Aina Levi 26:11 - Amazwi Yakwe Leza 2013

¹¹ Nkaiikala namwe mwi Taalu lyane lya Ukongano, nupya ntalatala mufutatile.

Aina Levi 26:11 ပူးပေါင်းရင်းမြစ်များ

2 Samueli 7:7

Umu ncende zyonsi muno twapisile na ina Izlaeli, uzye natazile inena nanti intunguluzi yonga pa ina Izlaeli, pali yano nasonsile ukutungulula antu yane aina Izlaeli inti uzye pacani cino utankuulila ing'anda ya mbao zya mukelide?’

1 Yamwene 6:13

Nemo lyene ale namaikalanga pakasi ka antu yane mu Ng'anda ikulu yakwe Leza iya kwene iyakupepela mwenemo, ino ukunkuulila. Nupya ale ntalatala intazyele antu yane aina Izlaeli.”

1 Yamwene 8:13

Nga lelo anene nakukuulila ng'anda ikulu yalulumbi, umwakuti waikala pe na pe.”

1 Yamwene 8:27

“Uzye we Leza wewe ungikala na antu pa mpanga ya pano nsi? Nga vino iyulu ilitaikulila litange likukumane foo. Ale fwandi, uzye ing'anda ino ninkuula ali ino ingakukumana?

Masamu 106:40

Caleka Yawe asokela antu yakwe, nga wene yali wa cintu camuselu kunoli.

Masamu 76:2

Itaalu lyakwe walisimpa mu Yelusalemu, Wikalo wakwe uli kuko kwene ku Zioni.

Masamu 78:59

Leza pasi pakusoka apakulola ivyamusango uo, nu kuyasuula nawe ayasuula.

Kufuma 25:8

Antu yalinzile kunkuulila itaalu lyamuzilo pakuti ningaikala pakasi kao.

Kufuma 29:45

Ndikala pakasi ka aina Izlaeli, nupya ndaya Leza wao.

Kufuma 29:46

Yalamanya ukuti Nene indi Yawe Leza wao, wino wayafumizye mu Eguputo pakuti nikale pakasi kao. Nene indi Yawe Leza wao.

Yelemiya 14:21

Si ungala wiusye vino watulaya, utatusuula foo. Utazewanya umusumba wa Yelusalemu, umwaya icilimba cako ca wene calulumbi. Utonona upangano wako uno wapangana naswe.

Nyimbo zya ndosya 2:7

Umwene watakana kavuwa kakwe nga watafumya amano ku Ng'anda yakwe ikulu iyamuzilo. Watapela ivikulwa vya masano yakwe umu makasa ya anisi kuti yaviongolole. Lyene umu ng'anda yakwe kwene iya mapepo ali muno anisi yakufyuntwila amazya yakuzevya ucimvyo.

Yowelo 2:27

Mulamanya ukuti nene nenga indi namwe mwe ina Izlaeli, nu kuti nene indi Yawe Leza winu. Antu yane yatalazewana nupya, awe.”

Aina Levi 20:23

Mutaca mwalondela intambi zya antu yano yakaikala mu mpanga ilya. Nkuzinga nu kufumya antu yaya akulukuwa pakuti mungingila mu mpanga ilya. Pano yene yatiyandenga kuvwa muselu pa micitile ya uyi wao.

Aina Levi 26:15

Ndi mwakana ukuyela amasunde na malamulo yane, nu kutama icipangano cino nacisile kunomuli,

Aina Levi 26:43

Lelo antu yatale yafume mu mpanga yao iyo pakuti itale isyale iyailyokezya iyeneco, imyaka ya upuzo. Nupya antu yalinzile ukuzumila kuvunukwa pamulandu wa kukana malamulo na masunde yane.

Aina Levi 26:44

Lelo nanti cingaya vivyo, lino antu yalya yacili mu mpanga zya anisi yao ntalayatazyela nanti kuyonona yonsi nu kutama cipangano cane cino nacisile kunoyali. Pano Nene indi Yawe Leza wao.

Zakaliya 11:8

Lelo yakacema yatatu yano yampasile, yamansalosya ku nsingo, nani ali pakuyazinga yonsi pa mwezi onga.

Efeso 2:22

Munoli namwe kwene mukukulwa nu kulundinkanyiwa kuti muye wikalo wakwe Leza mukuomba kwakwe Mupasi Wamuzilo.

Malango 32:19

“Lino Yawe walola vivyo, asoka nga afwita ana yakwe yakalume na yakaci.

Yoswa 22:19

Ndi mwalola ukuti impanga inu italingine ukupepela mwenemo, icani cino mutange mulambile kunotuli ku mpanga yakwe Yawe ukuli Itaalu lyakwe, nu kwankana impanga kwene ii naswe? Lelo mutaezya ukusangukila Yawe nanti ukulenga sweswe ukuponela mu kwifya ukuli kumwi kwene pa kuikuulila kavuwa kauze ukuluta kakwe Yawe Leza witu.

Yoswa 22:31

Pineasi umwana wakwe simapepo Eleaza, avwanga ku amu mutundu wakwe Lubeni, na amu mutundu wakwe Gadi nga na amu mutundu wakwe Manase, ati, “Ilelo twamanya ukuti Yawe ali naswe, pamulandu wakuti mutasangukile Yawe, lelo mwatimukulula aina Izlaeli ku kuvunukwa na Yawe.”

Umbwilo 21:3

Alino nuvwa izwi likulu likulanda kufuma ku cilimba ca wene liti, “Ndakai uwikalo wakwe Leza uli pamwi na antu! Wene amaikalanga nao nupya yene yalaya antu yakwe. Leza umwisikulu alaya nao nupya wene alaya ali Leza wao.

Umbwilo 7:15

Uli mulandu uno yati iimilila nkolelo ya cilimba ca wene cakwe Leza nu kumutumikila musanya nu usiku mu Ng'anda ikulu yakwe Leza. Wino atenzi pa cilimba ca wene alayacingilila pa kuya nao.