Aina Levi 26:22 - Amazwi Yakwe Leza 2013

²² Indi nukulenga ivilyanyi vikali kwiza pakasi kinu. Lyene ivilyanyi vivyo vilume ana inu nga vyonone ni viteekwa vinu, nu kumusya impendwa inono sile, cakuti miseo isyale sile.

Aina Levi 26:22 ပူးပေါင်းရင်းမြစ်များ

2 Yamwene 17:25

Lino yikazile mumu kwene, apakutandika yatapepanga Yawe. Acino Yawe nawe ali pakutuma yacisama alemile yamwi nu kuyakoma.

2 Yamwene 2:24

Alino Elisya asenuka, alola alumendo yayo, nga ayatipwila mwi zina lyakwe Yawe. Lyene ivilyanyi viili ivyakaci, vya mwata wakwe cuuli vifuma mu mutengo, nga viza vikoma alumendo yaya amakumi yani na yaili.

2 Milandu 15:5

Umu manda yalya kutali umuntu nanti aumwi uwaipitilanga sile, pano imikosi yaponanga mpanga yonsi umu nsi zyonsi.

Ezaya 24:6

Asi papo Leza lyene watatipwila insi apakuti iononeke. Antu kwene aikazi yamwenemo, ali yano yatiyailetelela aeneco kwene. Ali mulandu kwene uno lyene insyazi zyakunzi zyatizitandika ukucepela kweneko.

Ezaya 33:8

Imiseo yativuma, musi antu yano yakupitamo. Yonona upangano, yasuula yakambone, yasisakamala muntu nanti umwi.

Yelemiya 15:3

“Mu cumi anene ne Yawe nayapingwilile imikosi ii ini, kuti iyaponele. Yalayakoma na yasimbwa yalatakanya ivyala vyao. Ivyunyi navyo vilayakompola ni nyama zya mpanga zilalya ivilasyalako.

Yelemiya 42:2

Yamunena yati, “Twapapata, uvwa vino tukulenga. Utupapatileko kuli Yawe Leza wako. Swe antu twali nyanya, lyene tusile sile incepelwa, ndivino nawe kwene ungailolela we mweneco.

Nyimbo zya ndosya 1:4

Kusi nanti wenga wino akuya nupya ku Ng'anda ikulu yakwe Leza ku kupepa umu manda amuzilo. Akazyana yano iimbilanga inyimbo pasi pakucula. Yasimapepo nao yakuteta. Impongolo zya musumba zili pwanku. Icumi kwene Zioni ali umu ucuzi.

Ezekelo 14:15

Nanti ndi natumile ivilyanyi kuti vipitane mu mpanga ilya nu konona antu aikalamo, mpaka impanga iyo izulemo uzanzo cakuti kusi nanti wenga angapita kusalala mwenemo pamulandu wa vilyanyi vivyo,

Ezekelo 14:21

“Pano vii ivyalanda Yawe Simwandalali. Cilipisya wakwe cimwi lilyo lino ndapezya Yelusalemu ku vyaupinguzi vyane vii vini vyakoofya: inkondo, icipowe, ivilyanyi nga ni ndwala, kuti vyonone antu kumwi ni nyama.

Ezekelo 33:28

Ndasangula impanga iye ulwanga, umutaya akantu nanti kamwi. Ndamala ni cilumba ca maka yao. Imyamba yamu Izlaeli ilononeka, mutalaya nu wakupita mwenemo.

Ezekelo 5:17

Ndakuletela cipowe, ndakutumila vilyanyi vyakukoma ana yako, ndakuletela impungo, ni mpanzela alino nu kukukatusizya inkondo pakuti yace yakukome. Ivyalanda ne Yawe.”

Aina Levi 26:6

“Nkalenga kuti mu mpanga inu muye mutende, nupya mukaalala utulo kwaula koopa nanti umwi. Indi nu kuzinga ivilyanyi vyamu mpanga inu. Nupya mu mpanga inu musiiya inkondo.

Mika 3:12

Caleka pamulandu winu, Zioni alalimolwa wa calo, Yelusalemu alaya citalang'anda, nu mwamba apa kuulwa Ng'anda ikulu yakwe Yawe ulaya umutengo.

Zakaliya 7:14

Pali pakuvwanga ati, ‘Uli mulandu kwene ukalenga ukuti nasalanganyizizya antu yane mu mpanga zya inamasi. Mpanga itaizipila apali pakuisyalila amapooli, umwaula nanti umwi wakwikalamo.’ ”

Malango 32:24

Yalafwa ku nzala nu ku mpepo iyanzakaza, yalafwa ku ndwala iziipisye izitamanyika. Ndatuma ivilyanyi vya mpanga vikayazanze, nga ni nzoka izya usungu cuze ziyalumole.

Yakapingula 5:6

Mu manda yakwe Syamugali umwana wakwe Anati, mu manda yakwe Yaeli, ivikocikala vitatazile vipite nupya, kusalala mu mpanga. Na alendo aomvizye imiseo ikulu iyaomvya utuzila twakupambata.