Aina Levi 25:9 - Amazwi Yakwe Leza 2013

⁹ Lyene pa wanda uwalenga ikumi, uwa mwezi uwalenga cinimbali uwanda wa kwelela amaifyo, mwatuma umuntu kuti alizya intandala mu mpanga yonsi.

Aina Levi 25:9 ပူးပေါင်းရင်းမြစ်များ

Masamu 89:15

Alongo antu yano wasambilizya uku kuumilila utupundu yayo akaapita umu lukundo lwako, we Yawe.

Masamu 89:16

Yene yakakuzangila umusanya onsi, yakalumbanya uololoke wako.

Ezaya 27:13

Mu wanda ulya intandala ilalila, iyakwama aina Izlaeli yonsi yano yikala mu mpanga ya uzya, mu mpanga ya Asilya nu mpanga ya Eguputo. Yalawela nu kwiza pepela Yawe mu Yelusalemu, pa mwamba wakwe wamuzilo.

Aina Levi 16:20

Lino Aaloni wamala ukucita ulutambi lwa kuswefya Ncende Yamuzilo kuluta, mwi Taalu lya Ukongano nga nu kuswefya kavuwa, alinzile ukupeela kuli Yawe imbuzi ipuma ino yasolwilwe kuti iye yakwe Azazeli.

Aina Levi 16:29

Malamulo yaa, yali nu kusungwa ku nkulo zinu zyonsi. Pa wanda uwalenga ikumi, uwa mwezi uwalenga cinimbali, aina Izlaeli pamwi na inamasi yano yakwikala pakasi kao, yatalinzile ukulya nanti cakulya cimwi. Nupya yatalinzile ukuomba umulimo uli onsi.

Aina Levi 16:30

Pa wanda uwo ulutambi lwa kufuta amaifyo luli nu kucitwa, lwa kuswefya aina Izlaeli na inamasi ku maifyo yao, pakuti yaye aswepe kulingana nu lutambi.

Aina Levi 23:24

“Nena aina Izlaeli uti, ‘Pa wanda wakutandika uwa mwezi uwalenga cinimbali, mwasunga uwanda, pano uwanda uwa kupuza, nupya mwakongana pamwi ku mapepo lino intandala yalila.

Aina Levi 23:27

“Uwanda uwalenga ikumi, uwa mwezi uwalenga cinimbali, uli wanda wakucita ulutambi lwa kufuta amaifyo. Pa wanda uwo mutaomba nanti cimwi foo. Mwakongana sile pamwi ku mapepo nu kupeela uwila wa usu kuli Yawe.

Aina Levi 25:8

“‘Mwapenda imyaka cinimbali maila cinimbali, pamwi imyaka amakumi yani na fundimbali.

Aina Levi 27:17

Muntu ndi wapeela impanga yakwe zuwazuwa lino Mwaka wa Ukuluzi wasila, lyene alinzile ukulipa kulingana nu mutengo onsi.

Aina Levi 27:24

Mu Mwaka wa Ukuluzi icalo cilinzile ciswiliziwe ku mweneco wakutandika nanti ku amu mupanda wakwe.

Mpendwa 10:10

Alino nu mu nsita zinu zyaluzango, ivili mu manda inu akuzevya myezi ipya nga nu kuzevya kuze ukwasyala ukwa upefi, muce mwalizya intandala pa kupeela amawila inu akoca na autandano. Lyene ndiusya ukumwazwilizya. Nene indi Yawe Leza winu.”

Mpendwa 36:4

Alino lyene Mwaka wa Ukuluzi lino uliza ufike, ali lino aina Izlaeli yalalunda icipande cakwe anaci amu cipande ca mutundu uno yalayela mwenemo. Nupya cilafuma nu ku cipande ca mutundu wa vikolwe vitu.”

Loma 10:18

Lelo uzye nimati aina Izlaeli yatuvwile? Awe! Mucumi yene yuvwile. Cili ndi vino calembwa mu malembelo cati, “Ilandwe lino yakosozile lyuvwika konsi muno nsi Mazwi yano yakosozile yasalangine kufika nu ku mpela ya nsi.”

Loma 15:19

mu maka ya vinjelengwe ni vizungusyo, nga nu mu maka yakwe Mupasi Wamuzilo. Acino mukupita ulendo kufuma ku Yelusalemu kufika ku Ililikumu, nasalanganya Ilandwe Lisuma lya pali Yesu Klistu.

1 Tesalonika 1:8

Pamulandu winu, Ilandwe lya Mwene lyasalangana konsikonsi mu Makedoniya nu mu Akaya. Ndakai mpwelo ya pa utailo winu muli Leza yuvwika konsi mu nsi. Acino lyene tutakweti cimwi ca kulanda pamulandu wakwelyo.

Yoswa 6:4

Yasimapepo cinimbali yace yasende intandala izyapangilwa ni mpembe zyakwe yasuuku, nupya yace yakolelele Mbokosi ya Upangano. Pa wanda uwalenga cinimbali, mulinzile ukupita ukuzinguluka umusumba amaila cinimbali, na yasimapepo yala yakulizya intandala.