Aina Levi 26:37 - Amazwi Yakwe Leza 2013

³⁷ Mulapumana mweisikulu lino pasi nanti umwi akumuzinganya. Nupya mutalaya na maka ya kulwisya anisi inu.

Aina Levi 26:37 ပူးပေါင်းရင်းမြစ်များ

Ezaya 10:4

Kulasyala sile ukukontamika imitwe mwi umba lya azya. Mulafwila umu nkondo. Na lilyo kwene ala Yawe acili asosile, pano ala acili watazunzula ikasa lyakwe apa kumuvunuka.

Yelemiya 37:10

Nanti mungakomola ivita vya ina Babiloni, ivikumulilizya, suka kwasyala sile impondo zitupu tupu, zizyo kwene zingakatuka nupya nu kwiza oca umusumba uu.”

Yelemiya 46:16

Ivita vyako vikupempezyoka nu kuifuntula pansi. Cila cita cikunena icuze citi, ‘Kalauka! Tuye twapita kumwitu ku antu itu, tupuuke ulupanga lwa anisi itu.’ ”

Yelemiya 6:21

Caleka Yawe wavwanga wati, “Indika inkolelo ya antu yaa icakuipuma kweneko. Nayo yalaipuma kweneko suka yace yalowelele pyu. Yaisi alino na ana yao aonsi, nga na inipamba kumwi na yacuza yao kwene.”

Aina Levi 26:17

Nkaamufutatila pakuti anisi inu yamucimvye. Nupya yano amupata yakaamuteeka. Muli nu kuya ni ntete cakuti mukaautuka nalino kusi umwi akumuzinganya.

Naumi 3:3

Asilika apa mfwalasi yene yakusimula, amalupanga yakumyantula, amasumo nayo yakucata. Antu avule yafwa ni vyala vyao ivivule ivitangapendwa, na antu aingi yakupumika pa vyala vivyo.

Mpendwa 14:42

Mutezya mulemele kweneko pano Yawe asi namwe, nupya mumacimviwa na anisi inu.

Yakapingula 2:14

Nawe Yawe pasi pa kusokela aina Izlaeli nga ayapeela mu makasa ya azanzi nayo iyayasampa vyonsi vino yakweti. Wene wayisile mu maka ya anisi yao ukuzinguluka konsi, nga yatali na maka akuyacimvya nupya.

Yakapingula 7:22

Lino antu yakwe Gidyoni yacili lizya intandala zyao, Yawe alenga ivita vya anisi yao kuti vizanzane ni mpanga. Ivyutuka kulungama ku Zaletani ivifika nu ku Beti Syita, mpaka nu ku musumba wa Abeli Meolaa pipi nu ku Tabati.

1 Samueli 4:2

Aina Filisti iyakatuka nu kulungatana na ina Izlaeli. Nga lino ulwi wakoma sana, aina Filisti iyacimvya aina Izlaeli. Iyakoma antu ukulingana manye amazimbi yani pa ncende ya ulwi.