Aina Levi 25:38 - Amazwi Yakwe Leza 2013

³⁸ Nene indi Yawe Leza winu wino wamufumizye mu mpanga ya Eguputo kuti mpeele impanga ya Kenani kunomuli, kuti iye iyakwinu. Nupya kuti nje Leza winu.

Aina Levi 25:38 ပူးပေါင်းရင်းမြစ်များ

Utandiko 17:7

“Ndafikilizya kusunga upangano wane kunuli nu ku amu mupanda wako mu mikulo ilalondelela yonsi. Wene ulaya upangano wa manda pe. Ndaya Leza wako na Leza wakwe yano amu mupanda wako.

Kufuma 20:2

“Nene indi Yawe Leza winu, wino walenzile kuti mufume mu mpanga ya Eguputo, kuko kuno mwali azya.

Yelemiya 31:1

Yawe wavwanga wati, “Mu manda yalya ndaya Leza wa nko zyonsi zyakwe Izlaeli, nazyo zilaya antu yane.”

Yelemiya 31:33

Upangano uno ndapangana na ang'anda yakwe Izlaeli, amanda ndi yapita ali uu: indika amasunde yane mu nda zyao, ndayalembela nu mu myenzo yao. Ndaya Leza wao, nayo yalaya antu yane.

Yelemiya 32:38

Alino lyene yalaya umutundu wane, nani ndaya Leza wao.

Aina Levi 11:45

Nene Yawe wino wamufumizye mu Eguputo, pakuti ningaya Leza winu. Mulinzile ukuya amuzilo pano nene wamuzilo.

Aina Levi 25:37

Utakongwesya auzo impiya pakuti yakungilizye zyuze pa kukuwezezya. Nupya utakazya ivyakulya ku auzo ukuluta pa mutengo uno wakalilepo.

Mpendwa 15:41

Nene indi Yawe Leza winu, wino uwamufumizye mu Eguputo kuti nje Leza winu. Nene indi Yawe Leza winu.”

Ayebulai 11:16

Lelo yalondesyanga mpanga isuma kuluta, mpanga ya kwiyulu. Acino Leza asi ni nsonyi zyakuti yamwama ukuti a Leza wao, pano wayateyanyizizya musumba.