Aina Levi 26:15 - Amazwi Yakwe Leza 2013

¹⁵ Ndi mwakana ukuyela amasunde na malamulo yane, nu kutama icipangano cino nacisile kunomuli,

Aina Levi 26:15 ပူးပေါင်းရင်းမြစ်များ

Utandiko 17:14

Uwa monsi wensi wino atalasilamulwa atalapendelwa pamwi na antu yakwe, pano atafikilizye upangano wane.”

2 Yamwene 17:15

Yene yakanyile ukulondela utunguluzi wakwe, yakana nu upangano uno wene wapangine ni vikolwe vyao, nu kusula ukusopwa kwakwe. Yapepanga tuleza twaciwelewele, utuluwi nga lyene aisikulu iyasanguka awelewele. Yene yalondelile imisango ya mitundu iyayazingulwike, yatalamila amasunde yakwe Yawe nu kukana yalondela.

2 Milandu 36:16

Lelo yene yasulanga yakasema yayo nu kuyaseka. Lyene umukuya manda Yawe wasuka wasoka, icakuti lyene pasi pano yangafyukila.

Masamu 50:17

Mwemo musilonda ukuti nemo inamukanzula, na amazwi yane, musiyalondela foo.

Kufuma 19:5

Ndakai ndi mumanguvwila nu kusunga upangano wane, lyene mumayanga antu yane pakasi ka mitundu yonsi ya antu. Nanti cingaya ukuti insi yonsi iyakwane, lelo mwemo mulaya antu yane asololwe.

Kufuma 24:7

Pacisila cakwe vii, Mose atoola lupapulo lwa upangano awelengela antu. Lyene antu yavwanga yati, “Tukaayela Yawe nu kucita vyonsi vino watavwanga. Wene tumamuvwilanga.”

Mapinda 1:30

Mwakanyile ukupandwa amano kunondi, mwakanyile nu kukonkomeziwa kwane.

Mapinda 1:7

Ukoopa Yawe ili ntendekelo ya malango. Iviwelewele ivikasuula amano nu kusundwa.

Mapinda 5:12

Lilyo kwene ulailizyanya uti, “Kalanda kasikolo! Silolini vino nemo nakanyile ukusundwa! Umwenzo wane watalamile ukulungikwa!

Ezaya 24:5

Antu yatiyakowezya insi, apamulandu nu konona amasunde yakwe Leza, nu konona upangano uno wapangana nayo, uwakusunga insi pee.

Yelemiya 11:10

Yatiyasenukila ku maifyo ya vikolwe vyao ndi vino vyene vyakanyile kulondela amazwi yane. Lyene nayo ali vino yakucita. Yene yakupepa tuleza tuze. Aina Izlaeli kumwi na Ayuda yonona upangano uno napangine ni vikolwe vyao.

Yelemiya 31:32

Citalaya wa upangano uno napangine ni vikolwe vyao uwanda uno nayalemile pi kasa nu kuyafumya mu mpanga ya Eguputo. Yene yasuzile upangano wane. Ali cino nali nu kuyalanga ndi vino nene ndi ciinda wao. Ivyalanda Yawe.

Yelemiya 6:19

Uvwini kuno mwe ikazi ya panonsi! Lola, nkuletela antu yaa uononesi, pamulandu wakuti yene yakana usambilizyo wane nupya yakana ukuyela isunde lyane.

Ezekelo 16:59

Nupya Yawe Simwandalali avwanga ati, “We Yelusalemu, nemo ndakulinganya sile pa vintu vino wemo ukacita, pano onona nu upangano.

Aina Levi 26:11

Nkaiikala namwe mwi Taalu lyane lya Ukongano, nupya ntalatala mufutatile.

Aina Levi 26:43

Lelo antu yatale yafume mu mpanga yao iyo pakuti itale isyale iyailyokezya iyeneco, imyaka ya upuzo. Nupya antu yalinzile ukuzumila kuvunukwa pamulandu wa kukana malamulo na masunde yane.

Aina Levi 26:9

Nkaamupolelela nu kulenga kuti muvyale ana avule cuze. Nkaasunga cipangano cane cino nacisile kunomuli.

Malaki 2:2

‘Mulinzile ukuncindika muli vino mukucita. Ndi cakuti mutaluvwa kuli vino nkumunena, lyene ndamuponyezya icitipu. Ndaponyezya icitipu pa vintu vino mukapokelela vyakutungilila wikazi winu. Endi, natimviponyezya icitupu mpiti, pamulandu wakuti mwemo mutisile amano api lamulo lyane.

Mpendwa 15:31

Pamulandu wakusuula amazwi yakwe Yawe nu kukanayela amasunde yakwe, cumi kwene umuntu wiyo alinzile kusukulwa. Wene acili nu mulandu.

Milimo 13:41

‘Lolini, mwe antu amisowe! Zungukini nu kulowa! Pano lino muli aumi musyakutaila cintu cino nkucita ilelo, nanti angala umwi walondolola kunomuli!’”

Loma 8:7

Pano umuntu akaya umwanisi wakwe Leza ndi akutungululwa ni vilondwa vya mwili wakwe, pano wene asyayela Masunde yakwe Leza, nupya atangayela.

Malango 31:16

Yawe anena Mose ati, “Wasya ufwe nupya ndi wafwa antu yaa yalansangukila nu kutandika ukupepa tuleza twamu mpanga ino yasya yingile mwenemo.

1 Tesalonika 4:8

Caleka wino wensi uwakana usambilizyo uu ala wene asyakukana umuntu, lelo akukana Leza, wino akamupeela Mupasi wakwe Wamuzilo.

Ayebulai 8:9

Utalaya wa upangano uno napanzile ni vikolwe vyao pa wanda uno nayatozile ni kasa lyane nu kuyatungulula kuyafumya mu Eguputo. Yene yatali acumi ku upangano uno nacisile nayo. Caleka ntasumvile mano kunoyali.

1 Samueli 12:15

Lelo ndi mwala mwakana ukuvwila Yawe, nupya ndi mwakana ukuyela amasunde yakwe, ale lyene alamulyolyosya kumwi nu mwene winu kwene.