Aina Levi 26:28 - Amazwi Yakwe Leza 2013

²⁸ lyene mu ukali wane ndamwalukila nu kumuvunuka cuze maila cinimbali ukuluta kuvunuka kwankolelo.

Aina Levi 26:28 ပူးပေါင်းရင်းမြစ်များ

Masamu 79:12

We Mwene, ala apa misuula yonsi ino ainamasi yakusuula, wemo uyawezezye amaila cinimbali.

Ezaya 27:4

“Nata ukuilizyanya apa calo. Ndi cali cakuti yankololwe ni myunga avino vyakwatilamo umuzano, nemo ningavilwisya suka sile imvyoce pyu.

Ezaya 59:18

Amalambula ukali kuli cila muntu apa vintu vino wacita. Alafulula na akutali kwene yano yakamulwisya.

Ezaya 63:3

Lyene Yawe nawe ali pakwasuka ati, “Nemo nali indi nenga mpo, lino nalinkulyatola antu ya mitundu yonsi kwati iviseekwa vya matingi. Kusi nanti wenga uwali wangazwako foo. Nali nkuyalyatola ukali ukali, cakuti cakuzwala cane casuka cakandana ku wazi wao.

Ezaya 66:15

Nemo ne Yawe ndizila umu moto, ndiza nkupitila muli nkungulupya, lino ndiza mukufulula yano nasokela.

Yelemiya 21:5

Nene nemweneco namaya kalwisya wa anisi yinu namaka yane yonsi, icipyu cane nu ukali wane onsi.

Yelemiya 7:20

Ali cino Yawe Simwandalali akuti, “Ukali wane ni cipyu cane vilaponela apa ncende ii. Vilaponela umuntu ni nyama kwene, imiti ya mpanga ni viseekwa kwene. Ukali wane ulaya wa moto uno kusi nanti wenga angauzimya.”

Nyimbo zya ndosya 4:11

Umwene watafusya ukali wakwe. Wene wakozizye umoto umu Zioni uno wosile Zioni nu mu mifula kwene.

Ezekelo 5:13

“Uluvwikisya apapela icipyu cane nu ukali wane ukufika sile na pano cilasilila. Lino vyonsi vivyo vilafikila, lyene mulasininkizya ukuti nemo ne Yawe navwanzile ukuti ndafulula ucisanguka wako.

Ezekelo 5:15

“Lino nemo ndasoka nu kukufokela ukali ukali apakukufulula, antu amitundu yakuzinguluka yalalemwa ni ntete. Lino yalakulola, yalakusaalula nu kukuwela. Ivyalanda ne Yawe.

Ezekelo 8:18

Caleka yalalola apapelela icipyu cane. Ntalayapanya foo, nupya citalambaya foo. Yalezya uku mpapata wakwe cimwi, lelo nemo ntalayuvwa foo.”

Aina Levi 26:24

Lyene indi nu kwalukila panomuli nu kumuvunuka cuze, maila cinimbali ukuluta pa kuvunuka kwankolelo.

Aina Levi 26:27

“Ndi pacisila cakwe cii mucili mukutwalilila ukunsula nu kukana ukunjela,

Aina Levi 26:41

nupya vino ivyalenzile kuti imvyalukile nu kuvisalanganya mu mpanga zya anisi yaviko. Ku mpelelekezyo, lino amu mupanda winu yalaicefya nu kulipila imilandu ya pa maifyo yao na pali ucisanguka wao,

Naumi 1:2

Yawe a Leza wa uzuwa nupya akacita icilanduzi. Yawe akacita cilanduzi nupya wakalipa. Yawe akavunuka yao amusangukila, nupya akacita cilanduzi pa anisi yakwe.

Naumi 1:6

Lino wene wasoka, uzye aweni angimilila pa manso yakwe Yawe? Aweni angaposya ukali wakwe uwakofya? Ukali wakwe ukafuluma kwati icimbilimbili ca moto, na mawe iyavungoka pa manso yakwe.