Aina Levi 26:36 - Amazwi Yakwe Leza 2013

³⁶ “Ndalenga mwemuno mulaya mukikale mu mpanga zya anisi inu ukuya ni ntete cakuti ndi muvwa muza uulula inswaswa cilamulenga kuti muutuke. Mulautuka kwati yakumuzinga mu nkondo. Nupya mulapona pansi lino pasi mwanisi pipi na panomuli.

Aina Levi 26:36 ပူးပေါင်းရင်းမြစ်များ

Utandiko 35:5

Lino Yakobo na ana yakwe yatenuka, antu ali mu misumba yazingulwike yakanka sile ku ntete, nupya patali uwaposizye ukuya yazanza.

Utandiko 4:12

Ndi ulezya kulima vilimwa, musili utalakumezezya nanti cimwi. Acino wemo utalatala uye ni teko nupya ulazeuluka sile muno nsi.”

2 Milandu 14:14

Yasya yonona imisumba iyazingulwike Gelali, pano antu yano yatenzi mwenemo yakweti ntete kuli Yawe. Fwandi ivita vyazanzile imisumba yonsi ivisenda ni vintu nyanya.

Yobo 13:25

Uzye wemo ungaoofya ifwa ilikuulululwa nu muza? Uzye wemo ungazinganya amapelele?

Masamu 53:5

Ukuya kwene intete zino yatatala yalemwa zilayalema, pano Leza amasansanta amafupa ya anisi yao. Cimayaletela insonyi pakuzana ukuti Leza watayatazyela.

Masamu 53:6

Owe mwe! Aweni fwandi angafuma uku Zioni uwakwiza pususya aina Izlaeli? Lino Leza alaswilizya antu yakwe kumwao, alino Yakobo alazanga, nga alino na Izlaeli alasansamuka.

Masamu 89:43

Watutunya amalupanga yao, nu kuta ukuyazwa umu nkondo.

Mapinda 28:1

Umuntu mwipe akapuuka, ala pasi na akumuzinganya. Umuntu musuma wene wapama wakwe cisama.

Ezaya 30:17

Antu inu izimbi lyonga yalapuuka, apakulola sile icita conga ca anisi inu. Alino ivita visano sile ivya anisi inu vilakumana pakumuzinga mwensi pyu. Api umba lya vita vinu patalasyala akantu nanti konga, suka sile imendela inu aino ilyasyala ikupepela sile apa mwamba!

Ezaya 7:2

Walanga amazwi yafika ku mwene waku Yuda ukuti ivita vya ina Alamu vyativingila mu mpanga yamu Izlaeli, intete izimulema kumwi na antu yakwe yonsi icakuti iyapunganika sile wa miti yamu mutengo ikutenta uku muza.

Ezaya 7:4

Uye ukamuceule, umunene ateke umwenzo, atuvwa intete nupya atasakamala. Pano icipyu ca mwene Lezini na antu yakwe aina Alamu, ni cipyu ca mwene Peka umwana wakwe Lemaliya vitange vicite umuntu nanti cimwi. Pano antu yayo yali sile wa cunsi icikufutumuka uku tusonsololo twili.

Yelemiya 37:10

Nanti mungakomola ivita vya ina Babiloni, ivikumulilizya, suka kwasyala sile impondo zitupu tupu, zizyo kwene zingakatuka nupya nu kwiza oca umusumba uu.”

Yelemiya 46:16

Ivita vyako vikupempezyoka nu kuifuntula pansi. Cila cita cikunena icuze citi, ‘Kalauka! Tuye twapita kumwitu ku antu itu, tupuuke ulupanga lwa anisi itu.’ ”

Nyimbo zya ndosya 1:3

Yuda watawa. Wene watasendwa umu uzya uku mpanga ya inamasi. Lyene wataikala umu inamasi, nga atakweti na pakufutila. Wene yatiyamuzinguluka ku anisi, nga atakweti nakuno angutukila.

Nyimbo zya ndosya 1:6

Ukuyemba kwakwe Yelusalemu lyene kutacilipo. Intunguluzi izyaya mwenemo lyene zili wa nswela zino yakalunga yakuzinganya, izitakweti iteko apa kuliila umulemvwe. Zyasuka zyaulwa amaka uku nzala.

Nyimbo zya ndosya 4:19

Yayo atuzinganyanga yali nu lwilo ukuluta yacipungu atiyavuka umu lwelele. Yatuzinganyanga umu myamba nu kututeyamila umu lwanga.

Ezekelo 21:12

Pomola impooma, nupya pundisya, we mwana wa muntu, pano ulupanga luu ulwa kusalipila antu yane ni ntunguluzi zyonsi zya ina Izlaeli. Ni ntunguluzi zilafwila pamwi na antu yonsi. Fwandi mwemo tungililini sile amakasa mu nzekete.

Ezekelo 21:15

Ali pakuti antu yane yapeziwe amano, yapomponteke. Pa mpongolo zyonsi zya musumba nemo ninteya penepo ulupanga ulumamyantukanga wa nkuwa, ulumalolelanga sile ukusalipa.

Ezekelo 21:7

Ndi yakuuzya umulandu uno ukutolomela, uyasuke uti, ‘Apamulandu wa vintu vino vyasya vicitike.’ Yanene ukuti kwatikwiza izwi lyakuti imyenzo yonsi ilakulukunta pamulandu ni ntete, amakasa yao yalatolompoka, amano yao yalapela, mu nteo zyao mulapomponteka. Icali nu kufikila, ala cafikila. Ivyalanda ne Yawe Simwandalali.”

Oseya 8:3

Lelo aina Izlaeli yakana ivisuma. Acino anisi yao yalayacocovya.

Aina Levi 26:17

Nkaamufutatila pakuti anisi inu yamucimvye. Nupya yano amupata yakaamuteeka. Muli nu kuya ni ntete cakuti mukaautuka nalino kusi umwi akumuzinganya.

Aina Levi 26:35

Insita yonsi iyo ino mu mpanga mutalaya antu, impanga ilapuza kupuza kuno itatazile ipuze pa myaka yonsi ino mwemo mwikalangamo.

Malango 1:44

Lyene aina Amoli yano yikalanga mu myamba ilya yamukatukile wa cikundi ca nzimo. Yene yamuzinginye mpaka kufika nu ku Holima nga kukwa kwene akuno yamucimvizye mu mpanga ya myamba ya Edomu.

Yoswa 5:1

Lino Yamwene yonsi aina Amoli aikalanga ku uwondaka wa Luzi lwa Yodani alino na yamwene yonsi aina Kenani aikalanga mu nkumba yakwe yemba wa Adiliya yuvwa ukuti Yawe watakamya Yodani pa manso ya ina Izlaeli mpaka itusuka itulamba, iyazakaza ku ntete nupya iyatovoka pamulandu wa ina Izlaeli.

Yoswa 7:5

iyakomapo antu amakumi yatatu na mutanda. Asyala nayo iyayacocovya ukutandikila sile pa mpongolo ya musumba mpaka ukufika lwaku cimbotela nga yayakoma pa mutentemuko wa mwamba. Pali cii aina Izlaeli iyatovoka nga nu munyanya iuyaputuka. Iyuvwa intete nu kuzakaza wakwe cimwi.

1 Samueli 17:24

Lino aina Izlaeli yacilola sile, yonsi kwene iyacoopa ku ntete zyao izikulu.