyakulya vyakweo, yalikala umutende mu mpanga yao. Lyene alino yalama ukuti nene indi Yawe, lino ndaputula insinga zya makoli yao, nu kuyakulula mu makasa yakwe yao ayateeka uzya.

Ezekelo 5:17

Ndakuletela cipowe, ndakutumila vilyanyi vyakukoma ana yako, ndakuletela impungo, ni mpanzela alino nu kukukatusizya inkondo pakuti yace yakukome. Ivyalanda ne Yawe.”

Oseya 2:18

Mu wanda ulya ndacita upangano ni nyama zya mpanga, ni vyunyi vyamu lwelele, nga ni viumbwa ivikasela pansi, kuti vitakacitile antu yane iviipe. Nupya ndasisya ulapwa, lupanga, kumwi ni vyanzo vyuze vyonsi vya nkondo, nga nu kuvisisya umu mpanga iyo, kuti yene yikale umi wa mutende.

Oseya 2:20

Ndakutaisya muli ucumi, nga nawe ulamanya ukuti nene indi Yawe.”

Aina Levi 25:18

“‘Mwayela amasunde na malamulo yonsi yakwe Yawe pakuti mungaikala mutende mu mpanga iyo.

Aina Levi 25:19

Mpanga iyo ilamupeela ivyakulya vyakweyo, nupya namwe mulakwata ivyakulya vyonsi vino mukalonda, nupya mulikala mutende.

Aina Levi 26:22

Indi nukulenga ivilyanyi vikali kwiza pakasi kinu. Lyene ivilyanyi vivyo vilume ana inu nga vyonone ni viteekwa vinu, nu kumusya impendwa inono sile, cakuti miseo isyale sile.

Aina Levi 26:25

Ndalenga inkondo ukuya panomuli pa kumuvunuka pamulandu wa kutama upangano witu. Nupya ndi mwakongana mu misumba inu ku kuzina, indi nu kulenga indwala izisipoziwa kupona munomuli. Lyene muli nu kupatikiziwa ukucimba ku anisi inu.

Aina Levi 26:7

Mukaacimvya anisi inu.

Mika 4:4

Lelo umuntu ali wensi alaikalila mu mutende apakasi ka mitingi ni misamvu yakwe. Kusi nanti umwi alayoofya, pano Yawe Wamaka yonsi uwatavwanga vintu vii.

Zefaniya 3:13

Aina Izlaeli alasyalapo yatalifya ku muntu awe. Yene yatalatumpoka awe, nanti ukulanda ivyaucenjezi, foo. Yalaya nu longo nu kuikalila uku matwi cele, ukwaula nanti aumwi uwakuyasonsomba.”

Hagai 2:9

Ali cino ululumbi lwa Ng'anda ii yakwe ciili lulaluta pa lulumbi lwa Ng'anda ya pakutandika iyaliko. Nupya indaleta untungwa nu mutende panonsi ponsi. Ivyavwanga Yawe Wamaka yonsi.”

Zakaliya 9:10

Yawe wavwanga wati, “Mu mpanga ya Izlaeli ndafumyamo amaceleta ya nkondo, nu mu musumba wa Yelusalemu ndafumyamo imfwalasi zyakulwilapo inkondo, na malapwa akulwilako umu nkondo nayo yalakontolwa. Umwene winu alateeka nu longo antu amu mitundu yonsi. Uteko wakwe ulatandikila kuli yemba wenga mpaka ukuyafika na kuli yemba muze, ukufuma uku Luzi lwa Yufulate ukuyafika nu kwapelela insi yonsi.”

Yoane 14:27

“Namusila mutende, mutende wane auno namupeela. Ntamupile mutende ndi vino amu nsi yakapela. Mutaleka myenzo inu yaaziwa, nanti kuvwa intete.

Milimo 12:6

Usiku lino utali uce pa wanda uno Helodi walondanga kumuleta kuti amuvunuke pa manso ya antu, Petulo waizi pakasi kakwe yakalinda yaili. Wanyefilwe ni minyololo iili, kwali na yakalinda pa mpongolo ya ng'anda yaminyololo.

Loma 5:1

Caleka pano twati tuya aololoke pa manso yakwe Leza pamulandu wa utailo, lyene tukweti mutende pakasi kitu na Leza, kupitila mu Mwene witu Yesu Klistu.