Aina Levi 25:36 - Amazwi Yakwe Leza 2013

³⁶ Utalipilisya mwina Izlaeli muzo pa mpiya zino wamukongwesizye. Lelo waoopa Leza wako nu kuleka aina Izlaeli yauzo yaikala nawe.

Aina Levi 25:36 ပူးပေါင်းရင်းမြစ်များ

Neemiya 5:15

Lelo alasi ankolelile yacuzyanga antu. Yapokololanga antu ivyakulya na waini ukwika penepo ni mpiya zyakwe siluva, anganyoma ukulingana na citika wakwe kilogalamu. Alino na aomvi yao kwene yatesile antu ukukalili. Nemo palwane intatazile incite icamusango ndi uo, apamulandu nu koopa Leza wane.

Neemiya 5:3

Yauze nayo ala yakuti, “Swemo twasitika vyalo vitu, ni vyalo vitu vya matingi nga na mang'anda itu apakwazima impiya pakuti tutakafwe uku cipowe.”

Masamu 15:5

Wiyo asilonda ukukwilila umu mpiya zino wakongwesya. Wiyo asipokelela amafukakanwa pakuti yafyenge uwakaele. Muntu wino akacita ivintu vii, pasi icintu nanti conga icingamuponya.

Kufuma 22:24

Nupya ndasoka nu kulenga kuti anisi inu yamukome mu nkondo. Aci inu yalaya yamukamfwilwa, na ana inu yalaya ana asyale.

Kufuma 22:25

“Umwi ndi wakongwesya impiya ku muntu ali wensi uwamu antu yane mupina, atacita wakwe kakongwisya wa mpiya, alonda kuti yamulipe kalowa.

Mapinda 28:8

Wiyo akasandulula ivyuma vyakwe umu kuomvya ulufyengo, ulwakulila auze mu vintu vino walonka, alavilonkela umuntu muze, nawe akavipeele nu ku alanda.

Ezaya 24:2

Kuli wensi cili nu kuya icili conga. Kuli yasimapepo nu ku antu, ku asambazi nu ku azya kwene. Uku akote nu ku ance kwene. Kuli yakakala na kuli yakakazya kwene. Kuli yakakongwesya na kuli yakakongola kwene. Kuli yakaazima na kuli yakaazimisya kwene. Uku apina nu ku akama kwene.

Yelemiya 15:10

Kalanda kunondi! Uzye icani cino mayo wamvyalile? Nemo nkulemanila nu kupazyana nu muntu wensi mu mpanga ii. Nsiazimisya nanti ukwazima impiya. Lelo antu yonsi yakantipwila.

Ezekelo 18:13

akaliila muli vino wazimisya nu kupoka tunsonse, umwana wiyo aakacita iviipe vii vyonsi vyawinyi atalaya nu umi, lelo alafwa nga nu wazi wakwe ulaya pa mutwe wakwe umweneco.

Ezekelo 18:17

akafuntusya minwe yakwe ku viipe, asilonkelamo muli vino wazimisya, asipoka nsonse, lelo wene akalondela ivipope vyane nu kuwaka amasunde yane yonsi, umwana wiyo atalafwa foo pa maifyo yakwe isi, lelo alaya nu umi.

Ezekelo 18:8

Asiliila muli vino wazimisya, asipoka nsonse, akafuntusya iminwe yakwe ku viipe, akapingwila na antu mu ulungi.

Ezekelo 22:12

Antu yako yamwi yakalipilwa impiya ndi yakoma umuntu. Yamwi yakapokelela amafukakanwa pali vino yakakopesya aina Izlaeli yauze, yakasanguka akama pamulandu nu kucenjezya auze. Lelo kunondi iyanjilila sile. Ivyalanda ne Yawe Simwandalali.

Aina Levi 25:17

Mutasombana, lelo mwaoopa Leza winu. Nene indi Yawe Leza winu.

Aina Levi 25:37

Utakongwesya auzo impiya pakuti yakungilizye zyuze pa kukuwezezya. Nupya utakazya ivyakulya ku auzo ukuluta pa mutengo uno wakalilepo.