Aina Levi 26:16 - Amazwi Yakwe Leza 2013

¹⁶ ndalenga kuti muvunukwe. Nkaalenga kuti uzanzo upone panomuli ni ndwala zyaula kupoziwa, ni ndwala zyakulenga kuti mupafule nga nu kulenga kuti umi winu ucepe. Mukaalima nu kukomela imbezu zinu. Lelo musizombola nanti cimwi, pamulandu wakuti anisi inu yakaamucimvya nu kulya ivyakulya vinu.

Aina Levi 26:16 ပူးပေါင်းရင်းမြစ်များ

1 Yamwene 8:37

“Ndi cakuti cipowe nanti impungo yatuponela, limwi ivyakulya vyononeka ku cilala nanti umuza wakukonkotanika amafwa, nanti vyavuvuma, nanti vyaliwa ku tuzizi nanti makanta, nanti antu yako yayazanza ku anisi yao, nanti yaponelwa nu ulwale umwi uwa musango uli onsi,

Yobo 18:11

Fwandi ivyakumofya vyamutengamila monsi monsi, vyalimbikana nawe monsi muno angapita.

Yobo 20:25

Uluceto ulukamulasa lukaiza ilufumila na pi tundu. Alino insongo yene ikaiza itulinkanya icitunzi ni nduzya. Lyene atandika ukuizakazila uku ntete wakwe mazombwe.

Yobo 31:8

Lyene umwi kaize alye vino nakomiile, navino vyamela umu calo cane navyo kayaviipoole.

Masamu 109:6

Sungala uleke umuntu umwi umwipisye awino apingwile umwanisi wane, leka nu mwanisi wakwe awino amusinile.

Masamu 73:19

Yakapongelela sile ukwaula nu kusumba akasita. Ee mwandi ali kupezya, yakaifwila sile uku ntete!

Masamu 78:33

Nawe fwandi ali pakufomolola umi wao wa mupu ni myaka yao ali pakuisinsola, uku mazyamo.

Kufuma 15:26

Lyene Yawe avwanga ati, “Ndi mukanguvwila ne Yawe, Leza winu nu kucita vyawololoke, nga nu kuyela malamulo yane, lyene ntalalenga kuti mulwale zyandwala ndi zino naponyezizye aina Eguputo. Nene indi Yawe, wino akamupozya.”

Mapinda 3:33

Intipu zyakwe Yawe zyaya apa ng'anda yakwe kaifya, lelo wene akapolelela icifulo ca muntu akacita vyaololoke.

Ezaya 10:4

Kulasyala sile ukukontamika imitwe mwi umba lya azya. Mulafwila umu nkondo. Na lilyo kwene ala Yawe acili asosile, pano ala acili watazunzula ikasa lyakwe apa kumuvunuka.

Ezaya 62:8

Yawe watalapa umulapo. Alino ukwi kasa lyakwe lilunji, alaufikilizya! Wene atalatala apeele cakulya cakwe ku anisi ya antu yakwe. Aenyi nayo yatalatala yamwe waini wa antu yakwe wino yaifenile.

Ezaya 7:2

Walanga amazwi yafika ku mwene waku Yuda ukuti ivita vya ina Alamu vyativingila mu mpanga yamu Izlaeli, intete izimulema kumwi na antu yakwe yonsi icakuti iyapunganika sile wa miti yamu mutengo ikutenta uku muza.

Yelemiya 12:13

Antu yane yatovya ingano, lelo yamazombola sile ivikona. Yaombesya apa maka, lelo yaicuzya sile. Apa mulandu ni cipyu cane ivyakulya vyakana.”

Yelemiya 15:3

“Mu cumi anene ne Yawe nayapingwilile imikosi ii ini, kuti iyaponele. Yalayakoma na yasimbwa yalatakanya ivyala vyao. Ivyunyi navyo vilayakompola ni nyama zya mpanga zilalya ivilasyalako.

Yelemiya 15:8

Yamukamfwilwa yao yatiyavulilako umu mpanga ilya, ukuluta umusensenga uwamu nkumba yakwe yemba. Nakomile ana inu alumendo apa vilumba vyao, nu kuleka kuti yanyina yacule. Umu kupumikizya nayaponyezizye kunyunguluka nga ni ngofyo.

Yelemiya 20:4

Yawe umwisikulu watavwanga ati, ‘Wemo Pasyuli namakucita ingofyo kuli wemwisikulu na kuli yacuza yako kwene. Nu kuilolela ulailolela wemwisikulu kuno anisi yako yalakomola yacuza yako ku lupanga. Namaleka umwene waku Babiloni awino ateke antu yako amu mpanga ya Yuda. Yamwi alayasenda mu uzya uku Babiloni, nga yamwi nayo alayakoma.

Yelemiya 5:17

Yene yaliza yamalile ivyakulya pamwi ni viseekwa vinu vyonsi pyu. Yalakoma ana inu aonsi na anaci kwene. Yene yalafyula iviteekwa vinu na maufyo inu nu konona amatingi kumwi ni misamvu inu. Anisi inu yalonona imisumba inu yamalinga, ino mwataila mwenemo.

Ezekelo 24:23

Mutalazula imipango inu ku mitwe nupya mutalazula insapato zinu ku ngazo, mutalasinsimokela pa kulila nanti sile ukupomola impooma. Mulondelapo sile wakwe cimwi pa kwifya kwinu, nu kusinkolana nu kung'winta.

Ezekelo 33:10

Yawe anena ati, “We mwana wa muntu nena aina Izlaeli ndi vino mwemo mukailizyanya muti, ‘Swemo twanyomelwa ni viipe vitu, nu mufulo uno twacita. Twatituya tukucepelako nu kwikala pano nsi kwene kwatikutufuulila.’

Amosi 5:11

Mukatitikizya apina nu kuyiila lino yakusonka imisonko ya mbezu zyao. Uli mulandu uno nanti mungakuula uli amang'anda ayembe akuulilwa na mawe, mutalikala mwenemo.

Mika 6:15

Mulakomela lelo mutalazombola, muleenga amafuta ya miolivi, lelo mutalayaomvya. Mulafena amatingi lelo mutalamwa waini wayako.

Hagai 1:6

Akula mwakomela imbezu izingi lelo mukazombola sile tunono. Nanti mungalya lelo musiikuta, imumwa lelo ulusala lutangaputuka. Nanti limwi imuzwala lelo ukwaula ukukankamuka. Ukufola kwene nanti mungafola impiya kuno muli mwe yakaomba lelo zitalatala zivule nanti panono. Mwakolana na antu akasembela amanzi umu cituluke.”

Zakaliya 14:12

Ii, ilaya ili mpungo ino Yawe alaponyezya imitundu yonsi iyalwisizye Yelusalemu. Imili yao ilaola lino yacili apuma, amanso yao yalaolela mu vimfonka vyao ni ndimi zyao zilaolela mu tunwa twao.

Malaki 2:3

“ ‘Ndavunuka amu mupanda winu nu kumukantaizya impumi zinu ni vyamumala ya nyama kwene zino mukapeela impolelwa. Ndamuvwintila pa citumba, lilyo ale mwatimukandana navyo.

Malango 28:51

Yaliza yamulile iviteekwa ni vyakulya vinu kwene, mpaka mukafwe ku nzala. Yene yatalamusila imbezu, nanti waini, nanti amafuta ya miolivi, nanti ing'ombe, nanti imfwele, mpaka mwemo mukafwe.

Malango 32:25

Inkondo ilayaletela imfwa mu miseo, mu mang'anda yao mulaya ingofyo. Alumendo na akazyana yalafwa. Kutalaya twana utunya nanti akoloci alapusuka.

Ayebulai 10:31

Kufumbatwa mu makasa yakwe Leza wa umi cintu cimwi ca koofya cuze.

Yakapingula 6:11

Lyene umungeli wakwe Yawe aiza ku muzi wa Ofula nga aikala mwisika lya muoko, umuti wakwe Yoasyi, uwamu luko lwakwe Abiezeli. Gidyoni umwana wakwe ala akupuula ingano mu umfisolo umwakufenela amatingi, pakuti aina Midyani yatamulola.

1 Samueli 2:33

Nga lelo kwene indasya wenga uwamu mupanda winu, nga nawe alaantumikila wakwe simapepo. Lelo wene alakuletela ulanda pakukulenga ukulosya nu kukuletela ukucululuka ku mwenzo wako, nga amu mupanda wako yonsi yalafwa ala yacili ance sile.