Aina Levi 26:5 - Amazwi Yakwe Leza 2013

⁵ Mukaatwalilila ukuzombola ivilimwa mpaka kufika ni nsita ya kukolonganika viseekwa. Nupya mukaatwalilila kukolonganika iviseekwa mpaka kufika ni nsita ya kukomela. Mukaalya mwikuta nu kwikala mu mpanga inu mutende.

Aina Levi 26:5 ပူးပေါင်းရင်းမြစ်များ

Masamu 144:13

Inkoma zitu nazyo, kazizuule ni vilyo vya misango ili yonsi. Imfwele zitu nazyo kazivyalane amazimbi na mazimbi umu vyalo vitu.

Masamu 90:1

Mwene, wewe uli wikalo witu wakuzinamo, umu nkulo zyonsi.

Kufuma 16:8

Lyene Mose atwalilila kuvwanga ati, “Yawe ali wino alamupeela inyama zyakulya cila manguzi nu kumupeela umukate uvule cila katondo pano Yawe atauvwa kuilizyanya kwinu kunoli. Nga naswe sweswe yaweni? Lino mukuilizyanya kuli sweswe ala mutakucita cico kunotuli, lelo akuli Yawe.”

Mapinda 1:33

Lelo wiyo wensi akatezya kunondi alaya umucingililwe. Alikala cele ukwaula icakumuletela intete.”

Mapinda 18:10

Izina lyakwe Yawe ulupungu ulukome. Umuntu akacita vyaololoke akautukilamo nu kucingililwa.

Ezaya 1:19

Ndi cakuti mwala mwantontelela sile, mumailyokezyanga ivisuma vino umusili ukamezya.

Ezaya 30:23

Nanti sile lino mulakomela imbezu mu vyalo vinu, Yawe aliwe alamezya nu kukuzya vino vyaya mwenemo. Lelo kwene mulaasampa ivyakulya kwene vivyo. Mu wanda ulya ni ng'ombe zinu kwene zilakwata incende zingi zya mulemvwe umwakuliila.

Yelemiya 23:6

Umu manda yakwe akuteeka, antu amu Yuda yalacingililwa, nga na antu amu Yelusalemu yalikala mu mutende. Wene alaamwa ukuti, ‘Yawe ali ololoke witu’.

Oseya 2:18

Mu wanda ulya ndacita upangano ni nyama zya mpanga, ni vyunyi vyamu lwelele, nga ni viumbwa ivikasela pansi, kuti vitakacitile antu yane iviipe. Nupya ndasisya ulapwa, lupanga, kumwi ni vyanzo vyuze vyonsi vya nkondo, nga nu kuvisisya umu mpanga iyo, kuti yene yikale umi wa mutende.

Oseya 2:20

Ndakutaisya muli ucumi, nga nawe ulamanya ukuti nene indi Yawe.”

Yowelo 2:19

Yawe aasuka antu yakwe ati, “Namamutumila ingano, ivyakumwa na mafuta, nupya mulikuta cuze. Ntalazumilizya nupya kuti ainamasi yamuwele nu kumutumfya.

Yowelo 2:22

Mutuuvwa intete, mwe nyama zyamu mpanga, pasi pano umulemvwe watiumela umu nyika. Imiti nayo yatiseeka iviseekwa. Amasamvu na matingi vyativivula wakwe cimwi.

Yowelo 2:26

Mulalya ivivule mpaka mwikute, alino mulalumbanya izina lyakwe Yawe Leza winu, wino wamucitila ivizungusyo. Acino antu yane yonsi kwene yatalazewana nupya, awe.

Amosi 9:13

Yawe wavwanga wati, “Insita iliiza lino ingano zilakula ulwilo, ukuluta vino zingazombolwa zuwa. Amatingi nayo yalakula ulwilo, ukuluta vino waini angapangwa. Imyamba ilaatona waini umulyompe, numu tulundu mulakonkoloka waini.

Mateo 23:37

“Mwe antu amu Yelusalemu, Yelusalemu! Mwakoma yakasema nu kutama na mawe inkombe zino Leza watuma kunomuli. Amaila yanga yano nalondanga kumufukatila, wakwe vino nyinankoko akafukatila ana mu maapa yakwe, lelo mutanzumilizya!

Milimo 14:17

Lelo Leza asita kupeela umboni uwa pali aliwe umwisikulu kupitila mu vintu visuma vino akacita. Wene akamupeela imvula kufuma mwiyulu nu kuleka kuti vilimwa vikule pa nsita isuma. Wene akamupeela ivyakulya nu kuzuzya myenzo inu nu luzango.”

Malango 11:15

Iviteekwa vinu navyo ndavimezezya umulemvwe mu mpanga inu, namwe kwene mulalya nu kwikuta.

1 Timoti 6:17

Uwanena akama mu vintu vyamu nsi kuti yataitumika, nupya yatapaalila mu vyuma vino vitakwata uyo, suka muli Leza. Wene kwaula lusoko akatupeela vintu vyonsi ivyakutuzanzya.

1 Petulo 1:5

Kupolelelwa kuu ukwakwe mwemwe, mwe muno mu utailo mukasungwa ningo na maka yakwe Leza kufika ku ufyusi uno ulasokololwa pa mpela ya nsita.