Aina Levi 26:30 - Amazwi Yakwe Leza 2013

³⁰ Ndonona incende zinu zino mukapepela penepo pa twamba, nomoole nu tuvuwa twinu tuno mukaocelapo ubani. Ndasumbila ivyala vinu pa tuluwi twinu twaula umi. Nupya ndapatana namwe. Mu ukali wane

Aina Levi 26:30 ပူးပေါင်းရင်းမြစ်များ

Utandiko 19:13

Pano tulonona icifulo ci. Yawe uuvwa imilandu ya ukakasi wa antu yaa, nawe watatutuma kwiza onona Sodoma.”

1 Yamwene 13:2

Alino apundilila kavuwa pa kusema amazwi yakwe Yawe, ati, “We kavuwa we, we kavuwa we! Yawe wavwanga wati, ‘Umwana umonsi uwi zina lyakwe Yosiya alavyalwa ku amu mupanda wakwe Davidi. Ali wino alakoma pali wewe yasimapepo yano yaya mu ncende zino yakapepela mwenemo utuluwi, yao yonsi yano yakapeela impolelwa pali wewe. Aloca na mafupa ya antu pali wewe.’”

1 Yamwene 13:32

Pasi pano amazwi yonsi yano Yawe wanenyile kasema wi pamulandu na kavuwa kamu Betele, nga ni ncende zyonsi zyakupepela penepo zyamu misumba yonsi yamu Samaliya, ala umu cumi yali nu kufikiliziwa.”

2 Yamwene 23:16

Lino Yosiya wacelecensya amanso, alola amalindi yamwi pa mwamba. Ali pakutuma antu akuyasenda amafupa, apakuti yize yocele pamwi apa kavuwa kaka. Fwandi ali vino yacisile apa kukowezya kavuwa kaka. Wene acita kwati avino kasema umwi wasemile mpiti, lino kwali uwanda ukulu umwi, ale umwene Yolamu aimilile umupipi na kavuwa. Nupya kwene lino Yosiya wacelecensya amanso, alola ilindi lyakwe umwi uwali kasema uwasemile amazwi kwene yayo.

2 Yamwene 23:20

Yosiya akoma na yasimapepo yonsi apa tuvuwa apa ncende kwene zizi izyakupepela mwenemo utuluwi. Alino aoca na mafupa yao apa tuvuwa kwene tuto. Nga lyene aswilila ku Yelusalemu.

2 Yamwene 23:8

Yosiya ali pakuswilizya yasimapepo umu Yelusalemu, yao yonsi yano yali umu misumba yamu Yuda. Alino atamola ivintamba vyonsi ivyali umu ncende zya kupepela mwenemo utuluwi, ukutandikila ku Geba mpaka ukufika nu ku Belisyeba, kuko kuno yasimapepo yocelanga ubani. Atamola nu tuvuwa pano yocelanga imbuzi uku tuluwi, tuno twali umu pipi na pa wingililo wa mpongolo yakwe Yoswa, ino umulasi wa musumba wakuuzile, izyayelile lwa kwimani ya mpongolo ikalamba ya wingililo wa musumba.

2 Milandu 23:17

Lilyo kwene antu yonsi yaa iyakatuka nu kulungama ku ng'anda ikulu yakwe Baali, nga iyaiwongolola. Alino iyavungola utuvuwa twakwe kuli kumwi na maunkolanya yakwe yonsi, nga yalema Matani, simapepo wakwe Baali, nu kumukomela pa nkolelo ya tuvuwa kwene tutu.

2 Milandu 31:1

Lino vii vyonsi vyasila, aina Izlaeli yano yali kweneko yafuma nga yapita ku misumba yaku Yuda, yatamola incesi nu kuputola ivyaunkolanya vyakwe kaleza kanaci ka Asyela. Iyonona ni ncende zyakupepela penepo tuleza twao kumwi nu tuvuwa mu mpanga yonsi yakwe Yuda, na yakwe Benjamini, na Efulemu, na Manase. Pacisila ca konona vyonsi kwene, aina Izlaeli yaswilila ku misumba yao nu ku mpanga zyao.

Masamu 106:40

Caleka Yawe asokela antu yakwe, nga wene yali wa cintu camuselu kunoli.

Masamu 89:38

Lelo we Leza wasokela umwene umusololwe wako, wamutazyela nu kumufutatila.

Ezaya 27:9

Uyi wa ina Izlaeli, ana yakwe Yakobo, utalelelwa foo. Suka sile manye lino yalamala ukutamola amawe yano yakuulila utuvuwa twa antu atamanya Leza. Vilaya ivyakusyunola ndi vino yakasyunola insio, nupya suka yakamale ukonona amaunkolanya yakwe Asyela yonsi, kumwi ni viimbili vya tuvuwa tonsi utwakocelapo ubani.

Yelemiya 14:19

We Yawe uzye watututazyela sile swe ina Yuda? Uzye watutupatilila sile swe ina Zioni? Uzye pacani cino watutimbwilila vii, ukali ukali cakuti twaposiwa nu kupola? Swemo twalondanga ukuikalila swenga ku matwi cele, lelo kutaya icuma nanti conga cino caloleka penepo. Swemo twalolelanga sile ukupola, lelo twikalila sile ukusokondwa.

Yelemiya 16:18

Ndayakalipila liili apa ukakasi wao na pa uyi wao, pano yatiyakowezya impanga yane ku tuluwi twao. Yatiyazuzyamo upyanyi wane ku vintu vya uwelewele ivyaunkolanya sile.”

Ezekelo 16:39

Nga lino lyene ndakuswilizya umu makasa ya akundwe yako, nayo yalapasaula iviimbili vya tuvuwa twako, yakonone ni ncende zya kupepelapo utuluwi, yakakulepolele ivyakuzwala vyako, yakakupokolole ni viyembelo vyako nu kukusya tupu.

Ezekelo 43:7

Alanda ati, “We mwana wa muntu, ii ili ncende ya cilimba cane ca wene, nupya apano nkalyata ingazo zyane.

Ezekelo 6:13

Ivyala vyao vilaya sile ntangali ntangali, kumwi nu tuluwi twao kwene. Vilaya sile monsi monsi umu mbali ya tuvuwa twao, vilaya ntangali ntangali pa twamba tonsi ututali, na papela ya myamba yonsi, nu mwisika lya miti yonsi itambilile, nu mwisika lya miti yonsi ilembe, kuli kuti apali ponsi sile pano yakatuulila utuluwi impolelwa zyakoca. Nga alino yonsi yalasinkizya ukuti fwandi nene indi Yawe.

Oseya 10:2

Myenzo yao iyausomvi. Ndakai yalinzile kuvunukwa pamulandu wa maifyo yao. Yawe alawisya utuvuwa twao nu konona vipilala vyao vya kupepelapo.

Aina Levi 20:23

Mutaca mwalondela intambi zya antu yano yakaikala mu mpanga ilya. Nkuzinga nu kufumya antu yaya akulukuwa pakuti mungingila mu mpanga ilya. Pano yene yatiyandenga kuvwa muselu pa micitile ya uyi wao.

Aina Levi 26:11

Nkaiikala namwe mwi Taalu lyane lya Ukongano, nupya ntalatala mufutatile.

Aina Levi 26:15

Ndi mwakana ukuyela amasunde na malamulo yane, nu kutama icipangano cino nacisile kunomuli,

Amosi 6:8

Yawe Simwandalali akulapa mwi zina lyakwe umwisikulu ati, “Nasoka icilumba ca ina Izlaeli nu kupata ivimang'anda vyao vikulu. Endi, ndapeela umusumba wao na vyonsi ivyayamo ku anisi yao.”

Amosi 7:9

Incende zya kupepelamo zya amu mupanda wakwe Isaki zilononwa. Incende zyakupepelamo zya ina Izlaeli zilatamolwa. Nupya ndawisya ang'anda yakwe Yeloboamu umu ulwi.”

Malango 32:19

“Lino Yawe walola vivyo, asoka nga afwita ana yakwe yakalume na yakaci.