Aina Levi 25:39 - Amazwi Yakwe Leza 2013

³⁹ “‘Ndi mwina Izlaeli muzo mwinipamba waya mupina, nga aipatikizya kuti aikazye umwisikulu kunomuli pakuti aye muzya winu, mutalinzile kulenga umuntu wiyo aomba imilimo ya uzya.

Aina Levi 25:39 ပူးပေါင်းရင်းမြစ်များ

1 Yamwene 9:22

Lelo apa ina Izlaeli patali yano Solomoni wacisile azya foo. Yene wayacisile ivita vyakwe, yakalinda yakwe, aomvi yakwe, yamusika akalamba ya vita vyakwe, na yamusika ya maceleta na yao akwelanga mwenemo.

2 Yamwene 4:1

Uwanda umwi mukamfwilwa, uwali umuci wakwe wenga uwamuli yakasema, aya kuli Elisya nga amunena ati, “Mwamanya ukuti uwane wafwa, nupya wali umuomvi winu. Lyene fwandi kwati kwiza umuntu umwi wino uwane wakongwile impiya. Lelo ndakai wene akulonda kuti asendele penepo ana yane yaili kuti akayacite azya yakwe, wa malipilo pa nkongole zya wane. Mwamanyile na vino uwane wali umuntu umwi uwoopanga Yawe.”

2 Milandu 28:10

Lyene mwemo mukasi kuti mucite uzya anaci aku Yuda nu ku Izlaeli pamwi na ana yao kwene. Uzye namwe kwene musi ni milandu ino mwacita kuli Yawe?

Neemiya 5:5

Nanti angala sweswe yali yamwi na Ayuda yanji. Uzye ana itu yatakoline na ana yao? Lelo tulinzile twakazya ana itu wa azya. Twatitukazya mpiti ana itu yamwi anaci wa azya, pamulandu wakuti antu yauze yatupoka vyalo vitu kumwi ni vya matingi kwene.”

Kufuma 1:14

Umi wa ina Izlaeli wali uwakucululuka pamulandu wakuti aina Eguputo yayakulizyanga ukuomba incito ikome mu kutama injelwa nu kukanda indaka mu makuule nga nu mu milimo yamu vyalo vyao kwaula ukuya nu luse panoyali.

Kufuma 21:2

Ndi wakala muzya umonsi Muyebulai, wene ali nu kukutumikila imyaka mutanda. Lelo mu mwaka uwalenga cinimbali wene alinzile kukululwa kwaula kulipila nanti cimwi.

Kufuma 22:3

Lelo ndi cacitika musanya, umuntu wiyo angapeelwa mulandu wakutala katwe. “Icumi kwene umwivi alinzile alipile pali cino wiya. Lelo ndi cakuti atakweti icakulipa, lyene yalinzile kumukazya kuti alipile pali vino wiya.

Yelemiya 25:14

Pano antu amitundu yonsi ilya nayo kwene yalateekwa uzya ku antu amitundu iingi na kuli yamwene. Ndayavunuka apakulinganya vino nayo yacita.

Yelemiya 27:7

Imitundu yonsi lyene ili nu kumutumikila aliwe, umwana wakwe nu mwizikulu wakwe, mpaka insita ya mpanga yakwe nayo ice ifikile lino imitundu yuze ikulu ilamuluta amaka nu kumucita umuzya.

Yelemiya 30:8

“Mu wanda ulya, ali vino ne Yawe Wamaka yonsi navwanga, ndakontola ikoli apa nsingo zyao, ndatankola ni minyololo yao, yatalatala nupya yaye azya ku enyi.

Yelemiya 34:14

Cila myaka cinimbali ndi yapita, cila wenga ali nu kulekelamo umuzya wino wiza waikazya kuno muli, apakuti nawe aikalile wenga. Ukuya kwene alinzile waya umuzya apa myaka mutanda kuno muli. Nga alinzile walekwamo apakuya umuntungwa. Lelo ivikolwe vinu vitanguvwile foo, nanti panono.

Yelemiya 34:8

Izwi lyakwe Yawe lyafikile Yelemiya apacisila ca upangano uno umwene Zedekiya yapangine na antu yonsi aikazi amu Yelusalemu, uwakupeela untungwa uku azya yao.

Yelemiya 34:9

Umuntu ali wensi wali nu kupeela untugwa uku muzya wakwe Muyebulai, ciye umwanaci nanti umonsi apakuti aipitila. Kutaya nanti wenga uwakuteeka Umuyuda muze uzya.

Aina Levi 25:46

Nupya azya yao mungayasya mu makasa ya ana inu ndi mwafwa, kuti yaye caupyanyi wao amanda pe. Lelo mutalinzile kuteeka mwina Izlaeli muzo mu kukalala.

Mateo 18:25

Pamulandu wakuti muomvi atakweti cakuti alipe, mwene apeela ilamulo kuti yamukazye. Alino yakazye umuci, ana nga na vyonsi vino wakwata pakuti alipe impiya zyonsi zino wakofile.