Aina Levi 26:19 - Amazwi Yakwe Leza 2013

¹⁹ Ndonona vilumba vya kuitumvya kwinu. Kutalaya imvula, ni mpanga inu ilaya iyumalale. Nupya musili winu ulaya ukome wakwe cilwala.

Aina Levi 26:19 ပူးပေါင်းရင်းမြစ်များ

1 Yamwene 17:1

Kasema umwi uwi zina lyakwe Eliya umwina Tisyibe mu mpanga yaku Gileadi, anena Aabu ati, “Nemo nalapa mwi zina lyakwe Yawe, Leza wa umi wa ina Izlaeli, wino nkatumikila, ukuti apa myaka iili nanti itatu kutalatala kuye ulumi nanti imvula suka sile ince mvwange.”

1 Yamwene 8:35

“Antu yako ndi cakuti yakuluvyanya, alino nawe apakuyakalipila walesya imvula kuti itatonya, alino lyene nupya ndi yazenzuka ala yatiyalozya na manso ku Ng'anda yako ikulu, yakukupepa nu kukuwanzya yakukuwanzya,

Ezaya 2:12

Pano apa wanda sile uo kwene, ali pano we Yawe Wamaka yonsi ulanyata avilumba yonsi, kumwi na amisuula yonsi.

Ezaya 25:11

Yalati ndi yatumpula amakasa yao, wa antu yano yakwezyo ukowa, Yawe nawe alayapezya nga na makasa yao yalapona wa maleka.

Ezaya 26:5

Wene wacefya antu yavilumba, wonona umusumba wamaka uno yakaikala mwenemo. Wawisya amalinga yakweo nu kuyatamola.

Ezaya 28:1

Kalanda ku ng'anda ya cilumba ya akolesi, aina Efulemu nu kwi luwa lyalokota. Ucindami wakwe uyembe, uno watongomala pa mutwe wa nyika ivunde, ya akolesi yakwe waini, auwo ulambalile papo.

Yelemiya 13:9

“Umu musango kwene ndi uu, nemo ndamala ivilumba ku ina Izlaeli ni vya antu aku Yuda.

Yelemiya 3:3

Uli mulandu uno ni mvula isikutonyela. Ni yamooko kwene ali cino itowike. Lelo wemo wakamuka wa mwanaci cizelele, utakwata ni nsonyi.

Ezekelo 24:21

‘Nena ang'anda yakwe Izlaeli uti Yawe Simwandalali uwavwanga wati lola namakowezya incende yane yamuzilo, cilumba ca maka inu, insansa zya manso inu nga ni ciluka ca myenzo inu. Ana inu aonsi na anaci yano mwasya ku cisila yalafwa ku lupanga.

Ezekelo 30:6

Yawe walanda wati, “Yonsi yano yakwazwilizya aina Eguputo yalakomwa. Ni vita vya cilumba vya ina Eguputo vilononwa. Ukutandikila ku Migidoli ukufika nu ku Aswani antu yakwe yalakomwa ku lupanga. Ivyalanda ne Yawe Simwandalali.

Ezekelo 33:28

Ndasangula impanga iye ulwanga, umutaya akantu nanti kamwi. Ndamala ni cilumba ca maka yao. Imyamba yamu Izlaeli ilononeka, mutalaya nu wakupita mwenemo.

Ezekelo 7:24

Caleka ndaama imitundu iyalutapo ukali, iliza ipoke amang'anda yao, ndamala icilumba ca asambazi ni ncende zyao zicindami zilakowela.

Danieli 4:37

“Lyene, ne Nebukadineza, nkulumbanya nu kucindika nu kupeela ululumbi ku Mwene wa mwiyulu, pamulandu wakuti vyonsi vino wene akacita ivisuma nupya ivya ulungi. Nupya wene angacefya yayo acilumba.”

Zefaniya 3:11

Pa wanda kwene uo mwe antu yane mutalaya ni nsonyi pa vintu vino mwacita umu kunsangukila. Pano nemo ndafumya antu yonsi acilumba. Nupya mutalasya muituumike apa mwamba wane uwamuzilo.

Luka 4:25

“Kutikini kunondi, icacumi nkumunena ukuti kwali yamukamfwilwa aingi mu Izlaeli pa nsita yakwe Eliya, lino kwali cilala pa myaka itatu na citika. Lyene cipowe cikulu cuze caponyile mu mpanga yonsi.

Malango 11:17

Ndi mwacita cico, ale lyene Yawe alamusokela. Wene alalesyanya imvula kuti itatonya pakuti umusili ukaye umalale na kuti ivyakulya vitakamele. Lyene namwe mulafwa zuwa mu mpanga isuma iyo ino Yawe akumupeela.

Malango 28:23

Imvula italatonya mpaka umusili ukasuke ukakome uye ndi wa cela.

1 Samueli 4:11

Pali pakupoka Mbokosi ya Upangano yakwe Leza, nga iyakoma Hofini na Pineasi, ana aonsi yaili yakwe Eli.

1 Samueli 4:3

Lino ivita vyaweluluka ku nkambi, intunguluzi zya ina Izlaeli iziinong'onya iziti, “Uzye pacani cino Yawe waleka ukuti aina Filisti yatucimvye? Katuye tukasende Mbokosi ya Upangano ku Syilo pakuti twapita nayo nga yatutuulanya ku maka ya anisi itu.”