Aina Levi 26:46 - Amazwi Yakwe Leza 2013

⁴⁶ Yaa yonsi, ali malamulo yano Yawe wisile pakasi kakwe na ina Izlaeli pa Mwamba wa Sinai kupitila muli Mose.

Aina Levi 26:46 ပူးပေါင်းရင်းမြစ်များ

Masamu 77:20

Endi mwandi, avino watungulwile antu yako wakwe kacema wa mfwele, pamwi ni ntunguluzi zyao, Mose na Aaloni.

Aina Levi 25:1

Yawe anena Mose pa Mwamba wa Sinai ati,

Aina Levi 27:1

Yawe apeela amazwi autunguluzi kuli Mose

Aina Levi 27:34

Yaa, ali malamulo yano Yawe wapeezile Mose pa Mwamba wa Sinai kuti anene aina Izlaeli.

Aina Levi 7:38

Malamulo kwene yaa, ali yano Yawe wapeezile kuli Mose pa Mwamba wa Sinai, pa wanda uno wapeezile ilamulo ku ina Izlaeli kuti yalete impolelwa zyao kuli Yawe mu Lwanga lwa Sinai.

Aina Levi 8:36

Caleka Aaloni na ana yakwe aonsi iyacita vintu vyonsi vino Yawe wapeezile ilamulo kupitila muli Mose.

Mpendwa 36:13

Fwandi yao ali masunde na malamulo yano Yawe wapeezile aina Izlaeli ukupitila mu mazwi yakwe Mose ku manyika aku Moabu, pipi nu Luzi lwa Yodani, ulunga na Yeliko.

Mpendwa 4:37

Ikwene, ili mpendwa iyapenzilwe ukufuma mu nko zyakwe Koati, alingine ukuomba mwi Taalu lya Ukongano. Apenzilwe kuli Mose na Aaloni ndi muno Yawe wapeezile Mose ilamulo.

Yoane 1:17

Pano Leza wapile Masunde ku antu kupitila muli Mose, lelo Yesu Klistu watuletela uwila, cikuku nga ni cumi.

Malango 12:1

Nga nupya Mose wavwanzile ati, “Vii, ali vyeo na masunde yano mumalondelanga mu mpanga ino Yawe Leza wa vikolwe vinu watamupeela kuti ingaya iyakwinu pa manda yonsi yano muli apuma.

Malango 13:4

Fwandi muce mwalondela Yawe Leza winu nu kumupeela umucinzi. Sungini amasunde yakwe nu kumuyela. Mwamuombela nu kuya akutailwa kunoli.

Malango 29:1

Yakwene ali mazwi ya upangano uno Yawe wapeezile ilamulo kuli Mose kuti yapangane na ina Izlaeli mu mpanga ya Moabu. Amazwi yaa fwandi yali akulanda pa mazwi ya upangano uno Yawe kwene wapangine nayo ku Mwamba wa Holebu.

Malango 33:4

Swemo tukayela amasunde yano Mose watupeezile, yano yaya icuma icikankala ica luko lwitu.

Malango 4:5

“Anene namusambilizya amasunde yonsi, wakwe vino Yawe Leza wane wanenyile ukucita. Muce mwayayela mu mpanga ino mwasya musawange apakuipoka nu kwikala mwenemo.

Malango 6:1

“Yaa, ali masunde ni vyeo vino Yawe Leza winu wampeezile ilamulo kuti imusunde pakuti namwe muce mwayalondela mu mpanga ino mwasya mwingile nu kwikala mwenemo.