Aina Levi 26:1 - Amazwi Yakwe Leza 2013

¹ Yawe avwanga ati, “Mutaipangila tuluwi, nanti kwimika viumbwa vya unkolanya nanti kwimika incesi zya mawe, nanti kuiwazila vintu vii kuti mwavipepa. Nene indi Yawe Leza winu.

Aina Levi 26:1 ပူးပေါင်းရင်းမြစ်များ

2 Yamwene 17:10

Apapela ya milundu yonsi nu mwisika lya vimiti ivikulu ivya matesi, monsi iyakuula utuvuwa twa mawe nu unkolanya wakwe kaleza kanaci ka Asyela.

2 Yamwene 17:16

Yonona amasunde yakwe Yawe Leza wao yonsi, yapanga ivimumbwa vya ng'ombe, yacipambasi yaili avyela, avino yamafukamila nu kupeela ntaizyo kuno vili. Yapanga nu unkolanya wakwe kaleza kanaci ka Asyela, nu kupepa intanda nu kuombela Baali.

2 Yamwene 17:8

Iyalondela ni misango ya antu yano Yawe wapusizye umu mpanga ilya pakuti yingile mwenemo. Aino iyatola imisango iyalesilwe na ene ya ina Izlaeli.

Masamu 78:58

Yamusonsombanga umu vifulo vyao ivyapapela ivyaku pepelapo, yamufisya nu ku mwenzo uku tuluwi twao.

Masamu 97:7

Yakapepa yatuluwi, insonyi kaziyaleme, yayo yonsi akaitanka apa vyaciwelewele. Alino mwe tuleza tonsi mufukamilini pansi.

Kufuma 20:2

“Nene indi Yawe Leza winu, wino walenzile kuti mufume mu mpanga ya Eguputo, kuko kuno mwali azya.

Kufuma 20:23

Mutaipangila tuleza twakwe siluva nanti zaabu kuti mwatupepa pamwi nani.

Kufuma 23:24

Mutafukamila unkolanya wakwe tuleza twao nanti kutupepa. Mutalondelela mipepele nanti miyele ya antu yaa. Mukonone tuleza twao nupya mukatamole vipilala vya mawe yao pano yakapepela.

Kufuma 34:17

“Mutaipangila tuluwi twakwengulula nu kutupepa.

Ezaya 2:20

Umu wanda ulya antu yalavwintila utuluwi twao, twakwe siluva na zaabu kuli yatunko nu tususu, utuluwi tuno yaipangile ni minwe yao ukuti yangatufukamila.

Aina Levi 19:4

“Mutansya nu kuseleukila ku kupepa tuluwi. Mutaipangila tuleza twavyela nu kutupepa. Nene Yawe Leza winu.

Aina Levi 25:55

Mwina Izlaeli atangatekwa uzya amanda pe, pamulandu wakuti aina Izlaeli azya yakwe Yawe. Wene wayakazile ukufuma mu mpanga ya Eguputo. Wene a Yawe Leza wao.’”

Aina Levi 7:33

Ana yakwe Aaloni na simapepo wino wapeela uwazi na mafuta ya wila wa utandano aliyo yalapokelela mwendo wa kwikasa lilunji wa ciputulwa cao.

Mpendwa 33:52

mulinzile ukuzinga aikazi yamwenemo yonsi kwene. Monone nu tuluwi twao tonsi tuno yawaza na tuno yengulula kwene. Mukonone ni ncende zyao kwene zino yakapepela mwenemo.

Milimo 17:29

“Caleka pano sweswe ana yakwe Leza, tutaelenganya vino umwata wakwe Leza ukoline wa ciluwi cakwe zaabu nanti cakwe siluva nanti iwe, icapangwa nu muntu umulamoke.

Malango 27:15

“ ‘Katipwe kuli Leza umuntu wino akaipangila akaluwi ka mawe, nanti aka miti nanti akacela, pakuti wene akano apepa mu umfisolo. Yawe wapata ukupepa utuluwi.’ “Lyene antu yonsi yalande yati, ‘Ee mukwai! Kaciye vivyo kwene!’

Malango 5:6

‘Nene indi Yawe Leza winu, wino walenzile kuti mufume mu mpanga ya Eguputo, kuko kuno mwali azya.

Umbwilo 22:15

Lelo yao akacita vya winyi na alozi, yacizelele ni nkomi, yakapepa ya tuluwi nga na yao akatumpoka mu mazwi nu mu vicitwa kwene, yaa yonsi yalasyala kunzi ya musumba ukulu.

Yakapingula 18:30

Kuku kwene akuno amu mutundu wakwe Dani yimika tuluwi twao, nga Yonatani umwana wakwe Gelisyomu, umwana wakwe Mose, pamwi na ana yakwe yali a yasimapepo atumikilanga umutundu wakwe Dani ukufika na lino yizile iyasendwa mu uzya.