Aina Levi 26:14 - Amazwi Yakwe Leza 2013

¹⁴ Yawe avwanga ati, “Ndi mutakuyela malamulo yane, ndalenga kuti muvunukwe.

Aina Levi 26:14 ပူးပေါင်းရင်းမြစ်များ

2 Yamwene 22:13

“Pitangini mukanguzizye kuli Yawe, muzizye na aikazi amu Yuda yonsi apamulandu na masunde yano yali umu lupapulo luu. Icumi kwene Yawe watusokela sana apamulandu wakuti ivikolwe vitu vino vyatukolelela vitacitanga ivikalondekwa ukulingana ndi vino twazana umu lupapulo luu.”

2 Milandu 34:24

‘Yawe wavwanga wati, ndapezya Yelusalemu kumwi na antu akaikala mwenemo. Ndafikilizya amazwi yano yalembwa mu lupapulo kwene lulo ulwati luwelengwa pa manso ya mwene waku Yuda.

2 Milandu 7:19

“Lelo ndi cakuti wewe na antu yako mwakana ukulondela amasunde yano namupeela, nu kuya ku kutumikila nu kupepa tuleza tuze,

Masamu 81:12

Caleka nani njata vivyo kwene yasyala aumalale imyenzo, pakuti yaicitila vino aisikulu yakulonda.

Mapinda 3:33

Intipu zyakwe Yawe zyaya apa ng'anda yakwe kaifya, lelo wene akapolelela icifulo ca muntu akacita vyaololoke.

Yelemiya 11:8

Lelo yene yasi yakuuvwa foo nanti ukuyeela. Yonsi pyu pasi pakuumalala nu kwifya lyonsi. Nemo nayakonkomezizye ukuyela upangano wane. Lelo yene yakana. Ali cino nani natinjaletela ukuvunukwa yonsi yano yalembwa mu upangano uu.”

Yelemiya 17:27

Lelo ndi cakuti mwala mwakana kunjela, ukuwaka wanda wi Sabata nu muzilo, nu kukana ingila pa mpongolo zyakwe Yelusalemu ni civiya apa wanda wi Sabata, lyene mulaleka noce impongolo zizyo uku moto uno ulamalila amang'anda acindame amu Yelusalemu ukwaula kuti uzime.”

Yelemiya 26:4

Yawe wanena ukuti inene antu inti, “Anene ne Yawe navwanga ukuti yalinzile yalondele amasunde yano namupiile,

Yelemiya 28:8

Yakasema yonsi yano yatukolelile, wewe nani, yasowile ukufuma ku mpiti inkondo, inzala ni mpungo, ivyakwizila impanga izingi na yamwene akalamba.

Yelemiya 32:23

Nayo ali vino yingile mwenemo nu kuipoka. Lelo yakana ukuyela amazwi yako nu kulondela amasunde yako. Yatacisile nanti conga pali vino wayanenyile. Caleka walesile ukuti uyi onsi uyaponele.

Yelemiya 40:2

Alino musika mukalamba wa vita atwala Yelemiya wenga ku lusansa longa, atandika ukumunena ati, “Yawe Leza wako wapangila ukonona impanga ii,

Nyimbo zya ndosya 1:18

“Lelo Yawe walungika, pasi pano natalamile amasunde yakwe. Munguvwwe mwe antu mwensi. Lolini vino nkuwaikwa. Alumendo na akazyana yane yasendwa umu uzya.

Nyimbo zya ndosya 2:17

Umwene lyene wasuka wacita vino walanga wapanga ukucita. Wene watatulovya ukwaula nu luse, ndi mumu kwene muno watunenyile mpiti. Wataleka ukuti anisi itu yatucimvye. Acino lyene nu kuyuvwa yakuyuvwa wakwe cimwi.

Danieli 9:13

Ndi vino calembwa mu Masunde yakwe Mose, uononesi uu onsi watuponela, lelo na ndakai kwene, we Mwene, tutezya ukukuzanzya apa kuzenzuka ku maifyo itu nu kusumbako amano ku cumi cako.

Oseya 7:12

Kuli konsi kuno yangaya, ndayateya isumbo. Ndayakwetela pansi nu kuyalema wa vyunyi vya mulwelele. Ndayavunuka apa viipe vino yacita.

Aina Levi 26:18

“Nanti pacisila cakwe vii vyonsi, ndi mutakunjela, ndungilizya uvunuko winu maila cinimbali pamulandu wa kuntayela kwinu.

Malaki 2:2

‘Mulinzile ukuncindika muli vino mukucita. Ndi cakuti mutaluvwa kuli vino nkumunena, lyene ndamuponyezya icitipu. Ndaponyezya icitipu pa vintu vino mukapokelela vyakutungilila wikazi winu. Endi, natimviponyezya icitupu mpiti, pamulandu wakuti mwemo mutisile amano api lamulo lyane.

Milimo 3:23

Na wino wensi uwakana ukuvwa kasema wilya alapaatululwa kufuma ku antu yakwe Leza nu kononwa.’

Ayebulai 12:25

Caleka tekelini, nupya mutakana kuuvwa kuli wino akuvwanga. Yao akanyile kuuvwa kuli Leza lino wavwanzile kunoyali kupitila muli Mose, yatatuuzilwe. Uzye lyene swemo tungatuulwa uli ndi twakana kuyela wino akuvwanga kunotuli kufuma kwiyulu?

Yoswa 23:15

Lelo mu musango uli umwi kwene uno Yawe wafikilizya ivisuma vino walavile, avino wene alamuletela iviipe vyonsi panomuli vino wamusopisizye, mpaka asuke amuzinge umu mpanga ii isuma ino wamupeela.

Yakapingula 2:15

Lyene lyonsi lino aina Izlaeli yaya ku kulwa, Yawe ayaletela uzanzo, wakwe vino walafile kunoyali nu mulapo. Fwandi lyonsi yikalanga akungumale.

1 Samueli 12:15

Lelo ndi mwala mwakana ukuvwila Yawe, nupya ndi mwakana ukuyela amasunde yakwe, ale lyene alamulyolyosya kumwi nu mwene winu kwene.