Aina Levi 26:4 - Amazwi Yakwe Leza 2013

⁴ nkaamupeela imvula pa nsita yakweyo pakuti musili wamezya ivilimwa ni miti ya vyalo vinu yaseeka viseekwa.

Aina Levi 26:4 ပူးပေါင်းရင်းမြစ်များ

1 Yamwene 17:1

Kasema umwi uwi zina lyakwe Eliya umwina Tisyibe mu mpanga yaku Gileadi, anena Aabu ati, “Nemo nalapa mwi zina lyakwe Yawe, Leza wa umi wa ina Izlaeli, wino nkatumikila, ukuti apa myaka iili nanti itatu kutalatala kuye ulumi nanti imvula suka sile ince mvwange.”

Yobo 5:10

Aliwe akaleta imvula pano nsi, akasansa amanzi umu vyalo vitu.

Masamu 104:13

Ukufuma ukwiyulu ukatuma imvula nu kwiza tonyelela umu myamba, icakuti umu mpanga imufunkuka ivisuma ukufuma uku upolelelo wako.

Masamu 67:6

Umusili watiumezya ivimelwa. Icacumi, we Leza, we Leza witu, watutupolelela.

Masamu 67:7

Leza, ala watutupolelela. Antu insi yonsi kayakucindika.

Masamu 68:9

We Leza awewe watonyizye imvula iingi, nu kuvundikila impanga yako iyalanga yafumuka.

Masamu 85:12

Umwene amatupeela ivisuma, ni mpanga itu imamezya uzombozi ukulu.

Masamu 85:13

Uololoke auno umakolelela Yawe, nga nu kumuteyanyizizya inzila umwakupita.

Ezaya 30:23

Nanti sile lino mulakomela imbezu mu vyalo vinu, Yawe aliwe alamezya nu kukuzya vino vyaya mwenemo. Lelo kwene mulaasampa ivyakulya kwene vivyo. Mu wanda ulya ni ng'ombe zinu kwene zilakwata incende zingi zya mulemvwe umwakuliila.

Ezaya 5:6

Namaleka cisapilwe. Nemo nsikutungwilanga mwenemo nanti sile ukutukolela. Namaleka ukuti cimelelwe yankololo ni myunga. Namalesya ni mvula ukutonyelela mwenemo.”

Yelemiya 14:22

Uzye kwaya akaluwi nanti konga pali tuleza twa inamasi kano kangatuletela imvula? Iyulu litupu nalyo kwene litangatutumila imvula. Lelo awewe sile wenga we Mwene witu, wemuno twataila Wewe sile wenga mpo ukacita vii.

Ezekelo 36:30

Ndaleka imiti inu ikasekesye viseekwa, nu kuvuzya ivyakulya mu vyalo vinu pakuti mutace mukaponelwe nupya ni nzala iyakumuletela insonyi uku antu ya mitundu yuze.

Yowelo 2:22

Mutuuvwa intete, mwe nyama zyamu mpanga, pasi pano umulemvwe watiumela umu nyika. Imiti nayo yatiseeka iviseekwa. Amasamvu na matingi vyativivula wakwe cimwi.

Aina Levi 25:19

Mpanga iyo ilamupeela ivyakulya vyakweyo, nupya namwe mulakwata ivyakulya vyonsi vino mukalonda, nupya mulikala mutende.

Aina Levi 25:21

Yawe alapolelela impanga iyo mu mwaka uwalenga mutanda cakuti ilamupeela ivyakulya ivingi vyakulingana nu kulya pa myaka iili.

Zakaliya 8:12

“Mwemo mumaikomelelanga imbezu ku matwi cele. Imitingi inu imaseekanga iviseekwa, nu musili nao umamezyanga ivizao, kumayanga imvula ivule. Vii vyonsi vili vino namamupeelanga mwemwe mwe antu mwe muno mwasyalapo.

Mateo 5:45

pakuti muye ana yakwe So uwa mwiyulu. Pano wene akawazya ilanzi pa antu asuma na pa aipe kwene. Akatuma imvula pa antu aololoke na pali yao asi aololoke.

Milimo 14:17

Lelo Leza asita kupeela umboni uwa pali aliwe umwisikulu kupitila mu vintu visuma vino akacita. Wene akamupeela imvula kufuma mwiyulu nu kuleka kuti vilimwa vikule pa nsita isuma. Wene akamupeela ivyakulya nu kuzuzya myenzo inu nu luzango.”

Malango 11:13

“Acino lyene mwayela amalamulo yano nkumupeela ilelo, nupya mwatemwa nu kutumikila Yawe Leza ni myenzo inu yonsi nga nu umi winu onsi.

Malango 11:14

Ndi mwacita cii, ale lyene ndaleka imvula itonye pa mpanga inu pa nsita ino ikaizila penepo, iya pa kuwela kwa mvula ni ya pa mwela, pakuti muce mukwate uzombozi wa mbezu, mukwate na waini na mafuta ya miolivi.

Malango 28:12

Yawe alamutumila imvula pa mpanga inu pa nsita yakweyo, ukufuma ku maziya akama akwiyulu nu kupolelela imilimo inu yonsi, cakuti muce mwaazimisya na vimwi ku nko zivule. Lelo mwemo mutalatala mwazime nanti ku luko longa.

Yakobo 5:7

Inane, lyene tekini myenzo kufika lino Umwene aliiza. Lolini vino mulimi akateeka mwenzo lino acili akulolela kuti vilimwa vya mpomvu vice mu calo cakwe. Wene akalolela nu kuteeka mwenzo kuti vipokelele mvula ya pa miundo ni yamu koolo.

Umbwilo 11:6

Yakambone ya yali na maka akuyala iyulu kuti imvula itaca itonye mu nsita yakusema kwao. Nupya yakweti maka pa manzi kuyasenula yaye uwazi, nupya yakweti maka akuponyezya insi vilumbelo vya misango yonsi pa nsita yonsi ino yakasi.