Aina Levi 26:35 - Amazwi Yakwe Leza 2013

³⁵ Insita yonsi iyo ino mu mpanga mutalaya antu, impanga ilapuza kupuza kuno itatazile ipuze pa myaka yonsi ino mwemo mwikalangamo.

Aina Levi 26:35 ပူးပေါင်းရင်းမြစ်များ

Yelemiya 34:17

Caleka lyene Yawe wavwanga wati, “Mwatimukana ukunguvwa, mwakana nu kupeela untungwa cila muntu uku anyonko nu ku auzo. Icisuma fwandi, nemo namamusunkilizya umu nkondo, uku mpungo nu ku cipowe. Namamuletela na kasokonda uku wene uli onsi uwa pano nsi.

Aina Levi 25:2

“Unene aina Izlaeli uti, ‘Lino mulingila mu mpanga ino nkupeela kunomuli, impanga kwene iyo ilinzile ukulaaluka cila mwaka uwalenga cinimbali pamulandu wakucindika Yawe.

Aina Levi 26:34

Lyene impanga ilaipakizya imyaka ya upuzo lino mu mpanga iyo musi antu, Mwemo ale mukwikala mu mpanga ya anisi inu. Mu nsita kwene iyo impanga ilikala sile, ale ikuipakizya imyaka ya upuzo lino mwemo muli mu mpanga zya anisi inu.

Aina Levi 26:36

“Ndalenga mwemuno mulaya mukikale mu mpanga zya anisi inu ukuya ni ntete cakuti ndi muvwa muza uulula inswaswa cilamulenga kuti muutuke. Mulautuka kwati yakumuzinga mu nkondo. Nupya mulapona pansi lino pasi mwanisi pipi na panomuli.

Loma 8:22

Pano twamanya vino kufika na ndakai uumbo onsi ukuteta nu kuwaika kwa umbuza.