Aina Levi 26:20 - Amazwi Yakwe Leza 2013

²⁰ Kuombesya kwinu konsi kutalamutumbwila nanti cimwi, pamulandu wakuti impanga inu italamezya ivilimwa nga ni miti nayo italaseeka viseekwa.

Aina Levi 26:20 ပူးပေါင်းရင်းမြစ်များ

Utandiko 4:12

Ndi ulezya kulima vilimwa, musili utalakumezezya nanti cimwi. Acino wemo utalatala uye ni teko nupya ulazeuluka sile muno nsi.”

1 Yamwene 18:2

Acino Eliya aya ku kulolekela kuli Aabu. Lilyo walanga inzala yacila mu cipimo mu Samaliya.

Yobo 31:40

Ndi cakuti vino nkuvwanga ivyaufi, ivilimwa vyamu calo kavilokote, nanti vipokwe, uleke insokolo na nkololwe avino vimele mwenemo. Baale kaipolwe, uleke nkololwe awino amele mwenemo.” Pakwene paa, ali pano amazwi yakwe Yobo yapelela.

Masamu 107:34

Impanga ya vilyo isangula iya cicelecele, apamulandu nu uyi wa antu atenzi mwenemo.

Masamu 127:1

Yawe ndi cakuti aliwe asikukuula ing'anda, ala yakakuula yakwalangana sile. Yawe ndi cakuti asikulinda umusumba, ala yakalinda yakuicuzya sile.

Ezaya 17:10

Mwe ina Izlaeli, mwatimwilila Leza Katuula winu, mutiwisye Iciliwe cinu ni cele linu ilya kuzina mwenemo. Alino lyene camutwala uku kulimila akaluwi kaleza ka inamasi, icalo ca vilemwa vya luzango.

Ezaya 17:11

Lelo ivintu vino mungatemwamo ilelo nanti angala vingalemuka, nu kutuuta iluwa umu katondo, awe nce mutange mulole nanti acimwi icakuzombola. Uzombozi wa mwenemo ungamuletela sile ucuzi ni ntazi itangasila foo.

Ezaya 49:4

Lelo nemo navwanzile inti, “Naicuzizye sile ukuombesya. Namazile sile amaka yane ukwaula umuzano. Lelo kwene insambu zyane zili kuli Yawe, ni cilambu cane cili kuli Leza wane.”

Yelemiya 12:13

Antu yane yatovya ingano, lelo yamazombola sile ivikona. Yaombesya apa maka, lelo yaicuzya sile. Apa mulandu ni cipyu cane ivyakulya vyakana.”

Oseya 2:11

Namalesyanya ukuzevya kwakwe konsi pyu, ukwa vimulo vya cila mwaka, nu kwa ndoleko ya mwezi.

Aina Levi 26:4

nkaamupeela imvula pa nsita yakweyo pakuti musili wamezya ivilimwa ni miti ya vyalo vinu yaseeka viseekwa.

Habakuku 2:13

Antu yano mwacimvizye iyatovoka pamulandu wa milimo ya mulaza uwasilesile. Na vyonsi vino yatukuta vyati vipya nu moto. Antu amitundu yonsi yakwazya sile amaka yao. Vii ivicitwa vyakwe Yawe.

Hagai 2:16

Pano umuntu wakweti upaalilo wakuzombola ingano ya mpokoso makumi yaili, lelo azombola sile ikumi lyonga. Ndi walooka kuti akanyemule insembo makumi yasano yakwe waini, aya anyemula sile amakumi yaili.

1 Kolinto 3:6

Nemo natile imbezu, Apolo nawe azikontelela manzi, lelo Leza aliwe walenzile kuti zikule.

Galatiya 4:11

Nemo nati nsakamikwa pamulandu namwe! Uzye ale limwi ukuomba kwane pakasi kinu ukwasilesile?

Malango 11:17

Ndi mwacita cico, ale lyene Yawe alamusokela. Wene alalesyanya imvula kuti itatonya pakuti umusili ukaye umalale na kuti ivyakulya vitakamele. Lyene namwe mulafwa zuwa mu mpanga isuma iyo ino Yawe akumupeela.

Malango 28:18

“Yawe alamutipwila amupeele ana anono sile, ni vyakulya visi vya mpomvu, nga ni ng'ombe ni mbuzi zinono sile.

Malango 28:42

Makanta alonona imiti ni vyakulya vyamu mpanga inu vyonsi.

Malango 32:22

Ukali wane ulalunkuma wa moto nu koca akali konsi akaya pano nsi. Wene ulafika na pisina lya nsi nu koca imisisi ya myamba.