Aina Levi 26:43 - Amazwi Yakwe Leza 2013

⁴³ Lelo antu yatale yafume mu mpanga yao iyo pakuti itale isyale iyailyokezya iyeneco, imyaka ya upuzo. Nupya antu yalinzile ukuzumila kuvunukwa pamulandu wa kukana malamulo na masunde yane.

Aina Levi 26:43 ပူးပေါင်းရင်းမြစ်များ

2 Milandu 33:12

Umu kucula kuno wacuzile asuka aya umutontela ngozi nu kuicefya apakalamba pa manso yakwe Yawe Leza wakwe. Alino amupapata nu kumulenga kuti amuyele uluse.

2 Milandu 36:21

Acino fwandi icintu cino Yawe wavwanga ukupitila muli yakasema ali wakwe Yelemiya, casusile cafikiliziwa icikati, “Impanga yi ilasunga Isabata apa nsita yonsi ino ilikala iyononeke mpaka ikasuke ikasyukile ukupuza kwi Sabata, myaka amakumi cinimbali isuke ipite.”

Yobo 5:17

“Walongo umuntu wino Leza akakalipila. Acino we Yobo utasuula ukusunda kwakwe Leza Wamaka yonsi.

Masamu 119:67

Lino utacili umvunuke, napumbokanga umu nzila. Lelo ndakai nkayela izwi lyako.

Masamu 119:71

Canzipile ukuvunukwa, pakuti nsambilile amalamulo inu.

Masamu 119:75

We Yawe, namanya ukuti upinguzi wako uwa ulungi, nu kuti wamvunwike pano wewe wacumi.

Masamu 50:15

Mwemo mwandaizya sile ndi mwazanzwa na malanda. Nemo namamutasyanga, namwe mumandumbanyanga.

Masamu 50:17

Mwemo musilonda ukuti nemo inamukanzula, na amazwi yane, musiyalondela foo.

Ezaya 26:16

We Yawe, wapezya antu yako, alino umu ulanda wao ali pakupapata kunuli.

Yelemiya 31:19

Nakusangukila, lelo lyene natinzenzuka. Nintezya, nkuyuma na pa cifuwa. Ni nsonyi zyandema nu kuzewana, muzewanya wa wance uli pali nene.’

Danieli 9:14

Wemo we Leza witu waiteinye ukutuvunuka, nga nu kucita wacisile cico, pamulandu wakuti lyonsi kwene ukacita vyaololoke, nupya swemo tutakutezizye.

Aina Levi 26:11

Nkaiikala namwe mwi Taalu lyane lya Ukongano, nupya ntalatala mufutatile.

Aina Levi 26:15

Ndi mwakana ukuyela amasunde na malamulo yane, nu kutama icipangano cino nacisile kunomuli,

Aina Levi 26:30

Ndonona incende zinu zino mukapepela penepo pa twamba, nomoole nu tuvuwa twinu tuno mukaocelapo ubani. Ndasumbila ivyala vinu pa tuluwi twinu twaula umi. Nupya ndapatana namwe. Mu ukali wane

Aina Levi 26:41

nupya vino ivyalenzile kuti imvyalukile nu kuvisalanganya mu mpanga zya anisi yaviko. Ku mpelelekezyo, lino amu mupanda winu yalaicefya nu kulipila imilandu ya pa maifyo yao na pali ucisanguka wao,

Amosi 5:10

Mwemo mukapatana na apinguzi asi na kasoozi, mukasokela yayo akavwanga icumi umu matengo.

Zakaliya 11:8

Lelo yakacema yatatu yano yampasile, yamansalosya ku nsingo, nani ali pakuyazinga yonsi pa mwezi onga.

Yoane 7:7

Mwemo amu nsi yatangayamupate, lelo nemo yampata pano nkayanena vino vicitwa vyao iviipe.

Loma 8:7

Pano umuntu akaya umwanisi wakwe Leza ndi akutungululwa ni vilondwa vya mwili wakwe, pano wene asyayela Masunde yakwe Leza, nupya atangayela.

Malango 32:36

Yawe alakulula antu yakwe lino alalola ukuti amaka yao yasila. Alaya na mizu kuli yao akamutumikila, lino walola ukuti awe lyene yacepelwa amaka. Nu kulola ukuti awe lyene yasyala ancepelwa, cisi cimwi yangaya azya nanti antungwa.