Aina Levi 25:55 - Amazwi Yakwe Leza 2013

⁵⁵ Mwina Izlaeli atangatekwa uzya amanda pe, pamulandu wakuti aina Izlaeli azya yakwe Yawe. Wene wayakazile ukufuma mu mpanga ya Eguputo. Wene a Yawe Leza wao.’”

Aina Levi 25:55 ပူးပေါင်းရင်းမြစ်များ

Masamu 116:16

Yawe, ala nene muzya wako, nemo nkakuombela vivi kwene vino mayo nawe wacitanga. Wemo watunsapula umunyololo, watunkulula.

Kufuma 13:3

Mose anena antu ati, “Lyonsi mwaiusya uwanda uu. Uli wanda uno mwafumile mu Eguputo, ku cifulo cino mwali azya. Uu uli wanda uno Yawe waomvizye maka yakwe pa kumufumya kuku. Caleka mutalinzile ukulya umukate umuli icitutumusi.

Kufuma 20:2

“Nene indi Yawe Leza winu, wino walenzile kuti mufume mu mpanga ya Eguputo, kuko kuno mwali azya.

Ezaya 43:3

Pano nene indi Yawe, Leza wako. Nene Wamuzilo wakwe Izlaeli wilya, Katuula wako. Ndapeela Eguputo apa kukutuula. Ndapeela Kusyi na Seba umu cifulo cakwe wewe.

Aina Levi 25:42

Aina Izlaeli yene azya yakwe Yawe uwayafumizye mu mpanga ya Eguputo. Acino yatalinzile kukaziwa mu uzya.

Aina Levi 25:54

Ndi muzya wiyo atasapwilwe umu nzila imwi pali zii, lyene muzya wiyo pamwi na ana yakwe yalinzile kusapulwa lino Mwaka wa Ukuluzi wafika.

Aina Levi 26:1

Yawe avwanga ati, “Mutaipangila tuluwi, nanti kwimika viumbwa vya unkolanya nanti kwimika incesi zya mawe, nanti kuiwazila vintu vii kuti mwavipepa. Nene indi Yawe Leza winu.

Loma 6:14

Iifyo litalinzile kuteeka mwemwe pano mwemo Masunde yakwe Mose yasyamuteeka, lelo mukateekwa ni cikuku cakwe Leza.

Loma 6:22

Lelo ndakai mwakululwa kwi iifyo, nupya mwati muya azya yakwe Leza. Acino muzano uno mukweti umi wa kuipelesya kuli Leza, nga ni cikafumamo, umi wape.

1 Kolinto 9:19

Nemo nene muntungwa, nsi muzya wa muntu ali wensi. Lelo nati nja muzya wa antu yonsi pakuti ndonke antu aingi kuluta.

1 Kolinto 9:21

Mu musango uli onga kwene, lino nkuomba pamwi na Akulukuwa, nemo nkaikala wa Mukulukuwa, kwaula kulondela Masunde ya Ciyuda, pakuti ndonke Akulukuwa. Cii cisyakusenula ukuti nsyayela Masunde yakwe Leza. Mucumi nemo nkateekwa na Masunde yakwe Klistu.

Galatiya 5:13

Lelo mwemo inane, Leza wamwama kuti muye antungwa. Lelo mutaleka untungwa uu, uye ni nsambu yakuleka kuti mutekwe uzya ni vilondwa vinu vya mwili. Mu cifulo cakwe cico lekini kutemwa kumutungulule mu kutumikilana.